ليه مش بنحس بقيمة النعمة غير لماتضيع مننا

[كابوس الحرامية]

ازيكم يا مصراوية
في موضوع في بالي كدة شوفته مع ناس كتير يمكن انا منهم
....
ليه مبنحسش بقيمة الحاجة الا لما تضيع من ايدينا؟
يعني نتكلم بمعنى اوضح واشمل ليه كل واحد فينا في ايده نعمه يضيعها وبعدين يقول ياريتها كانت فضلت معايا
والنعم كتير ولا تعد ولا تحصى النهاردة في ايدي رغيف عيش مش عجبني مع ان فيه ناس كتير مش لاقيه حتى لقمة عيش واحده وبتموت كل يوم من الجوع
....
اللي عنده دفايه يقول ياريت عندي تكييف مع ان فيه ناس ملايين في الشوارع في البرد مش لاقيين حتى بطنيه يتغطو بيها
....
واحد تاني عنده شقه بس صغيرة شوية يقول لا انا ياريتها فيلا مع ان في نفس الوقت فيه ناس كتير ملهمش مأوى ولا بيت غير الشارع يبقى نحمد ربنا ان فيه اربع حيطان تدارينا
....
واحد ربنا كرمه واشترى عربيه بس قديمة شوية
يطمع يكون عنده مرسيدس او بي ام ولا حاجة
مع ان فيه ناس طول النهار والليل ماشيه في الشارع مش لاقيه حتى حق التوكتوك تركبه
....
دة جزء من الموضوع
ودي النعم اللي الانسان كل ماربنا بيديله حاجة يطمع في اكتر منها رغم ان الانسان كل ما احلامه كانت بسيطه كل ماربنا اداله اكتر وعوضه خير عن صبره
...
الجزء التاني من الموضوع
ــــــــــ
ليه لما يكون عندنا صديق نضيعه لاسباب تافهه واول ميروح مننا نقول ياريتنا مكنا ضيعناه ونفضل نحارب عشان نرجع
...
ليه لما يكون في حد يحبنا اوي ويكون مخلص يتقابل كل دة بالخيانه والغدر وبعدين نندم ااننا غدرنا بيه ونحاول نرجعه بس للاسف الوقت فات
...
ليه منحمدش ربنا اننا بنقدر نتكلم ونسمع ونشوف ونمشي في ظل وجود كتير من الناس حول العالم لا بيقدرو يتكلمو ولا يمشو ولا يسمعو ولا يشوفو ليه مبنحمدش ربنا اننا بنقدر ننام واحنا في امان جوة بيتنا وسط عيلتنا ومش بيبقى عجبنا في نفس الوقت اخواتنا في فلسطين مبيشوفوش النوم لانهم مش في امان

ليه كل حاجة حلوة في ايدينا النهاردة
مش عجبانا ومبنحمدش ربنا عليها
لكن اول مبتزول وبتروح مننا
بنتمنى بس انها ترجع عشان نحافظ عليها ومنفرطش فيها
ليه ساعات بنفوق بس متاخر بعد مكل حاجة تضيع مننا
ليه الغرور مالينا ومبنسمعش للناس حولينا
ليه مبنسمعش غير صوتنا ونفسنا ليه الانسان بطبعه
طماع واناني ومهما تديله للخير حيفضل نكار واناني
والناس هي الناس طمعانه وعشمانه في الدنيا الغدارة
لكن ولا دايم فيها الا عملك دي دنيا فانيه وقلابه
مبتدومش لحد ولا دايم الا الله
......
كل واحد بقى يقولنا ايه الحاجة اللى كانت في ايديه وضيعها ورجع ندم عليها بس كان فات الاوان
........
دمتم بكل خير وود
ــــــــــــــــــــــ
نوني

[شيري العسولة]

اولا بجد ليكى واحشة والله ياحبي
ثانيا الموضوع جميل جدااااااااا
بس هانقول اية هو الانسان كده بطبعة طماااااااااااااااع وكل لما يتمنى حاجة وتبقى معاه ماتعجبوش ويطمع فى الاحسن منها
ام عن الندم الحمد لله بالنسبة لى انا بفكر كتيييييييييير اوى قبل مااعمل الحاجة علشان ماندمش بعديها
بس مايمنعش ان مش القرارت صحيحة
واكتر حاجة ندمت عليها هى انى وقت فى اتنين من صحباتى وافتكرتهم اصدقاء بجد بس للاسف كنت غلطانة وندمت بس الاهم انى صلحت الغلط وصدقينى فى اوقات كتير نقدر نصلح اللى خسرناه
سورى طولت عليكى بس موضوعك شدنى كتيييييييييييير
تسلمى ياقلبي

[iLWda3]

والله زمان يا حكه نهى
واحشتنا توبيكاتك العجيبه وربنا

ندخل بقى في عمق الموضوع
...........
انتي قولتي اهو ان الانسان بطبعه اناني
يعني مهما كان معاه وفي ايده بردو بيبقى
عايز اللي مع غيره !
هو ده طبعه ! وهي دي طريقته !
وفعلا لو نعرف قيمة اللي معانا ونحس باللي اقل مننا مش هنعمل كده !
بس تقولي ايه بقى (بني ادمين )
.............
وانا بصراحه مفيش حاجه ضاعت مني وندمت عليها...يمكن عشان
بفكر كتير قبل ما اخد اي قرار في اي حاجه !

