لو بتحبوا البلد دي..

[لما النسيم]

http://www.4shared.com/file/67060982...___.htmlمين مننا مبيحبش بلدنا؟ مصر أم الدنيا؟؟ مين مننا مبيحسش انه فخووور جدا ان مكتوب في بطاقته مصري؟؟ طبعا مهو احنا ولاد مصر التي ان قدر الله مماتها لن تروا الشرق يرفع بعدها الرأس..احنا أحفاد الفراعنة اللي علموا الناس الكتابة وعملوا حضارة مفيش دولة تانيه قدرت تعمل اي حاجة غير انها تبصلها بذهووول ..احنا احفاد الفراعنة اللي علمنا العالم الكتابة..احنا اللي ربنا قال عننا خير اجناد الارض احنا احفاد ابطال حرب اكتوبر اللي لحد دلوقت حارقة اعداءنا وغيظاهم ومع ذلك لسة لحد النهارده بيدرسوها في جميع جامعات العالم..احنا ولاد بلد الناس الطيبين أهل الكرم والأصالة ..احنا ولاد أصول أوي و جدعان أوي و رجالة أوي...طبعا كلنا عارفين ده ومفيش اي مجال للجدال ولا الشك..,وطبعا انتم كمان عارفين ان في بلاد كتير بتقلل من بلدنا و عظمتها بدافع الغيرة والحقد مش أكتر..طب متيجوا ياجماعة نرجع بلدنا تاني زي مكانت ايام الفراعنة..متيجوا نخلي العالم كله يقول مصر دي بلد مفيش زيها ولا زي ولادها..متيجوا نبطل بقى نقول احنا عاوزين نسافر ونلعن في البلد ..متخلونا هنا ..في بلدنا ..بكرامتنا..وسط أهلنا..اي حاجة نعملها تنفعنا وتنفع بلدنا متنفعش الغرب..متيجوا نعمل شغلنا من القلب و بحب منبصش للفلوس..هو انت لما بتحب حد بتستخسر فيه حاجة؟؟ تعالوا نحب بلدنا بجد..تعالوا منشمتش فينا اعداءنا..ايوة اعداءنا اللي بيكرهوا بلدنا..واحنا بقى اللي يكره مصر يبقى ميلزمناش..ناكله بأسناننا..يبقى ليه نفرحه بنفسنا ونسيبها وندور على غيرها؟ ليه نشتم فيها بنفسنا؟ لا ياجماعه البلد دي خيرها مامتش زي ماانتم فاكرين ده ربنا هو اللي قال اهبطوا مصر فان لكم ماسألتم وبردو البلد دي أمان لينا ولغيرنا ده ربنا اللي قال ادخلوها بسلام امنين في اكتر من كده دليل يخليكم تعشقوا مصر ؟؟؟ وتنتموا ليها بقلوبكم وبكل مشاعركم؟؟

[♥بـونـبـونـايـه سـكـره♥]

اكيد تبعا
وانا فخوره ب انى مصريه و بنت مصرى
تسلمى يا ايناس ياقمر ع التوبيك الكاااامد ده
تقبلى تحياتى ليكى

[بك أستجير فمن يجير سواك]

بجد ياايناس موضوع رائع بجد مصر عاشقى ونبض قلبى بحبه بجد
مش بقول كلام دى ارض المحبه والسلام
تعيشى ليا يامصر ويحفظك ربى ياارض المحبه والسلام
مشكورة ياحبيبتى ودمتى متميزة وحفظك الله

[آية الرحمن]

موضوعك بجد تحفة يا ايناس وانا فخورة جدا انى مصرية
ومفيش زى مصرى فى الدنيا كلها هى امى وكل حياتى
ولو لم اكن مصرية لوددت ان اكون مصرية
البلد دى هى كل حاجة هى السلام وهى الامان هى الى نعيش
فيها مطمنين ومرتاحين هى الى نمشى فى شوارعها واحنا مش
خايفين هى الى احنا ننام فيها واحنا مش قلقنين هى احلى بلد فى الكون
هى الى ارفع علمها فوق راسى فى كل مكان وفى كل زمان اسافر اى بلد
وامشى فى الشارع اقول انا مصرية بكل فخر واعتزاز هى الى ممكن اضحى بكل شئ
علشنها ومهما حاول مش هتنزل قيمتها ابدا
مشكوررررررررررررررررررررة يا قمر على احلى واجمل المواضيع

[كل الحياااه]

انا مو مصريه انا سعوديه وعايشه في الكويت بس قلبي مصري
وحب مصر يسري فدمي يمكن تقولوا عني حشريه او داخله عرض
بس بحس بشوق وحنين لكل المصريين وبحس ان اي شخص يسيء لمصر كانه اساء ليا
بجد احترت اعبر عن مصر يكفي بس انها ذكت في القران وانها ام الدنيا
وبقول لاي حديسي لمصر (ماشربتش من نيلها ..جربت تغنيلها)

[لما النسيم]

انا مو مصريه انا سعوديه وعايشه في الكويت بس قلبي مصري
وحب مصر يسري فدمي يمكن تقولوا عني حشريه او داخله عرض
بس بحس بشوق وحنين لكل المصريين وبحس ان اي شخص يسيء لمصر كانه اساء ليا
بجد احترت اعبر عن مصر يكفي بس انها ذكت في القران وانها ام الدنيا
وبقول لاي حديسي لمصر (ماشربتش من نيلها ..جربت تغنيلها)

لا طبعا ياحبيبتي مش هنقول عليكي حشرية لانك أختنا و بيجري في عروقنا دم واحد و البيت بيتك ..ده انتي في ارض الفراعنة يعني هنحسن ضيافتك و ندخلك بسلام امنة و محدش هيقدر يزعلك مطلقا يا قمر ..أهلا بيكي ياحبيبتي في اي وقت بجد نورتينا

[تالية]

انا مو مصريه انا سعوديه وعايشه في الكويت بس قلبي مصري
وحب مصر يسري فدمي يمكن تقولوا عني حشريه او داخله عرض
بس بحس بشوق وحنين لكل المصريين وبحس ان اي شخص يسيء لمصر كانه اساء ليا
بجد احترت اعبر عن مصر يكفي بس انها ذكت في القران وانها ام الدنيا
وبقول لاي حديسي لمصر (ماشربتش من نيلها ..جربت تغنيلها)

ميرسي على الكلا م ده وشعورك النبيل وتاكدى انك فى اي وقت تيجى فيه مصر هتلاقى اهلك هنا ومصر ام الدنيا فتحت قلبها وحضنها لكل اللى يحبها

[emadshemy]

والله من كل قلب وكياني
بحبك يا مصر