تنميه موارد بشريه؟

[Young DeviL]

السلام عليكم ورحمه الله وبركاته الاول

بصو يا جماعه انا رحت كورس اخدته اسمه تنميه موارد بشريه الكورس دا افادني كتير جدا علمني اثق في نفسي واثق في الناس مع اني كنت فعلا حاسه اني واثقه في نفسي بس طلع غير كدا خالص وبرده كنت ماشيه بنصيحه سمعتها قبل كدا الي هيا اني اشك في كل الناس حتي يثبت العكس انما الي استفدته اني اثق في كل الناس حتي يثبت العكس وانا اتعلمت دا وحسيته ودا الاهم

انا مخدتش الكورس الاجنبي اللي بيعتمد علي تقويه العقل انما انا اخدت العربي الي بيعتمد علي تقويه الروح الاول وغير كدا انا برده كنت فاكره اني فعلا اد المسؤليه في اي حاجه اعملها لكن برده الحمد لله عرفت اني مكنتش كدا وبرده اتعلمت ازاي ان المسؤليه صعبه مش بالسهوله اللي انا كنت فاكراها بيها حتي لو كانت مسؤليه لعبه لازم اكون مسؤله عن اللي بيلعبو معايا وهما كمان مسؤلين عني


الكورس دا افادني كتير جدا وعرفني اني لما ادي لحد خير هيردهولي خير زي ما اكون انا انسانه قدام الدنيا والدنيا دي اللي هيا مرايتي هعمل خير هبص في المرايه تردلي خير ولو عملت شر يبقا هتردلي شر وطبعا الكلام ميقدرش يوصف اللي انا حسيته لان زي ما قلتلكم الكورس دا للروح مش العقل يعني مهما اتكلم مقدرش اوصفلكم انا حسيت بايه واستفدت ازاي


وفعلا انا خرجت من الكورس دا انسانه تانيه خالص مسامحه كل اللي اخطا في حقي وحتي لو كدب عليا او خاني انا دلوقتي بس عرفت اني مسمحاه او مسمحاها كان في موضوع هنا بيقول تسامح ولا متسامحش الي اخطا في حقك وانا قلت لو كدب عليا مسامحهوش بس انا دلوقتي بقي عادي معايا انه يكدب عليا او لا لاني خلاص مسامحاه

وعرفت ايه معني العائله الحقيقيه انا ليا اخوات والحمد لله اه بنعامل بعض كويس بس اتعلمت ان لو حد فيهم زعلني احط نفسي مكانه يمكن الاقي ان انا الغلطانه مش هو وحتي لو مكنتش انا الغلطانه انا لو اعتذرت لو هو الغلطان هيحس اني فعلا بحبه ومش عايزه ازعل معاه او اتدايق منه عشان كدا اعتذرت

وكمان اتعلمت ازاي اختار شريكه حياتي او شريك حياتي اذا كانت صديقه ازاي اتمسك بيها واذا كان حبيب برده ازاي اختاره وبرده ازاي اتمسك بيه لاني زي ما تعبت عشان اوصل لشريك حياتي لازم اتعب عشان اتمسك بيه عشان ميضيعش مني تاني

انا بقولكم كل دا عشان نفسي تستفيدو زي منا استفدت من الكورس دا انا الي خدته خدته من شركه اسمها دريم شركه عربيه يعني الكورس عربي مش امريكي زي اللي في الجامعه او بريطاني انما انا اخدت العربي ولقيت انه احسن بكتير بجد ممكن اللي عايز يروح الكورس دا انا ممكن اوديه الشركه وانا اروح معاه كمان لاني فعلا نفسي الكل يتعلم اللي انا اتعلمته وياخد الكورس لاني فعلا استفدت وطلعت انسانه تانيه خالص ونفسي كل الناس يحسو اللي انا حسيته الكورس دا انا اخدته علي ايد اساتذه كبار
أ.د/احمد الدسوقي
أ.د/وليد عبد الرحيم

الكورس اللي بيديه د/ابراهيم الفقي في الجامعه دا بيعتمد علي العقل مع احترامي الشديد ليه انما اللي انا اخدته من غير ورقه وقلم كل حاجه انا هحسها مش هكتبها او اقراها او اسمعها دا انا حسيتها بجد نفسي واللي فعلا مهتم انا ممكن اقوله عنوان الشركه بالظبط ورقم التليفون لو عايز يتاكد

ياريت فعلا الكل يستفاد ونرجع تاني كل البشر بيحبو بعض لاننا لو بطلنا نحلم نموت

ويلا سلام بقا مش عايزه حد يقول عليا رغايه

[أحمد عمر]

اهلا شيطونه

روعه يا ساره انك ف السن دا تهتمى بالتنميه البشريه ف وقت مبكر من حياتك بعتقد انه خطوه وقفزه كبيره نحو النجاح والتميز ان شاء الله و التنيمه البشريه هى طرق للحياة افضل وتطلعات احسن للمستقبل ..
سواء كان بيتعامل مع الروح او العقل فكليهما ضرورى للانسان لان الانسان مادة وروح اذا فكلاهما مهم للغايه للانسان لحياه افضل ..
واحقاقا للحق فلا ننسى ان الدكتور ابراهيم الفقى اول من اعطى لهذا العلم رونقه وبريقه وكل تبعه ف ذلك وهو -د/ ابراهيم- يتعامل ف محاضرات مع الروح والعقل معا
تبعى بس معاه وهتلاحظى دا
بتمنى منك تشركينا باى شئ تتعلميه وتخديه ومتصل باى بالتنميه البشريه ف القسم الخاص بها
ف انتظار جديدك
انعم الله عليك بنعمتى العقل والايمان

[احمد التيتى]

مشكورة كتير ديفيل على موضوعك و محاولتك مساعدة اعضاء المنتدى على المعرفة و التطور اكتر حقيقى شئ كويس جدا لما شخص يحاول يساعد اللى حواليه على التميز و التطوير

[طيف عابر]

برافو شيطونة
فرحتينى كتير
احلى شيء انه الانسان يستفيد ويطبق الاشياء يلي بيتعلمها
فعلا مشكورة جدا ويبارك في عمرك
اقتبس منك

اني اثق في كل الناس حتي يثبت العكس وانا اتعلمت دا وحسيته ودا الاهم
لما ادي لحد خير هيردهولي خير

[شيخ البلد]

شكراً ايتها الملاك الصغير
فكرتينى بدكتور جليل كان بيدرس لى فى الاكاديمية كان لية صولات وجولات حول تنمية الموارد البشرية بقدمةلسيادة الدكتور / احمد عبدالهادى اكاديمية الدلتا بالمنصورة خالص التحية والتقدير والاحترام
وعلى فكرة الدكتور ابراهيم الفقى هو ايضاً استاد بدون كلام ولم يعتمد إللى على العقل وهو عدو لدود للحفيظة والكتبة لانه يرى ان الموضوع مش صعب انما احنا إللى مصعبنها اوى اوى

[Young DeviL]

تسلمو يا جماعه لمروركم بس فعلا انا كان نفسي كل الناس تتعلم الي انا اتعلمته او بالاصح اللي انا حسيته

[ساندرا]

تسلم ايدى احلى شيطانة

[ملكة الاحزان]

يارب ياشيطانة تفضلى مبسوطة ووثقة فى الناس على طول وابقى ادعيلى بقى

[Young DeviL]

نورتي الموضوع يا ساندرا ومتخافيش يا ساره هدعيلك

[Ali Pharouq Najar]

رائعة
بصدق الحرف
موضوع مميز .. ووسام إبداع