نكت عن المساطيل ادخل و مش هتندم ههههههه

[عفريت أفندى]

بسم الله الرحمن الرحيم


واحد حرامى سرق باب من واحد مسطول ...... فالمسطول قعد يجرى وراه الحرامى ... فقام الحرامى حاطط الباب فى نص الشارع وجرى ....فالمسطول وقف عند الباب وقال له افتح يا جبان




تلاتة بيحششوا واحد قال لهم لو البوليس جه دلوقتى نعمل ايه واحد قال انا هاعمل نفسى سيجارة مرمية على الارض والتانى قال انا هاعمل نفسى سيجارة مرمية على الطفاية والتالت قال انا هاعمل نفسي سيجارة مرمية من الشباك لما جه البوليس واحد رمى نفسه على الارض والتانى رمى نفسه على الطفاية والتالت رمى نفسه من الشباك فوقع على واحد فى الشارع قال له احرقونا بقه احرقونا




مره حشاشين كانو قاعدين في خيمه...بس مكانش معاهم حاجه يولعو بيها فبعتو واحد منهم يجبلهم ولاعه...طلع ودخل من الناحيه التانيه !!و قال يا جماعه لو سمحتو ممكن ولاعه....
قالوله اقعد..اقعد.. احنا بعتنا واحد يجيب



مرة ظابط لقى تلاته شباب شربين فى الشارع مسكهم وقبل ميروحوا على القسم صعبوا علية فقلهم اللى هيقلى جملة اخر كلمة منها لأ هروحة الاول قالة : ياباشا انا شربت بانجو وخمرة ولكن ظابط كلمنى لأ الظابط قاله: يابنى جدع روح روح والتانى قاله: ياباشا انا سرقت وقتلت لكن ركبت عربية البوكس لأ الظابط قاله : شاطر يابنى روح روح التالت قاله: ياباشا لو قلت الحقيقة هتصدقنى الظابط قاله : طبعا لأ التالت قاله: طيب روح انت ياباشا



اثنين مساطيل قاعدين فى قهوة وقدامهم مرايه ... واحد قال للتاني بص الأتنين اللى قاعدين هناك دول ..تعالى نروح لهم........ جم يقوموا ، راح قايله أقعد ... همّا اللى جايين



جماعة بيحششوا فى الطرب وطب عليهم البوليس وقالهم الظابط:قدامى كلكم على البوكس..واحد مرديش قام الظابط شخط فيه وقالوا:قوم يامسطول رد المسطول وقالوا:لأياباشا انا مش معاهم ..اناميت



مساطيل قاعدين بيصيدوا جراد ، عدّت من فوقيهم هليكوبتر .... واحد منهم قال جت أمهم ... استخبوا استخبوا



اتنين مساطيل قاعدين وبعدين فى جنازة معدية عليهم ... وعلى نفس الطريق فى عربية نقل جاية بسرعة فائقة ..... فالجنازة تركت الميت وجريت .... وفجأه العربية ضربت فرامل وتفادت الجنازة ..... فالمسطول قال لصاحبه تصدق .. الميت ده انكتب له عمر جديد




تحياتى

[♥بـونـبـونـايـه سـكـره♥]

ههههههههههههههههههههههههه هههههه
ثانكس على التوبيك الكاااااامد ده
تقبل تحياتى ليييييك

[انوار الشمس]

شكرا على الضحكة الحلوة اللى من القلب

[عفريت أفندى]

ههههههههههههههههههههههههه هههههه
ثانكس على التوبيك الكاااااامد ده
تقبل تحياتى ليييييك

تسلمى بونبونايه

يارب دايما مبسوطه و سعيده

منوره الموضوع بضحكتك الجميله

[عفريت أفندى]

شكرا على الضحكة الحلوة اللى من القلب

تسلمى أختى أنواااااااااااار

و يارب دايما مبسوطه

تحياتى لمرورك الجميل

[بك أستجير فمن يجير سواك]

ههههههههههههههههههههههههه ه
لا بجد جامدين اخر حاجه
يسلموا على التوبيك العسل ده
ربنا يحفظك يارب

[halaaa]

جامد بالجيم

[عفريت أفندى]

ههههههههههههههههههههههههه ه

لا بجد جامدين اخر حاجه
يسلموا على التوبيك العسل ده

ربنا يحفظك يارب

تسلمى اختى الارض

تحياتى و تقديرى لمرورك الجميل

منوره الموضوع

[عفريت أفندى]

جامد بالجيم

تسلمى أختى هاله على مرورك الطيب

تحياتى و تقديرى

وزى ماقولتلك بونبونايه بتتكلم لغاااااااااااات

كامده = جامده