أبيض وأسود وألوان...........

[ahmedmharb]

السلام عليكم ورحمة الله وبركاته

بعد أنقطاع كبير عن كتابة الموضوعات عودت لكى أكتب موضوع أحترت أن أختار أسمه وأحترت فى التعبير عن المعانى والأحاسيس التى بداخلى وبعد تفكير حبيت اتكلم فى موضوع عبارة عن الماضى والحاضر والمستقبل وهو :

" أبيض وأسود وألوان "

فكرت فى حاجات كتير بتحصل فى حياتنا بتحصل مع اللى بنحبهم وبيحبونا شوفت حاجات كتير وقصص وحكايات من ناس كتير بيحبوا بعض وسمعت كتير عن ناس عاشت قصة حب منهم اللى قدر يكمل ومنهم اللى وقف مكانوا ومنهم اللى انكسر ومنهم اللى خان حاجات كتير سلبيه وايجابيه فى حبنا
ناس قالت الحب دى كلمة وهمية وناس كتير قالت الحب ده مات من زمان
الحب دوره أنتهى من حياتنا الحب دى كلمة وأتنست مع مرور الأيام
فى حاجات حاسسها وبقت واقع قدام عيونى زى افلام الأبيض والأسود والألوان
فى حاجات بتموت فى حياتنا وفى حاجات بنضيعها من ايدينا
حبينا نعيش معرفناش جينا نحب متحبناش
ياترى فى فرق بين الحب دلوقتى وزمان
انا معشتش أيام زمان بس من سنين فاتوا ولحد دلوقتى حسيت بفروق كتير حسيت بشكل غير فى أحساس غريب
ايه الفرق ...
لما تقول بحبك وتلاقى نفسك موش قادر تقولها عينك تملأها الدموع وجسدك يرتعش وانت بتقولها
اما تقول بحبك وتلاقى نفسك بتقولها وانت موش حاسسها بس برضه منقدرش نكدبك وانت بتقولها
ايه الفرق ...
فعلا الحب بقى عامل زى الأفلام
قصص منها المغامرات ومنها الكوميدى وفيها اللى اغرب والخيال
والقصة المحبوبه انتهت دورها من حياتنا وهى قصة حب رومانسيه
ليه ياترى ؟ قصة الحب الرومانسيه انتهت ! عشان بقينا فى زمن كله ألوان ولا ده عصر السرعه محتاجين الحب تيك أواى
زيه زى اى شىء ممكن تحتاجه فى ثانيه تلاقيه

لما تغيب روح الحياة عننا .. لما يموت الشوق جوانا .. لما الدموع تتجمد جوه عيونا
راحت خلاص أيام زمان
أكيد الحالة دى موش عند الكل بس الأكيد اللى واثق فيه ان الأغليه بيمر بيه
ان معنى الحياة الحقيقى راح او بدء زى الشمس يغيب
لو رجعت بحياتك لورا سنه أو سنتين او اتنين او حتى يومين هتلاقى الفرق كبير
هتقول ياريت اللى فات يرجع تانى وياريت اللى فات يرجع ماهو اصلا مستحيل يرجع
بس الفكره فعلا ان فى حاجات بقينا نفتقدها وبدات تموت فى حياتنا

فى ناس كانت فى حياتنا غابت بارادتها وفيه منهم اللى غاب غصب عنهم ايوا معاكم لو قلتم ظروف الحياة الصعبه
بس فين احنا من قلوبنا لو فكرنا نتلاقى مع اللى بنحبهم وايه أصعب فى الدنيا لما تبعد عن حد بتحبه
فى ناس كتير كنا متواعدين اننا نعيش مع بعض لأخر العمر ليه فجأة الوعد ده أتنسى
فى ناس كتير بتقول بنحب ومع مرور الأيام بنكتشف ان كلمة الحب دى أحيانا سهل انها تتقال وصعب انك غير يحسها منك
ليه فى الحب كتر سؤال بنسألة وهو ليه بنحب ؟ مع ان الأجابه واضحه جدا
ليه فى الحب عايزاك معايا النهارده ؟ وبكره مقدرش أكمل معاك
ليه فى الحب حلم نبتديه وللأسف منقدرش نحوله لواقع !

أبيض وأسود وألوان
فى قلب تلاقيه أبيض زى الفل قلب كله خير وحب قلب حنين قلب كبير قد الدنيا قلب يقدر يسامحك يكون فاهمك وحاسك
فى قلب يخون ويجرح قلب عايش لنفسه نسى الم وهم غيره
فى قلوب بتضحك علينا وعلى نفسها قلوب زى علبة الألوان لو محتاجه حاجه ترسم عليك بالف لون ولون
أبيض وأسود وألوان
لحظة واحده بنعيشها فرحه وأيام سنين جرح وألم والباقى كله بدون عنوان
أبيض وأسود وألوان مبقاش فى فروق فى الحياة

كيف ستكون حياتنا اليوم وغدا بدون كلمة حب بدون أحساس ومشاعر صافيه
كيف سنكون نحن بدون أحباب بدون تسامح بداخلنا
كيف سنكون نحن اذا تركنا أنفسنا بلا حب

وا ... أبيض وأسود وألوان

[كل الحياااه]

دائما لاتمل العين من النظر الى احرفك ولا يرهق الركض وراء اسطر الاحاسيس والخواطر لانهم اجمعين يوقنون
بان هناك مايستحق كل هذا العناء ففي النهايه هناك عقل بديع وفكر انيق تعجبني مواضيعك كثيرا
وان كنت لا اعلق على معظمها ولكن اقراها عدة مرات
شكرا لطرحك ياباشا وعذرا على الاطاله

[ahmedmharb]

دائما لاتمل العين من النظر الى احرفك ولا يرهق الركض وراء اسطر الاحاسيس والخواطر لانهم اجمعين يوقنون
بان هناك مايستحق كل هذا العناء ففي النهايه هناك عقل بديع وفكر انيق تعجبني مواضيعك كثيرا
وان كنت لا اعلق على معظمها ولكن اقراها عدة مرات
شكرا لطرحك ياباشا وعذرا على الاطاله

والله انا هطير من الفرحه من كثرة ردودك على مواضيعى وشكرا على اهتمامك الشديد