تسلمي بجد على الموضوع الجميل ده
وربنا يهدينا ويهدي الناس كلها
واسفه رغيت كتير...بس يلا فرصه توبيك جديد وانتي وحشاني
تقبل بقى مروري اللي مش صغنون ده

[ايسل]

الموضوع جميل سمعنا كثيرا عن حب الذات ........الأنانيه ............ عدم الأيمان ........... الجهل

اشعر ان هذه الصفات تجعل الأنسان غير قنوع ولذلك تضيع منه الأشياء الجميله

وشكرا لموضوعك نهى

[بك أستجير فمن يجير سواك]

موضوع رائع بجد يانهى
للاسف الطماع بقى عنوان الناس دى كل ماياخد عايز تانى
وده بجد طبع مش من السهل يتغير
دمت متميزة ياقمر وربنا يحفظك
فى انتظار جديدك

[كابوس الحرامية]

اولا بجد ليكى واحشة والله ياحبي
ثانيا الموضوع جميل جدااااااااا
بس هانقول اية هو الانسان كده بطبعة طماااااااااااااااع وكل لما يتمنى حاجة وتبقى معاه ماتعجبوش ويطمع فى الاحسن منها
ام عن الندم الحمد لله بالنسبة لى انا بفكر كتيييييييييير اوى قبل مااعمل الحاجة علشان ماندمش بعديها
بس مايمنعش ان مش القرارت صحيحة
واكتر حاجة ندمت عليها هى انى وقت فى اتنين من صحباتى وافتكرتهم اصدقاء بجد بس للاسف كنت غلطانة وندمت بس الاهم انى صلحت الغلط وصدقينى فى اوقات كتير نقدر نصلح اللى خسرناه
سورى طولت عليكى بس موضوعك شدنى كتيييييييييييير
تسلمى ياقلبي

شيييييري حمدلله على السلامة يا عسل
وانتي وحشاني
بس ايه كمية الاعجاب دي بالموضوع انا كدة حتكثف
اصعب شيء فعلا ان الانسان يضيع حاجة منه وبعدين يفكر يرجعها يكون الوقت فات ربنا يستر
...
تسلمي يا قلبي لمرورك الجميل ده
نورتى المكان

[كابوس الحرامية]

والله زمان يا حكه نهى
واحشتنا توبيكاتك العجيبه وربنا

ندخل بقى في عمق الموضوع
...........
انتي قولتي اهو ان الانسان بطبعه اناني
يعني مهما كان معاه وفي ايده بردو بيبقى
عايز اللي مع غيره !
هو ده طبعه ! وهي دي طريقته !
وفعلا لو نعرف قيمة اللي معانا ونحس باللي اقل مننا مش هنعمل كده !
بس تقولي ايه بقى (بني ادمين )
.............
وانا بصراحه مفيش حاجه ضاعت مني وندمت عليها...يمكن عشان
بفكر كتير قبل ما اخد اي قرار في اي حاجه !

تسلمي بجد على الموضوع الجميل ده
وربنا يهدينا ويهدي الناس كلها
واسفه رغيت كتير...بس يلا فرصه توبيك جديد وانتي وحشاني
تقبل بقى مروري اللي مش صغنون ده

والله زمان يا حكه ايمي
اهلين وسهلين مرحبتين

المشكله ان مفيش حل غير الرضا بالمقسوم
والمكتوب الرضا بيريح والله الطمع قل ما جمع
..
تسلمي يا حبي لمرورك وشوية حتلاقيني انتشرت في الكافيه تاني

[كابوس الحرامية]

الموضوع جميل سمعنا كثيرا عن حب الذات ........الأنانيه ............ عدم الأيمان ........... الجهل

اشعر ان هذه الصفات تجعل الأنسان غير قنوع ولذلك تضيع منه الأشياء الجميله

وشكرا لموضوعك نهى

خير الكلام ما قل ودل
مش زي الناس اللي فوق دول بيكتبو كتير اوي
عندك حق القناعه كنز لا يفنى
تسلمي يا قمر على مرورك الجميل دة نورتيني

[hadede]

الف حمدا لله على سلامة الوصول
وكل عام وانت بالف خير
بالنسبة للمضوع الاول
اجمل ما يجب ان نقوله
الحمد لله
ارضى بما قسمه الله لك تكن اسعد الناس
اما الصداقة الحقيقية
فانها لا تضيع على مر الايام
دمت فى حفظ الله ورعايته متمتعة بالصحة والسعادة وراحة البال

[كابوس الحرامية]

موضوع رائع بجد يانهى
للاسف الطماع بقى عنوان الناس دى كل ماياخد عايز تانى
وده بجد طبع مش من السهل يتغير
دمت متميزة ياقمر وربنا يحفظك
فى انتظار جديدك

ريما الجميله
مرسي يا حبي على مرورك نورتى يا قمرتي