إعلان الضرايب .. ( حاجه غريبه )

[AhMeD El-Za3eEm]

طبعا الاعلان لطيف جدا و ظريف و كلنا ابتسمنا لما شفناه
و بعدين لما خلص الاعلان .. قلت (لا اله الا الله)

الحلاقة فعلا أعمال حرة .. و عم عبده البقال الرجال الطيب أعمال حرة
عربية الكبدة بتاعة اللمبي أعمال حرة .. عم عباس بتاع الفول أعمال حرة
عم سعيد السباك أعمال حرة .. عم ثابت الكهربائي أعمال حرة
و القائمــــــــــة طويـــــــــــــلة جدا

و لكن بقي أستاذ الحوت اللي بياكل أموال الغلابة .. أعمال وطنية معفاة من الضرائب
المواطن المصري الاستاذ الدنياصور .. أعمال وطنية معفاة من الضرائب
السيد صاحب أكبر شركات في مصر لإنتاج أي حاجة .. أعمال وطنية معفاة من الضرائب

مستر زيزو صاحب أكبر محلات و صالات مشبوهه .. ضرائب مخفضة
السير مسرو للغاية و شركائه صاحب و محتكر أكبر مصانع للبطيخ في مصر .. ضارئب مخفضة
و تهرب من الضرائب

طبعا بعد كلامي دا كله .. الوضع مفهوم و باين أنا قصدي ايه
و في الاخر يجوا يقولولي .. متضيعش حقك

إذا كان هما اللي بيضيعوا حقي .. انا بقي حآجي علي نفسي و مش عايز الجزء اللي فاضل
ما هي خربانة خربانه .. قال ضربوا الأعور علي عينه .. قالهم بقي اللي فيه النصيب

و آدي إعلان الضرائب .. صحيح الممثل إسمه (محمد شومان)
دا حبيبي من ايام فيلم (فول الصين العظيم)

[علي مدكور]

ههههههههههه

انا مشوفتش الاعلان! ...

بس انتي اللى بتحكيه ده كلام يودي في داهية!!

شوية كده وهياخدو مننا ضريبه على دخول المساجد والحمام

ربنا يسترها علينا وعلى اعضاء الكافيه...

***

[ورقه]

ههههههههههههههه

احمد انت زعيم بجد


اهو احمد قال اللى انا بجد ماعرفتش اعبر عنه


خد بالك بقى يا احمد لحسن يجولك و يقوللك عليك ضرايب بما انك طالب و الحكومه سايباك تدرس ..


اه والله يا على ..

طب اقولك الاعلان التانى دابيقول ايه



الاعلان الضرايب التااااااااااااااااانى ..


الممثل دا (( جبيب الزعيم من ايام فول الصين العظيم )) بيدخل بيصلح عريبه عند الميكانيكى ..

اشطه ؟؟

قول اشطه


و ال ايييييه ال ايه

خير الله ما اجعله خير

بيقوله ايدنى فتورة ..


تتصور ..


و لما المكانيكى بيقوله لا بيقوله هظبتك و ال ايه بيلبسه العمه

يقوم الممثل يقوله لا فوترنى

و بعد كدا يا معلم بيقوله هى العمه دى من عصر المماليك و لا من عصر الميكانيك

ال ايه يعنى دمهم خفيف




ااااه يا انى اااه