يا رب استرها ... موضوع مهم ...شاركوني....

[MagMan]

يا محمد سعر الحديد دلوقتي مش مشكلة المشكلة دلوقتي زي ما انت قولت تجار الحديد بيشلوه ومفيش حد عايز يبيع...

النهاردة سمعت خبر ان في سبع تجار اتسجنوا بسبب الموضوع ده
وسايبين التاجر الكبير
وكمان مشكلة المصالح الحكومية دلوقتي محدش راضي ياخد اي مناقصة!!
وعندنا واحد ممكن تكون انت سمعت عنه كان واخد مناقصة لبناء مستشفي من الحكومة بعد اسعار الحديد الحاليه الراجل جاتله جلطه ومات!

والله يا علي معاك حق وفعلا انا سمعت عن الراجل اللي جاتله جلطه بس انا عاوز اعرف انفلات الاسعار ده السبب فيه ايه ...

يبني هما يستاهوا !! هما لسه حد معاه فلوس يشتري عيش!

بس لو الوضع فضل علي كده الناس هتموت وهتحصل فوضي مالها حد ..

كمان انا عايز اوضح نقطه ...
العيش المفروض بياجي لحد البيت علشان كده بندفع اشتراك 5 جنيه! دلوقتي انت بتروح وتقف بردو في الطابور علشان تسلم العيش وياريته يتاكل في الآخر بيبقي استغفر الله العظيم...

يبقي لما الطوابين تنقفل يبقي محدش يزعل ولما واحد يولع في الطابونه وصاحبها المفروض يلخد جايزه ...

فعلاً غريبه دي
انا النهاردة كنت في القاهرة لاحظت ضغط جامد على البنزينه فكنت قاعد في كفتريا فبسئل الراجل بيقولي علشان البنزين هيرفع الناس بتمون..
شعب غريب فعلاً هيملي الـتانك قبل ما العرض يخلص
... الموضوع ده هيكون ليه وقته لما يغلي ان شاء الله في القريب العاجل...

والله يا علي انا مش عارف اقول ايه ...

انا بالنسبة لموضوع الدهب ده حاسس ان العيب بيكون مننا ..
يعني اللى عطى للدهب أكتر من حقه هو اهل العروسة مثلاً..
ربنا يهدي ويكون في عون الناس اللى هتتجوز..
أنا من رأيي ان الناس بعد كده تتعامل بملغ معين متفق عليه بين الطرفين مش دهب وكلام فاضي
او مبلغ معين للدهب مش وزن يعني العرف يقول هشتري بكذا دهب مش قد كذا...

يا ريت يا حبيبيي ...

يا محمد انا هقولك على نكته بالنسبة للأكل ده ..

كان في مرة في صياد..
اصطاد سمكه الراجل شكر وحمد ربه على الرزق اللى جاله ..
خد السمكة وروح البيت بيديها لمراته قالها اقلينا السمكة دي
قالتله منين الزيت بـ15 جنيه ومفيش زيت

قالها خلاص اشويها

قالتله الرده دلوقتي بـ4 جنيه ومش موجوده

المهم الراجل بص للسمكة كده وصعبة عليه رجعها البحر

السمكة قالت تـحيا مـصر ..

تحيا مصر مين يا عم ....
هههههههههههههه

...

شكراً MagMan علي الموضوع الجميل ده كالعادة....

ومنتظر رد باقي الأعضاء الغلابة

.مشكور اخ علي علي كلامك الجميل ...

