انا صعيدى

**احمد حمدان** · 18 - 12 - 2009, 09:32 PM

السلامو عاليكم
انا احمد محمد حمدان من سوهاج يعنى صعيدى
كونت فى الاول بكرة اى حد يقول نكت على الصعيدة بس لما عرفت ان الكلام دة مش كلة بينتبق علينا بقيت عادى وكمان اليوم راح اكتبلكو
نكت وبعضها عن الصعيدة وانا منهم ولو تعرفهم هتعرف ان الكلام دة مش بينتبق عليهم
والان نبدا

كسلان دخل الامتحان وقع منه القلم .‏سلم الورقة.

· مرة واحد باع اللى وراه والى قدامه وا شترى اللى جنبه.

· بقرة جالها جفاف نزلت نيدو .

· ليه الخشب يتيم؟.......‏لأ نه مقطوع من شجرة.

· مرة 5 ‏دخلوا كلية الهندسة اثنين طلعوا مهندسين وثلاثة مدينة نصر.

· لية الصعيدي الصغير أذكى من الصعيدي الكبير؟...... لأنة مابقالوش كتير صعيدي

· واحد بلديتنا كبر دماغه معرفش يخرجها من التيشرت.

· عربية كحيانة صاحبها سابها قدام بيت مهجور...‏ليه؟؟ ! ‏عاوزها تبقى عربية شبح

· مره واحد عداه العيب اخد الي بعده.

· واحد خلقه ضاق اداه لأخوه الصغير.

· دبانة وقعت فى ازازة وسكى طلعت تقول اوعى النسر.

· واحد مشغول اتجوز واحدة مشغولة خلفوا ولد مش فاضلهم.

· ‏مرة مدرس رياضيات خلف ولدين و استنتج التالت.

· واحدة اتجوزت واحد شخصيته مهزوزة . ‏ركبت له أريل.

· همبورجر وبيبسى و بطاطس بيجروا فى الشارع تفتكر ليه؟
........ عشان وجبات سريعة

· مرة دكتور اسنان اشترى عود قصب لقاه مسوس حشاه.

· خبير ارصاد جويه ... ‏اتجوز وخلف بنتين الكبرى 27 ‏والصغرى 13

· صعيدي جزمته اتقطعت خيطها وبعد أسبوع لقاها كويسه فك الخياطه

· مين أكثر إنسان صابر في الدنيا؟؟؟ صعيدي ينتظر إليسا علي قناة إقرأ .

· واحدة سودة قوي ركبها عفريت حاولوا يطلعوه قالهم نفسي أطلع بس مش شايف

· واحدة بتقول لجوزها اطرد السواق كان حيموتني مرتين في حادثة قال لها خلينا نديه فرصة ثالثة .

· صعيدي قال لأبوه: رخصة السواجة خلصت يابوي قاله:من لفك في الشوارع طول النهار

· مسطول صدم شرطي وموته راح متصل بـ122 وقالهم:أحب أبلغكم إنكم بقيتوا 121

· صعيدي قال لأبوه أنا عاوز موبايل قاللوا موافق بس تركب أخواتك معاك .

· محشش بيسأل محشش التعلب بيولد ولا بيبيض قاله التعلب مكار توقع منه أي حاجة

· مرة واحد وقف تاكسي و قاله : ‏فاضي ياسطى ؟؟؟ قاله : ‏ايوه فاضي.. قاله: ‏طيب.. تعالى اقعد معايا عالقهوة شوية !!

· ‏مره واحد ابنه طلع من الأوائل ......... شفروه !

· صعيدي ربح مليو ن خافوا يبلغوه يموت مصدوم .. قال العمده أنا أقوله.
قال يا محمدين لو ربحت مليون حتعمل بيهم إيه؟
قال:أديك نصهم ...
مات العمدة

**ايسل** · 19 - 12 - 2009, 08:42 AM

ايه يا عم النكت دى على الصبح حد مصلطك علينا

بهزر معاك متبقاش صعيد ى وتزعل حلوه النكت

والصعايده احسن نــــــــــــــــــاس

**احمد حمدان** · 19 - 12 - 2009, 09:00 AM

[QUOTE=ايسل;577545] ايه يا عم النكت دى على الصبح حد مصلطك علينا

بهزر معاك متبقاش صعيد ى وتزعل حلوه النكت

والصعايده احسن نــــــــــــــــــاس[
مرسى ليكى على رادك الجميل وتحياتى ليكى
وتسلم