طرق عصرية للانتحار اوعة تجرب

[احمد حمدان]

لو انت زهقان من دنيتك وخلاص مش طايق العيش والعيشة
واللى عايشينها ؟
لو حماتك ولا مراتك طلعوا عينك وعين اللى خلفوك وخلاص مش قادر عليهم ؟
لو عايز خلاص تنتحر بس مستحرم تعملها وخايف تموت كافر ؟

تعال هنا وانا اقولك ازاى تخلص من دنيتك وتكون كمان شهيد مش كافر؟

اخترلك حاجة من الحاجات دى :

1:- قف فى ميدان عام وقل رأيك بمنتهى الصراحة فى
الحكومة والنظام والفساد ( وانا اهو لو طلع عليك نهار . )

2:- قف فى طابور عيش واعمل نفسك فهلوى وحاول
تتخطى اللى قدامك ( باقى الطابور هايكلوك قبل الخبز احيانا )

3 :- روح مستشفى من مستشفيات الحكومة علشان
تعمل عملية جراحية ( بس بشرط اكتب وصيتك قبل الذهاب )

4:- روح مستشفى استثمارى لنفس الغرض
( هايفضوا بطنك من اللى فيها مثل الكلاوى والقلب والكبد

5:- اركب اتوبيس نقل عام او ميكروباس
( بس بشرط يكونوا هايعدوا على ترعة او شريط قطار )

6:- زعل مراتك وارفض طلبها انها تصيف السنة دى
( بس بشرط يكون عندك ساطور محترم واكياس سودة )

7:- اعمل نفسك رايح تحج ولا تعمل عمرة واركب عبارة
(بس بشرط تكون عبارة السلام 500 بتاعة ممدوح اسماعيل )

8:- اقعد امام التليفزيون واتفرج على تصريحات الوزرا والمسئولين
وعلى برامج الاطفال والاعلانات
( بس الموضوع دة ممكن يطول معاك شوية لأنك هايجيلك شلل الاول قبل ما تجيلك نقطة )

9:- اعمل نفسك وطنى وروح بلغ عن مخالفة او سرقة او فساد
( بس بشرط يكون اللى هاتبلغ عنة مسنود من فوق )

10:- اعمل نفسك فييس واعزم مراتك وعيالك على عشوة
فى مطعم مشهور وانت مفلس
( بس اوعى تنسى تسرب المدام والعيال قبل ما تيجى فاتورة الحساب )

والله يرحمك .....

[احمد حمدان]

اية الفراغ دة انا هنتحر

[Special Girl]

ههههههههههههههههههههههههه ههههههههههههههه
انت دمك ذى العسل يا لهوى
تسلم على التوبيك الجامد
وتقبل مرورى

[احمد حمدان]

ههههههههههههههههههههههههه ههههههههههههههه
انت دمك ذى العسل يا لهوى
تسلم على التوبيك الجامد
وتقبل مرورى

والله انتى زى العسل بس اوعى تجربى احنا محتاجينك
وشكرا لمرورك وتحياتى لكى

[بك أستجير فمن يجير سواك]

8:- اقعد امام التليفزيون واتفرج على تصريحات الوزرا والمسئولين
وعلى برامج الاطفال والاعلانات
( بس الموضوع دة ممكن يطول معاك شوية لأنك هايجيلك شلل الاول قبل ما تجيلك نقطة )

عهههههههههههههههههههههههه ههههه
يسلموا على الطرق الجميلة وبجد حلوين
انا هروح اجرب اهو
مشكور يااحمد

[احمد حمدان]

عهههههههههههههههههههههههه ههههه
يسلموا على الطرق الجميلة وبجد حلوين
انا هروح اجرب اهو

مشكور يااحمد

العفو بس اوعة تجرب لانى مجرب وخلاص كنت هتشل ولحقت نفسى فى اخر وقت لما الكهرباء انقطعت
ومرسى لمرورك الجميل