‏"‏ نداء هام الي كل أعضاء ومشرفين الكافيه " الكل يدخل للأهميه

**عمارطه2009** · 23 - 12 - 2009, 06:45 AM

يا جماعه أولا كل سنه وأنتم طيبين بمناسبه أعياد رأس السه الجديدة
وبالمناسبه دي عايزين كل عضو يدفع دولار واحد علشان نجيب الست" هيفا "ونعمل حفله في الكافيه
علشان الحفله بتاعت الست هيفا بتتكلف 70000 دولار فعلشان كدة كل عضو هيدفع دولار

طبعا انا بضحك وفي ناس كتير أولي بالدولار من مليون واحدة زي الست هيفا
ودا مش موضوعنا

الموضوع اللي هتكلم فيه مهم جدا

‏"الموضوع ياجماعه خاص بأسماء السادة الاعضاء المسجلين في الكافيه
في يا جماعه أسماء كتيرة ليس لها معني ومش مفهومه بالمرة
أسماء مكتوبه باللغه الأنجليزيه ومش بقصد كل الأسماء
في أسماء كتيرة مفهومه
وفي أسماء تانيه كتيرة مش مفهومه بالمرة خالص ولا حتي أسم ولا لقب

ودا من أحد أهم الأسباب وأكبر الأسباب لعدم الرد علي المواضيع
وأزاي أدخل موضوع وأرد عليه وأسم كاتب الموضوع مش مفهوم بالنسبه لي
يعني أرد أقوله شكرا يا مين???
فاريت الأعضاء تراعي حسن أختيار أسمائهم أو القابهم سواء
لغه أنجليزيه أو حتي أي لغه في العالم
حتي لو كانت "عبريه" لأني أعتقد أني هي أصعب لغه
بس يا ريت يكون الأسم أو اللقب مفهوم

ونراعي يا جماعه أني في أعضاء كتير ليس عندهم مستوي ثقافي مرتفع
وهروح بعيد ليه ذي مثلا
أنا حاصل علي شهادة محو الأميه لتعليم الكبار بالعافيه
يعني معنديش مستوي ثقافي أقدر أفهم وأستوعب اللغه اللي مكتوب بيها الأسم أو اللقب

وشكرا ليكو وكل سنه وأنتم طيبين جمعيا وسنه سعيدة عليكم يارب

**عمارطه2009** · 23 - 12 - 2009, 07:12 AM

عايزين نغير الأسماء الغير مفهومه ولا تدل علي أي معني
ويا ريت السيد /علي مدكور
يضع شرط أساسي من شروط التسجيل بأن الأسم يكون مفهوم أو اللقب يكون لائق وواضح

أعتقد دا مش مطلبي لوحدي أكيد في أعضاء كتير ذي مش فاهمين معني الاسماء

**طلة القمر** · 23 - 12 - 2009, 08:28 AM

[QUOTE=عمارطه2009;579904]
في يا جماعه أسماء كتيرة ليس لها معني ومش مفهومه بالمرة
أسماء مكتوبه باللغه الأنجليزيه ومش بقصد كل الأسماء
في أسماء كتيرة مفهومه
وفي أسماء تانيه كتيرة مش مفهومه بالمرة خالص ولا حتي أسم ولا لقب

ودا من أحد أهم الأسباب وأكبر الأسباب لعدم الرد علي المواضيع
وأزاي أدخل موضوع وأرد عليه وأسم كاتب الموضوع مش مفهوم بالنسبه لي
يعني أرد أقوله شكرا يا مين???
فاريت الأعضاء تراعي حسن أختيار أسمائهم أو القابهم سواء
لغه أنجليزيه QUOTE]

بارك الله فيك ياعمار
أحيك على صراحتك فى الموضوع
كلامك عندك حق فيه
لازم ملاحظة الاسماء
وطريقة كتابة الموضوع علشان الفكرة توصل بسرعه وسهله والكل يفهمها
جزاك الله كل خير
أختك طله

