طبعا كلكم عندكم امتحان تعالوا بقى جدول مذاكرة جامد ادعولى

[رحيل القمر]

**امتحان أول ماده لسه فاضل عليه 10 أيام
يـادوب اقسم المادة والحق أذاكرها
اللى بيحصل**
بس الأول اتفـرج على فيلم واحد بس على الدش وابدأ أذاكر
على طول
النتيجة**
أول يوم ضاع


فاضل 9 ايام**
امبـارح ضاع بس أيه يعني لسه 9 ايام بحالهم أكيد هخلص
المادة ويمكن أجيب فيها امتياز كمان
اللى بيحصل**
امبارح نمت متأخر وصحيت بدري وقريت 3 ورقات انام شوية وأكمل ،، اصحى اتفرج على مسلسلين على 3 أفلام
النتيجة**
وآدي تاني يوم ضاع


لسه 8 ايام**

كده تمام لسه 8 أيام والمادة 80 صفحة يعني يادوب كل
يوم 10 صفحات
اللي بيحصل**
أصحابي عدوا عليا نزلت وقفت معاهم شوية ويادوب طلعت بدري
بس كنت تعبان نمت على طول
النتيجة**
يوم تاني ضاع

باقي 7 ايام**
إيه ده أسبوع بس دا أنا لازم امسك المادة أخلصها كلها
واحنا لسه فيها
اللى بيحصل **
بدأت الصبح وذاكرت بجد بتاع 7 ورقات كده بس اتغديت
والأكل كبس عليا قلت أنام وأكمل بالليل
وبالليل كان فيه حتة برنامج كوميدي جامد جدا ما قدرتش
أقاومه
النتيجة**
يوم زي اللى قبله

هانت كلها 6 ايام**
يعني ممكن اقسم الماده كل يوم بتاع 14 او 15 صفحة
وأخلصها بسرعة ومش لازم امتياز يعني جيد جدا كويس أوي
اللي بيحصل**
ذاكرت نص ساعة بحالها كفاية قوي كده ما أنا خلصت 12 ورقة اهو
النتيجة**
طبعا عارفينها

باقي من الزمن 5 ايام**
ياسلام كده يعني كل يوم 20 ورقة وآخر يوم مراجعة عامة دا أنا عبقري
اللى بيحصل**
قريت 20 ورقة بالعافية وبعدين هو انا هفضل أذاكر طول
اليوم ،، عايز اعمل شات على النت شوية
النتيجة**
اهو يوم وعدى



فاضل 4 ايام**
كل اللى قريته مش فاكر منه حاجة يبقى نبدأ كل يوم 20
ورقة ومش لازم نراجع
اللى بيحصل**
النهارده جت شوية أفلام أكشن على الدش فضلت طول النهار
أتفرج عليها
النتيجة**
مش لازم أقولها يعني

كلها 3 ايام**
نظام 20 ورقة كل يوم ده ماينفعش أنا هذاكر نص الملزمة
النهارده
اللى بيحصل**
بعد 20 كوباية شاي و 16 فنجان قهوة ذاكرت 27 ورقة الصبح
في ساعة كده بس هو أنا هفضل طول اليوم أذاكر ولا إيه
كفايه كده النهارده وكفاية عليا أجيب 12 من 20
النتيجة**
بدأت أذاكر اهو


فاضل بكرة بس وبعده**
يومين بحالهم يعني أكمل بقيت المادة النهارده وبكره
أراجع
اللى بيحصل**
ميدو .. ميدو احنا نازلين المول جاي ولا لأ
طبعا ماينفعش أقول لأصحابي لأ ليفتكروني دحيح ويحسدوني
النتيجة**
اللى بنيناه اتهد


النهارده اخر يوم**
يعني لازم انتحــر مــذاكرة اقلها أذاكــر 12 ســـاعـــة ده أنا
امتحاني بكرة يا عالم
اللى بيحصل**
الحماس بيخليني اذاكر ساعتين تمام بس اعمل ايه في الصداع
مش قادر أكمل أنام واصحى الفجر أذاكر و10 درجات كفاية
أوي
**النتيجة
ربنا يستر