[MagMan]

عارف يا ماجمان .. انا ردي حيكون مختلف شويتين

أحسن فينــا .. لإننــا شعب أتعود علي كدا .. لإننــا خلاص مبقناش زي زمان
(كلامي مفهوم طبعا)
كل اللي بنعمله .. كلام و كله كلام

يجي مرشح في الانتخابات .. و يقول و يعيد و كله ينتخبة .. مش مهم بقي بيكسب إزاي
بس الناس بينتخبوه .. بفلوس .. برغبتهم .. خلاص هما اتعودوا علي كدا

الشاب فينا دلوقتي .. مش حاسس بحاجة .. و لو حس باللي بيجري
هيهرب في حضن والديه .. إن للأسف مبقاش فيه رجالة بمعني رجالة

زمان الشعب كان بينحت في الصخر .. دلوقتي الشعب بينحت علي النت
أنا لو كنت مسؤول عن جماعة كل ما أعمل فيهم حاجة يتكلموا و بس
و ما بيعملوش حاجة .. و الله قسم مني قدامك لأزود اللي بأعمله
ما هو خلاص مفيش حد بقي بيقولي (بتعمل ايه)

:: طبعا كلامي مفهوم أوي و ربنا يستر علينا كلنا بموضوعك اللي حيجبنا ورا الشمس ::

بص يا زعيم كلامك كله صح وميه ميه ..

بس في حاجه ان العيب من الكبير ...
اكيد انت فاهم ...

لو احنا حطينا حيوان قليف في غابه كلها وحوش اكيد الحيوان ده هيتحول الي وحش في يوم من الايام ..
معني كلامي انه هيطبع بطباعهم ..

واحن في غابه كلها وحوش فلازم الكل يكون وحوش ..

واكيد لما واحد حرامي بيسرق وجه واحد اصغر منه سرق مش هيقدر يقوله انت بتسرق ليه ..


مرسي ليك يا زعيم مره اخري

[MagMan]

الله يكون في عون الناس فعلا

وكأنك بتوصف الحال عندنا كمان
هو حالة غلاء عالمية مش في بلد واحد بس
لكن في دول معدل الدخل عندها عالي ممكن تتحمل موجة الغلاء الفظيعه الحالية

وفي دول بتدعم الشعب لسد الفرق في الغلاء
انما نحنا وانتم في الهوا سوا والحال من بعضه
عذرا لتدخلي لكن فعلا هو موضوع مؤلم جدا وبنعاني منه متلكم تماما

بصي يا طيف انا مش هقولك الا ...

ربنا معانا ومعاكم ...

مرسي ليكي يا طيف ...

[Rosy magic]

وتسأل الريس فين يقولولك الريس راح مشوار يحل مخالفات بين الريس الفلاني ومراته ..

براحته هو حر يصلح بين الريس ومراته ، يروح يصلح مواتسير بيتهم براحتو

الامن مستتب برده البلد ماشيه كويس جدا ( خلي بالك من كويس دي ) وكل حاجة تمام

المهم ان الناس الكبيرة لقيا تاكل

احنا مش مهم بقا عادي

زي ما بيقولو فلاحين من غير ارض بيصرفوا نفسهم

ربنا يبشرك باخبار حلو تانية يا مان

ميرسي

[MagMan]

براحته هو حر يصلح بين الريس ومراته ، يروح يصلح مواتسير بيتهم براحتو

الامن مستتب برده البلد ماشيه كويس جدا ( خلي بالك من كويس دي ) وكل حاجة تمام

المهم ان الناس الكبيرة لقيا تاكل

احنا مش مهم بقا عادي

زي ما بيقولو فلاحين من غير ارض بيصرفوا نفسهم

ربنا يبشرك باخبار حلو تانية يا مان

ميرسي

بصي يا رورو كلنا فهمن قصدك ...


ومرسي علي المشاركه الجميله ,,,

ومتبقيش خوافه اوي كده ....

[Rosy magic]

مش خوافه

بس بجد هنعمل ايه يعني

كنا زمان نقول هنقدم شكوى ... حلو

دلوقتي بنقدم فول وطعميه ( ربنا يديمها نعمة )

[MagMan]

مش خوافه

بس بجد هنعمل ايه يعني

كنا زمان نقول هنقدم شكوى ... حلو

دلوقتي بنقدم فول وطعميه ( ربنا يديمها نعمة )

والله كمان مره ان في ناس مش لاقيه الفول والطعميه ,,,

بس الحمد لله وربنا يزيدها نعمه ..