**عمارطه2009** · 23 - 12 - 2009, 10:21 AM

شكرا ليكي يا أختي طله
وفعلا الكافيه فيه أسماء كتيرة مش مفهومه
بأتمني ان الاعضاء كلهم يختارو أسم يليق بكل عضو
عايز أقول حاجه مهمه أني أحيانا الاسم أو اللقب بيعبر عن شخصيه العضو

**المبدع** · 23 - 12 - 2009, 10:40 AM

جزاك الله خيرا
بس انا بردو احب اوضح حاجه انى ديه حريه شخصيه وميبنفعش انى اضغط على اى حد لتغير اسمه
واذا كان عدم الرد على مواضيعه بسبب ان اسمه مش مفهوم فهو اللى خسران لان محدش هيرد على مواضيعه
ارجو ان كلامى يؤخذ على سبيل التعبير عن الرأى
وشكرا

**عمارطه2009** · 23 - 12 - 2009, 10:54 AM

شكرا ليك يا مبدع ولرأئيك
وأكيد اللي أسمه مش مفهوم مش هيلاقي حد يرد علي مواضيعه
وشكرا ليك
وكمان ان الكافيه دا بتاعنا كلنا يعني مش حريه شخصيه
وكمان صاحب الكافيه نفسه معروف لكل الناس وأسمه واضح تماما

**بنوتة الأحلام** · 23 - 12 - 2009, 11:31 AM

يعنى ايه بقي افهم من كده ان اسمى مش عاجبك ولا ايه ماشي ماشي يا استاذ عمار وافرض يعنى انى مش عاوزة حد يعرف انا مين اعمل ايه يعنى بس اقولكم والله انا لا مغرورة ولا حاجه مندى خالص بس جميله طبعا بهزر بهزر بس هو كل الحكايه انى بحب الاسم ده جداااااااااا وانا فى اى منتدى باسجل بيه وهو مفهوم مش غامض ولا حاجه بس برده انا مش مغرورة هه بقي ايه ده

**عمارطه2009** · 23 - 12 - 2009, 11:45 AM

يا جميله الجميلات
أسمك طبعا واضح وأنتي ست البنات
وانا ما قولتش ان الواحد يقول أسمه الحقيقي كل واحد حر
بس كمان من حق الاعضاء اني يبقي الاسم أو اللقب واضح سواء باللغه الانجليزيه أو حتي بأي لغه المهم ان الواحد يعرف يقرأة ويكون واضح بالنسبه ليه
يعني أنا ما أروحش أجيب كل القاموس علشان أشوف معني للأسم ومش لاقيه
وبعدين أنا وجعي دماغي ليه

أنتم أحرار أكتبو اللي عايزين تكتبوة

**ايسل** · 23 - 12 - 2009, 11:45 AM

عمار لا دخل للثقافه بغموض الأسماء عندك مثلا NP1213 اهو ده اسم
وانا مش فاهماه كده ابقى مش مثقفه لأ يبقى صاحب الأسم هو اللى غامض
وانا معاك بقعد ساعه علشان اعرف اقول شكرا يا مين؟؟؟؟؟؟؟؟
اروح قايله يا جميل علشان ارتاح
اللى مصمم على الأسماء الغامضه هذه حريته بس ياريت يكتب تحت الأسم
الشرح بتاعه
شكرا على الطرح عمار

**عمارطه2009** · 23 - 12 - 2009, 11:54 AM

شكرا ليكي يا أيسل
علي رأئيك وكلامك اللي أسعدني
والواحد فعلا بيقعد ساعه علشان يقول شكرا يا ???
شكرا ليكي مرة أخري

الموضوع: ‏"‏ نداء هام الي كل أعضاء ومشرفين الكافيه " الكل يدخل للأهميه

أدوات الموضوع

‏"‏ نداء هام الي كل أعضاء ومشرفين الكافيه " الكل يدخل للأهميه

معلومات الموضوع

الأعضاء الذين يشاهدون هذا الموضوع

المواضيع المتشابهه

""""""""" لَوْحَــآتْ تَبْكِــيّ وَجَــعَهَـآ بِـصّمْــتْ """""""

الكلمات الدلالية لهذا الموضوع

ضوابط المشاركة