فاضل ساعتين**
الحق وانا رايح الامتحان أقرا باقي الورق اللى ما لحقتش
أقراه و يادوب أجيب 8 وآخد درجات رأفة
اللي بيحصل**
البنت دي لابسه لبس جامد أوي هو الراجل ده بيبصلي كده
ليه؟ عمرهم ما شافوا حد بيذاكر قبل كده
النتيجة**
الامتحان بدأ و أنا لسه ما كملتش نص الملزمة

،،،، والعزاء يوم ظهور النتيجة

[ميره]

بجد جدول يخالى الواحد يجيب مقبول مع الترد من البيت وتشرود فى الشارع او ممكن الحبس بدون اى كلام مع اى حد فى البيت وكمان بدون اكل وشورب يعنى الى هيفكر فى الجدول بتاعك ده يبدا فى تخزين الاكل وى المياه فى الاوضه بتعتو او لو هيترد بره يدور على مكان عشا احنا فى الشتا بس نصيحه يا جماعه محدش ياخد الجدول ده وانتى يا بنتى يا حبيبتى تغيبى وترجعى تبوظى العيال كده ماشى يا ساره بس توبيك جامد بجد اوى ياعسل

[رحيل القمر]

هههههههههههههههههه
ايوة الله لازم نبوظهم شويه
هههه انا شايفه الناس مستقيمه وكدة
فكوا ههههههه
نورتينى يا ميرو يا قمر

[hero]

وانتى بئه الوقتى قعده تذكرى فى مصراوى ياختى الله يبارك فيكى روحى ذذذذكرى افضل
بس على العموم الموضوع حلو اوى وكان بيحصل معايه انا شخصين الكلام ده بس ما كنت بروح المول كنت بروح الملعب العب كوره
ودى اخرتها متبهدلين فى بلاد الناس ما ان كنت شاطر جدا الاول بس كنت اهبل اوى حطيط دمغى فى الكوره والاخر الكوره حته ما نفعت فيها هى دى اخيرتها متبهدلين علشان مسمعش حد قول عندك ايه وانته مين ابقه مالى هدومى وجيبى زى ما بيقولو وهو الحمد الله اتريقو على التعليم اتريقو بكره تعرفو قيمت التعليم

[رحيل القمر]

ههههههههههههههههههههههه
لالالا هوة اللى بيتكلم دة هيرو هههههههه
مش مصدقه
مش بتريئ بس هوة دة اللى بيحصل غلطانه انا لا مش غلطانه هههه
ويلا اطلع برة بقى هههه ومتجيش هنا تانى
وحاضر هروح اذاكرلى كلمتين يمكن ينفعونى

[♥بـونـبـونـايـه سـكـره♥]

تسلمى ياثكر على التوبيك الكااااااااامد ته بس انا مش مستغنيه عن عمرى هههههههههههههههههههههه
نورتى خمسه فرفشه من تانى ياعثوله

[رحيل القمر]

تؤ تؤ تؤ تؤ خمسه فرفشه منور بيكى يا سكرتى
نورتينى كتيييييييييييييييييير

[عفريت أفندى]

ماحدش يسمع كلامها

اللى هيسمع كلامها آدى دقنى لو فلح

دى جاية تبوظ العيال

آل يعنى العيال فالحين أوى

يلا كله يشهيص يا رداله

ايام جاز و ربنا يستر

تسلم ايدك رحيل

و ياريت تقللى من المواضيع اللى زى دى اليومين دول

يمكن العيال تنجح !!

[ايسل]

شكرا على النصيحه اللى تودى فى داهيه دى احنا ناقصين فشل

بس سيبك انتى منورانا ياروح قلبى والله

[رحيل القمر]

ماشى يا مرهف ماشى انا هبوظ العيال دول حبايب قلبى

ربنا يخليهم ليا
بس بذمتك بقى انت مش بتعمل كدة ههههههه

ونورت التوبيك يا عمنا