إلهى تنشك يا بعيد---!! للشاعر على سلامه

[عفريت أفندى]

كتب على سلامه فى المصرى اليوم هذه القصيده

إلهى تنشك يا بعيد ----!!


سبع عجايب يا زمان..



وآدى كمان أعجوبة..

مين لبسك عريان..

فى عز برد طوبة..

تصدرى الغاز ببلاش

وتدورى على أنبوبة..

وتنورى الخرابات..

وتباتى مخروبة..

والدنيا تجرى.. وتجرى

وإنتى واقفة ف مكانك بتبكى

وبتحلمى بزقة..

يا زوبة..

الله يرحمك يا خالتى أم سعيد..

كانت تكشف راسها للسما

وتدعى ع الخضرى

روح..

إلهى تنشك فى قلبك يا بعيد..

عشان قبل ما يوزن

ما كانش بيمسح كفة الميزان..

يا ترى

لو كانت لسه عايشة

وشافت وطن بحاله بيتسرق

روح..

وطعم..

وعنوان..

كانت م الحسرة ماتت

ولا كانت قالت مع الكروان..

الملك لك.. لك


لك وحدك..

يا صاحب الملك..

[Ali Pharouq Najar]

ما أروعها من كلمات ....
أنا سعييد لأنى أول واحد بيعلق ...
تقبل مرورى

على

[cute lolo]

بجد كلمات رائعه

[عفريت أفندى]

ما أروعها من كلمات ....
أنا سعييد لأنى أول واحد بيعلق ...
تقبل مرورى

على

تسلم يا على

و يارب دايما مبسوط و سعيد

تحياتى لمرورك

[عفريت أفندى]

بجد كلمات رائعه

تسلمى لولو

مرورك هو الأروع

تحياتى

[ايسل]

تسلم اختياراتك وليد بجد كلمات معبره عن حال البلد خلاص انا خايفه اصحى مره من النوم القيهم باعوا الأهرامات

مشكور وليد

[عفريت أفندى]

تسلم اختياراتك وليد بجد كلمات معبره عن حال البلد خلاص انا خايفه اصحى مره من النوم القيهم باعوا الأهرامات

مشكور وليد

هو صعب يبيعوا الاهرامات

بس تفتكرى ممكن ؟ !

كل شيئ جايز

تسلمى ايسل على مرورك الجميل

و مشاركتك المميزه

تحياتى

[عفريتـــة هانم]

تســـــلم ايدكـ وليد كلمات رائعة
يارب دايما متميزز ومتألق
تقبل مرورى

[عفريت أفندى]

تســـــلم ايدكـ وليد كلمات رائعة
يارب دايما متميزز ومتألق
تقبل مرورى

تسلمى يا مرااااااااام ع المرور المميز

تحياتى و تقديرى

نورتى موضوعى