مرسي رورو

[yara]

حسبى الله ونعم الوكيل
المشكله انه الاسعار تزيد والناس بتشترى يعنى السكوت علامة الرضا ومش هقول اكتر من الى قالوه اخواتى الاعضاء
والرساله التى يحتويها موضوعك يفهمها ويعرفها الناس جميعآ كما يعرفون أسمائهم ولكن
الأذان اصابها الصمم والألسنه لم يعد لديها القدره على الكلام والقلم اصبح عاجز عن الكتابه ................................................
وحسبى الله ونعم الوكيل

[sydney]

موضوع فعلا يستحق النقاش والناس بقت بتكلم نفسها من كتر غلاء الاسعار.....
بس للاسف احنا اتعودنا كشعب نسكت ومنعترضش... مفيش عندنا مرونه اوحتي رد فعل قوي
لاننا مازلنا نتعامل ونشتري ولن نتوقف
ولن تتوقف هذه المشكله مادام المستهلك والبائع في انتفاع مستمر
قد تتحقق بالمقاطعه ..ولكنها لابد ان تكون علي مستوي قومي
وهناك مشكلتان متعلقتان ببعض هما غلاء الاسعار وفي المقابل قله الاجور والمرتبات
لو فعلا مرتبات الناس او الاجور كافيه ومناسبه لارتفاع الاسعار ممكن نتفاعل مع الواقع ده
لكن للاسف مشكلتين متناقضتين تماما في منتهي الخطوره
الناس مش بتشتكي بس من ارتفاع اسعار السوق المصري ..بل ظهرت العديد من المشكلات والتي تتعلق بانخفاض الاجور وده طبعا راجع للقانون المالي او النظام الاشتراكي اللي ماشيين بيه في مصر
فنحن كشعب وكذلك الحكومه في البلد ..اشبه بمكن يعيشون ببيوت من زجاج
كل منهم داخل بيت ولا يمكنه سماع صوت الاخر
ومازالت الاسعار في ارتفاع مستمر ولا ادري حقيقا ما سبب ووراء ذلك
ولكننا لن نصمت طويلا..
وبجد البلد دي محتاجه ثوره.............

[MagMan]

موضوع فعلا يستحق النقاش والناس بقت بتكلم نفسها من كتر غلاء الاسعار.....

بس للاسف احنا اتعودنا كشعب نسكت ومنعترضش... مفيش عندنا مرونه اوحتي رد فعل قوي
لاننا مازلنا نتعامل ونشتري ولن نتوقف
ولن تتوقف هذه المشكله مادام المستهلك والبائع في انتفاع مستمر
قد تتحقق بالمقاطعه ..ولكنها لابد ان تكون علي مستوي قومي
وهناك مشكلتان متعلقتان ببعض هما غلاء الاسعار وفي المقابل قله الاجور والمرتبات
لو فعلا مرتبات الناس او الاجور كافيه ومناسبه لارتفاع الاسعار ممكن نتفاعل مع الواقع ده
لكن للاسف مشكلتين متناقضتين تماما في منتهي الخطوره
الناس مش بتشتكي بس من ارتفاع اسعار السوق المصري ..بل ظهرت العديد من المشكلات والتي تتعلق بانخفاض الاجور وده طبعا راجع للقانون المالي او النظام الاشتراكي اللي ماشيين بيه في مصر
فنحن كشعب وكذلك الحكومه في البلد ..اشبه بمكن يعيشون ببيوت من زجاج
كل منهم داخل بيت ولا يمكنه سماع صوت الاخر
ومازالت الاسعار في ارتفاع مستمر ولا ادري حقيقا ما سبب ووراء ذلك
ولكننا لن نصمت طويلا..

وبجد البلد دي محتاجه ثوره.............

مشكوره جدا

ومش عارف ارد عليكي اقول ايه ....