يلا نروح فى داهيه كلنا

**رحيل القمر** · 11 - 1 - 2010, 11:17 PM

بيقولوا للريس قبل الانتخابات "انت مش هاتودع الشعب وللا ايه؟"
قاللهم "ليه هو الشعب رايح فين؟

موظف راح يدى صوته فى الانتخابات فاختار لا
وهو مروح قابل واحد صاحبه فسألو عملت ايه ؟
قاله علمت على لا
لطم صاحبه وقاله روحت فى شربة ميه
فسأله الموظف ايه الحل ؟
قاله ارجع بسرعه وصلح اللى كتبته واكتب نعم
رجع الموظف لرئيس اللجنة وقاله :-
جيت اعلم على نعم غصب عنى علمت على لا
مسكه رئيس اللجنة من ودنه وقاله
احنا صلحناه لك اوعى تعمل كده تانى

واحد شغال فى فرز اللجان الإنتخابية...فواحد صاحبه بيسأله : بقى معقول انتوا بتقعدوا تفرزوا الأصوات دى كلها؟؟؟؟؟؟؟؟؟؟؟
قال له : ولا بنفرز ولا حاجة...التعليمات واضحة وصريحة...احنا نرمى الورقة بتاعة الناخب فى الهوا...ولو نزلت على وشها أو ضهرها يبقى وطنى...ولو على سنها يبقى معارض

بلدياتنا نجح في انتخابات مجلس الشعب, ففي اول جلسة قاعد جنب واحد افندى فالأفندى عزم عليه بسيجارة مارلبورو, وبعد شويه بيسالوا إيه رأيك في الديمقراطية ياحاج؟؟.. فرد الحاج : والله أحسن من الكيلوبترا

سأل الرئيس وزيره : كيف حال الشعب بعد ما
غلّينا العيش ؟
فقال : يا سيدي بياكل زفت
فقاله : طيب غلي الزفت

في مدرس يدرس في المرحلة الابتدائية سأل أحد الطلاب
طير بيتكلم وأول حرف منه الباء ؟
فرد عليه الطالب وبسرعه : الببغاء
فقال : ممتاز . اسمك اية؟
فرد : أحمد
سأله المدرس: أبوك بيشتغل اية؟
رد الطالب : دكتور
فقال المدرس : شايفين ولاد الدكاتره ؟
راح المدرس سأل سؤال ثاني : حيوان بطيء وأول حرف في اسمه السين ؟
فرد أحد الطلاب : سلحفاة
يرد المدرس : ممتاز .. اسمك أية؟
فقال : وائل
أبوك بيشتغل اية؟
رد الطالب : مهندس
فقال المدرس : شايفين ولاد المهندسين
بعدها سأل المدرس السؤال الثالث : طائر له جناحين ... ما هو ؟
فرد أحد الطلاب و بسرعه : تمساح
فيقول المدرس : شايفين الغبي دة
اسمك أية ياغبي؟
ردالطالب : خلف
أبوك يشتغل أية ياغبي؟
رد الطالب : لواء امن دولة
ردالمدرس : بص يا حبيبي هو التمساح بيطير بس مش كتير ولو شد حيله
حيطير أعلى

كان أحد الحكام ممن اشتهروا بالظلم يسافر في طائرة، فنظر من النافذة وقال لحاشيته: لو رميت

رد واحد و قاله : حيلاقيها واحد من الشعب و يفرح بيها
قاله : و لو رميت ألف دولار من الطيارة ... يحصل إيه ؟
رد واحد تاني و قاله : حيلاقيها مجموعة من الشعب و يفرح بيها
قام واحد ثالث قاله : و لو رميت نفسك من الطيارة كل الشعب حيفرح

مره توني بلير و بوش و حسني مبارك عمله ماتش كوره
و همه بيلعبوا الكره وقعت في بحيره مليانه تماسح مفترسه
توني بلير امر واحد من الحرس بتوعوه انه ينزل يجيب الكره من البحيره..
الحرس قال له ماينفعش انزل علشان انا عندي ولاد و عايز اعيش و اربيهم
قام بوش امر واحد من الحرس بتوعه انه ينزل يجيب الكره من البحيره
برده اعترض و قاله ماينفعش انزل علشان عندي ولاد وعايز اعيش و اربيهم
قام حسني مبارك امر واحد من الحرس بتوعه انه ينزل يجيب الكره من البحيره....
العسكري مكدبش خبر راح قالع هدومه و نازل البحيره و فضل يصارع التماسيح و التماسح اكلت اديه و رجليه بس بعد كل ده جاب الكره
فبيسألوه انت ليه نزلت مع انك عارف ان البحيره مليانه تماسيح مفترسه
قاله انا برضه عندى عيال وعايز اربيهم

**♥بـونـبـونـايـه سـكـره♥** · 11 - 1 - 2010, 11:50 PM

ههههههههههههههههههههههههه ههههههههههههههه
تسلمى ياحبى على التوبيك العثل الى زيك ته

**رحيل القمر** · 12 - 1 - 2010, 12:03 AM

تسلميلى انتى يا سكرتى ونورتينى كتير

**HoBa HoBa** · 12 - 1 - 2010, 01:02 AM

ههههههههههههههههههههههههه هههههههههههههههههههه
جامدين مووووووووووووووووووووت
( ونتقابل ف المعتقل ) هههههههههههه

**عفريتـــة هانم** · 12 - 1 - 2010, 02:44 AM

ههههههههههههههههههههههههه ههههههههههههههههههههههههه ههههههههههههههههههههههههه هههه

جامدين جداااا و لما تتقابلو فى المعتقل ابقو حكولى عملتو اية مش معاكم انا فى الخروجة دى ههههههههههههههه

تسلمى ياقمرى

**Special Girl** · 12 - 1 - 2010, 03:21 AM

ههههههههههههههههههههههههه ههههه
جااااااااااااااامدين موت يا سارة يا سكرة
تسلم ايدك رحنا فى شربة ميه على رأيك
ناااايس توبيك
تقبلى مرورى

**عفريت أفندى** · 12 - 1 - 2010, 09:47 AM

هو ايه ؟

و لا ليه ؟

ولا مين ؟

و لا فين ؟؟

رحيل شكلك كده ناويه ع الرحيل

عموما يا رحيل أسألك الرحيل

سلامو عليكوا

**ايسل** · 12 - 1 - 2010, 11:58 AM

هو انا كل شويه اجيب عيش وحلاوه وروح ادوخ على قسم البوليس علشان اطلع حد انا تعبت لو مبطلتوش شكلى انا اللى هبلغ عنكم

بس والله حلوه يا رحيل واحلاهم غلى الزفت عجبتنى

**رحيل القمر** · 12 - 1 - 2010, 12:13 PM

اتفقنا يا هوبه اشوفك فى المعتقل بقى يا قمر ههههههههههه

نورتى التوبيك

**رحيل القمر** · 12 - 1 - 2010, 12:14 PM

عايشه لنفسى خلعت يا جدعان ههههههههههههه

اصيله يا بنتى والله هههههه

نورتى التوبيك عايشه لنفسى

الموضوع: يلا نروح فى داهيه كلنا

أدوات الموضوع

يلا نروح فى داهيه كلنا

معلومات الموضوع

الأعضاء الذين يشاهدون هذا الموضوع

الكلمات الدلالية لهذا الموضوع

ضوابط المشاركة