الاخلاص و الزمن الجميل . هى بقت كدة يعنى !!

[ميره]

السلام عليكم ورحمة الله وبركاتة
و انا بتكلم مع شخص عن الحب جه الكلام عن الاخلاص و كان رده اكيد اللى يعمل كدة لازم يكون من الزمن الجميل !

الايام اللى فاتت خلاص و عدت ...

و جاتلى الفكرة ان المرادى هتكلم عن الاخلاص او الوفاء و هو ما اعتبره عكس كلمة الخيانة

-----------

ايه هو الاخلاص فى الحب ( وجهت نظرى و تحتمل الصواب او الخطأ)

انك تفضل متذكر الشخص اللى بتحبه

انك متفكرش فى غيرو ابدا لو حتى لقيت الاحسن منه مليون مرة

انه مهما بعد عنك صورته تفضل فى قلبك و حبه مالى حياتك


ساعات بيحكوا عن اللى مات فى حضن حبيبته و بيحكوا عن اللى بقا عايش جسم بدون روح بعد ما فقد حبيبته ..


طب ما بدل ما ارغى فى الحكاية دى , ايه رأيكم لو نحكى قصة صغيرة جدا تخليكم تشعروا بمعنى الاخلاص فعلا و تأثير عدم وجوده

------------

هنحكى عن احمد المخلص و الطيب و نهلة الانانية و اللى متعرفش يعنى ايه اخلاص و كان فى يوم انهم حبوا بعض و عاشوا ايام جميلة على احلام وردية للى مستنيهم فى المستقبل

بس لظروف احمد فى انه لازم يكون نفسه اختار الطريق الصعب و قرر انه يسافر و يشتغل



و مرت الايام و احمد كان بيصبر نفسه فى الغربة بصورة نهلة

لحد ما رجع احمد و قابل والدته اللى حس انها مخبيه عنه حاجة

سألها مالك يا امى قالتله نهلة شافت طريقها و اتخطبت لواحد غنى

و كان رد فعل احمد انه ضحك و قالها انتى بتهزرى معايا صح ؟ لا انا هروح اكلم نهلة هى اكيد زعلت منى عشان انا اتأخرت عليها فى السفر بس انا والله مكانش بايدى

لكن احمد بص فى عيون والدته و شاف الدموع و سكت شوية و بعدين دموعه نزلت ..



-----------

محبتش اطول فى القصة عشان الموضوع بيتكلم عن الاخلاص مش اكتر بس انا حبيت اوصل الفكرة كلها بالقصة دى


نيجى بقا للاسئلة

- تفتكر الاخلاص اصبح شيئ من الماضى او الزمن الجميل زى ما بيقولوا ؟

- فيه علاقة بين عدم الاخلاص و الخيانة ؟

- تعمل ايه لو حبيت حد ميعرفش حاجة اسمها اخلاص و وصلت لمرحلة انك متقدرش تبعد عنه خالص ؟

- سؤال هتجاوب عليه بينك و بين نفسك .. هل انت مخلص ؟




فى النهاية اتمنى ان الموضوع يكون نال اعجابكم

____________________________

[بك أستجير فمن يجير سواك]

موضوع جميل اوى ياميره بجد تسلم الايادى
بصى الاخلاص موجود بس فى ناس معينه يعنى الانسان هو الا بيتغير
ممكن يكون موجود بدرجات وربنا يجعلنا من المخلصين والاوقياء
تسلمى ياحبى ودمتى متميزة ياقمراية

[آية الرحمن]

توبيك رائع والقصة جميلة يا ميرة بصى بقى ياستى
هو الاخلاص عمرة ما كان مرتبط بزمن معين بس العيب فى الجيل الى ميعرفش معنى الحب علشان يعرف معنى الاخلاص
السؤال التانى ان عدم الاخلاص هو نفسة الاخيانة يعنى العلاقة بنهم قوية اوى لانهم وجهين لعملة واحدة ميفرقوش عن بعض كتير
اما التالت دا بقى هو حل من الاتنين اما احاول اغيرة واخلية يعرف معنى الاخلاص او ادوس على قلبى ويبقى ملوش مكان فى حياتى ابد
تسلمى يا قمر على التوبيك الرائع دا

[ميره]

موضوع جميل اوى ياميره بجد تسلم الايادى
بصى الاخلاص موجود بس فى ناس معينه يعنى الانسان هو الا بيتغير
ممكن يكون موجود بدرجات وربنا يجعلنا من المخلصين والاوقياء
تسلمى ياحبى ودمتى متميزة ياقمراية

ميرسى ليكى ياحبيبتى ربنا يخاليكى ياعسل فعلا ناس معينه هى الى مخلاصه وربنا يجعلنا من المخلصين امين يارب العالمين ويرزوقق بواحد مخلاص يارب وبجد نورتينى ياحبيبتى ياجميله

[ميره]

توبيك رائع والقصة جميلة يا ميرة بصى بقى ياستى
هو الاخلاص عمرة ما كان مرتبط بزمن معين بس العيب فى الجيل الى ميعرفش معنى الحب علشان يعرف معنى الاخلاص
السؤال التانى ان عدم الاخلاص هو نفسة الاخيانة يعنى العلاقة بنهم قوية اوى لانهم وجهين لعملة واحدة ميفرقوش عن بعض كتير
اما التالت دا بقى هو حل من الاتنين اما احاول اغيرة واخلية يعرف معنى الاخلاص او ادوس على قلبى ويبقى ملوش مكان فى حياتى ابد
تسلمى يا قمر على التوبيك الرائع دا

معاكى حق ان العيب فى الجيل الى ميعرفش معنى الحب عشان يعرف معنى الاخلاص وكمان ان قلت الاخلاص هى الخيانه كلامك صح ياعسل وبجدميرسى ليكى وعلى ردك الجميل ده