أسئله رخمه ---- و إجابات أرخم ههههههههه

**عفريت أفندى** · 22 - 12 - 2009, 10:58 PM

ليه السمك بيخاف من اتصالات؟
علشان أقوى شبكة.....

- طب ليه عملاء موبينيل هيدخلو الجنة؟
علشان هما أحسن ناس......ـ

و ليه القطنه هتدخل معاهم؟
عشان مدام نظيفه قالت القطنه متكدبش....

- طب ليه عملاء فودافون ما بيبردوش؟
علشان فودافون أقوى تغطية.....

_ امتى السما يبقى لونها بتنجانى
لما الدنيا تبقى مسقعه.....

ليه القطر مهم
....... عشان تحتيه خطين

ليه سندوتشات الكفته والبطاطس بتجري
...... عشان وجبات سريعه

ليه اليابان معندهاش حنان
............ عشان ف قاره آسيا

ليه البرازيل معندهمش تين
............ .عشان ف امريكا اللاتينيه

ليه الفيل بينزل البحر بالشورت الاحمر .
.......... عشان الشورت الاخضر مش نضيف

ليه الصعيدي بيحط جنبه منبهين
............ . عشان واحد يضرب والتاني يحوش

عكس نجيب محفوظ ؟؟ .
........ نودي محفوظ

واحد بلدياتنا ماشي تحت الكوبري و رافع ايده ليه ؟
......... عشان الكوبري مسلح

عسكرى زهق من البندقيه عمل ايه
جاب حمصية.....

طماطمية عطست قالت
.... كا كا كاتشبب

ليه القرد سريع
....... عشان القرد في عين امه غزال

اول مخلوق ظهر عالارض هو الحمار الوحشي ليه ؟؟
. ........ عشان ابيض واسود

و اخر مخلوق ظهر القنفد ليه ؟؟
عشان لسه بشوكه......
ليه النمل مش بترضي تركب الفيل قدامها عالعجله
......... عشان بيلعب في الجرس

فرخه معلقه سلسله فيها صوره بيضه ليه ؟؟
............ صورتها و هي صغيره

فرخه معلقه سلسله وفيها صوره طبق بيض اومليت ليه ؟؟
........... صوره اخوها الشهيد

ايه الفرق بين عمرو دياب و إليسا ؟؟
إليسا بتعمل شريط كاسيت ....
و عمرو دياب بيعمل شريط كاراجل ....

ليه المنبه بيرن
....... عشان مش معاه رصيد يتصل

ليه القطه بتدخل عن الحلاق_
...... عشان الباب مفتوح

طب ليه الأقرع بيدخل عند الحلاق _
........ عشان ياخد القطه

ليه الصيدلي بيبني عماره_
......... عشان يسكن الآلم

طب وليه العماره وقعت
.......... عشان بنااادول إكسترا )

ليه قبضوا على صاحب شركه جهينه
.......... عشان ( زبادو ) متلبس

ليه القطه بتخربش
............ . عشان نفسها تكسب

ليه الأهرامات تلاته بس
.......... عشان الشلن مش هايكفى نحط واحد كمان

ليه السائح بيتصور جنب الاهرامات
.......... عشان يطلع في الشلن

ليه الام مدرسه
........ عشان بتذاكر لولادها

عكس بالونه ايه ؟؟ .
........ نشفونا

ليه الفيل بيلبش شرابات خضرا
........ عشان خضرا بتلبس شراباته

ليه عمر دياب و هو بيقول فى اغنيه راجعين مخبطش فى اللى وراه
عشان طلعت زين واقف وراه وبيقولو تعالا تعالا

حكموا على صاحب شركه موبينيل احكام كتيره اوووي ليه
...... عشان بيتحاسب بالثانيه

خمسه صعايده قاعدين في اوضه كل يوم يخرج واحد ليه
...... بيلعبوا ستار ميكر

قطر ماشي بسرعة 60 كلم في الساعة فكم عصفورة في الشجرة اذا كان الببسي ب75 قرش؟
جاوبو انتو على اللغز ده عشان مش عارفه

ايه وجه الشبه بين البطيخ و الشمام
....... الاتنين اجازه الحلاقين

حاجه صغيره و لونها احمر و بتاكل الزلط
......... بنت الحاجه الكبيره اللي لونها احمر و بتاكل الزلط

طب حاجه لونها اسود و بتاكل الزلط.
........ ظل الحاجه الصغيره اللي لونها احمر وبتاكل الزلط

ليه الفراعنه ريحه بقهم حلوه
......... عشان كان عندهم ابو الهولز

طب عندنا ازازه حاجه ساقعه و فيها طوبه .. عاوزين نطلعها من غير مانكسر الازازه ؟
........ نجيب الحاجه الحمرا الصغيره اللي بتاكل الزلط و نحطها في الازازه

ليه الفراعنه كانوا عيال
............ عشان كانوا بيرسموا عالحيطه

طب ليه ابو الهول كان وشه اصفر
......... من خوفو

طب اتنين فراعنه قعدوا عالفهوه هايطلبوا ايه ؟؟
...... اتنين اااااامون و حجر رشيد لايت

واحد ماشي في الشارع و لابس كوتشي ابيض ليه ؟؟
........... عشان ماشي مع الطقم

تحياتى

**بك أستجير فمن يجير سواك** · 23 - 12 - 2009, 05:55 PM

_ امتى السما يبقى لونها بتنجانى
لما الدنيا تبقى مسقعه.....

هههههههههههههههههههههههه
بجد اسئلة عسل والله ودمه خفيف يسلموا
يامرهف ودمت متميز فى انتظار جديدك

**عفريت أفندى** · 23 - 12 - 2009, 09:28 PM

المشاركة الأصلية كتبت بواسطة الارض

_ امتى السما يبقى لونها بتنجانى
لما الدنيا تبقى مسقعه.....

هههههههههههههههههههههههه
بجد اسئلة عسل والله ودمه خفيف يسلموا
يامرهف ودمت متميز فى انتظار جديدك

تسلمى أختى الارض

يارب دايما مبسوطه و سعيده

نورتى موضوعى بضحكتك

تحياتى لمرورك الجميل

**Special Girl** · 23 - 12 - 2009, 09:41 PM

ههههههههههههههه
حلوين اووووووووووى
تسلم ايدك يا مرهف
تقبل مرورى

**عفريت أفندى** · 23 - 12 - 2009, 09:53 PM

المشاركة الأصلية كتبت بواسطة سنوات الضياع1

ههههههههههههههه
حلوين اووووووووووى
تسلم ايدك يا مرهف
تقبل مرورى

تسلمى أختى جوجو

يارب تدوم ضحكتك الجميله

تحياتى و تقديرى لمرورك الجميل

الموضوع: أسئله رخمه ---- و إجابات أرخم ههههههههه

أدوات الموضوع

أسئله رخمه ---- و إجابات أرخم ههههههههه

معلومات الموضوع

الأعضاء الذين يشاهدون هذا الموضوع

الكلمات الدلالية لهذا الموضوع

ضوابط المشاركة