عالم الاسماء

**ahmedmharb** · 3 - 1 - 2010, 06:52 PM

سلام عليكم
ازيكم
النهاردة جايبلكم موضوع من حصرياتى
يعنى من فكرتى
وانا قاعد برو وكالعادة جاتلى فكرة غريبة اوى
كنت بكلم واحد صاحبى عن راجل بتاع ادوات منزليه
فقالى انه يعرف واحد اسمه

ااااااااه ... هنا بقى نقف شوية
اسم الراجل ده هو اللى خلانى اعمل التوبيك ده
عارفين اسمه ايه ............!!!

شرارة
اكيد سمعتوا الاسم قبل كده
بس بجد الاسم خلانى افوق كده وافكر وبسرعة قررت انى اعمل
التوبيك ده
ونستعرض فيه كده بعض الاسماء الغريبة شوية
وهنبتدى باسماء الرجال اولا

يعنى مثلا نقدر نقول من الاسماء دى

شقاوة
حوكشة
سيرياقوسى
شمندى
بطيشة
سيسى
عطادوس
فلفل
صبيح
الحيوان
حنكوشة
ابو شوال
حمكشة
بلشى او البلشى
عبد السيد
كبارة
زغلول
نواس
شندويلى
عطعوط
زقزوق
بصيلى
ابو حطب

وغيرها كتير اوى اوى بجد لو قعدت للصبح مش هخلص
بس تعالوا بقى نشوف اسامى الجنس ((( اللطيف ))
اللطيف اوى

حلاوتهم
شلبية
سكسكة
جرجارة
سيدة
خولية
نبوية
كوكا
فهيمة
نميسة

وبردو غيؤها كتير اوى اوى

بس والله .. والله ... والله استوقفنى اسمين سمعتهم بودنى والله
اغرب اسمين سمعتهم فى حياتى
والاتنين اخوات
بنات اخوات
او ستات يعنى اخوات
اسمهم ايه بقى

الصلاة ع النبى
الصلاة ع الزين

تصدقوا انتوا دى
هى دى اسمائهم ... الصلاة ع النبى والصلاة ع الزين
وربنا اسماء بجد موجودة واعرفهم كمان

يعنى بصوا بجد حاجة تفقع .... سابوا اسامى ربنا كلها
ومسكوا فى دول

اما بقى لو جينا للاسامى اللى مالهاش محل من الاعراب
فنقول مثلا

شاهنده
ماهيتاب
لؤه
ود
روفيدة
سيرينا

وشوية اسماء كده عبيطة اوى
هو يعنى يا كده يا كده .... يا اسماء زى الطوب يا اسماء تجيب شلل رعاش

تعالوا بقى بصوا الاسم ده ودى كانت لبنت اعرفها شخصيا ( انتيم يعنى )
اسمها ( هبه محمود ابو خنجر سيف )
اسمها لوحده يجيب اعداااااااااااااام

وياسلام بقى لما تسمعوا اسماء الدلع او الشهرة

ابو شاغلهم
الحمش
الجعر
جارح
طالوش
البع
كتيو
ابو شنب
الكسّيب
صاصا
حمّو
خرابه
المهيطل
الموس
زئردة
اللول
ابو سنة

يعنى اسماء كتير اوى اوى تحرق الدم
وتجيب ارتفاع فى نسبة السكر
مما يؤدى الى الانتحار المبكر

طبع الموضوع ده من الموضوعات اللى لو فتحت فيها مش هيكفينى 3 ايام
بس انا حبيت بس الفت نظركم للموضوع ده ... وعارف ان فى اسماء كتيييييير
اوى اوى فاتتنى ... بس البركة فيكو نتوا بقى

اللى عنده اسم من الاسماء الغريبة يكتبه
ونشوف تعليقاتنا عليه
اتفقنا
يالا مستنيكم

**بك أستجير فمن يجير سواك** · 3 - 1 - 2010, 08:23 PM

ههههههههههههههههههههههههه ههه
لا بجد موضوع عسل اوى بجد الاسماء غريبه اوى
يسلم الايادى دمت متميز

**المبدع** · 3 - 1 - 2010, 09:38 PM

ههههههههههههههههههههههههه هههههه
تسلم يااحمد وكلامك صح
تحيااااااااااااتى ليك

**ميره** · 3 - 1 - 2010, 09:52 PM

ههههههههههههههههههههههههه ههههههه
لاء بجد اسماء غريبه فعلا تسلم الايادى
عليها ياعسل ولك تحياتى وتقدير

**معا لنصرة ديننا** · 4 - 1 - 2010, 12:47 PM

سلمت يداك أخي

**ahmedmharb** · 6 - 1 - 2010, 03:22 PM

المشاركة الأصلية كتبت بواسطة الارض

ههههههههههههههههههههههههه ههه
لا بجد موضوع عسل اوى بجد الاسماء غريبه اوى
يسلم الايادى دمت متميز

شكرا ارض على مشاركتك

**ahmedmharb** · 6 - 1 - 2010, 03:24 PM

المشاركة الأصلية كتبت بواسطة المبدع

ههههههههههههههههههههههههه هههههه
تسلم يااحمد وكلامك صح
تحيااااااااااااتى ليك

شكرا على مشاركتك الجميله

**ahmedmharb** · 6 - 1 - 2010, 03:25 PM

المشاركة الأصلية كتبت بواسطة ميره

ههههههههههههههههههههههههه ههههههه
لاء بجد اسماء غريبه فعلا تسلم الايادى
عليها ياعسل ولك تحياتى وتقدير

شكرا ميره على كلامك الجميل

**ahmedmharb** · 6 - 1 - 2010, 03:25 PM

المشاركة الأصلية كتبت بواسطة mido 14

سلمت يداك أخي

شكرا ميدو على المشاركه الجميله

**طيور الجنه** · 28 - 8 - 2010, 11:08 PM

اسماء تشل فعلا بص انا هقولك برده علي اسم بابا سمعو في مسلسل سمي القطه بتعتنا علي اسمه
شهبور ده كان اسم واحد راجل في مسلسل مش فكره اسمه ومكنش حد بيعرف ينطق الاسم ده فكانو بيقولو شخبور
بس القط طفش تفتكرو من الاسم

الموضوع: عالم الاسماء

أدوات الموضوع

عالم الاسماء

معلومات الموضوع

الأعضاء الذين يشاهدون هذا الموضوع

الكلمات الدلالية لهذا الموضوع

ضوابط المشاركة