نكت ف الصميم

[عفريت أفندى]

مره واحد لاقى جيرانه عاملين دوشه فنده انتو ياللى فوق بطلو الخبط ده فرد ابنهم الصغير عليه و قال: معلش يا عمو اصل ماما بتنفض البنطلون بتاع بابا فقاله: البنطلون تقيل قوى كده لدرجه انه يعمل الدوشه دي كلها فرد الولد و قاله: اصل بابا جوه البنطلون.



واحد بلدياتنا واقف و معاه ارنب فعدّا عليه واحد و قال : بكام الحمار اللي معاك ده؟ فقاله: ده ارنب يا عم ! فقاله:ان مش بكلمك انت..انا بكلمه هو



اتنين صيادلة قابلوا بعض الأول بيقول للتانى يامرهم بيك بنسلين ماشفنكش رد التانى قل له أهى تينيا
انا عارف ان فى صيادله هنا اوعوا تزعلو منى ياصيادله دى مجرد نكتا و انا صيدلى



مرة واحد بلديتنا ربنا كرمه ? فتح فرن عيش, اول يوم راح واحد اشترى منه 10 ارغفة ? روح بيتهم فتح اول رغيف وجد فيه ودن فار , فتح تانى رغيف وجد فيه رجل فار , فتح تالت رغيف وجد فيه ديل فار , راح تانى يوم لبلديتنا قال له ايه ده ياراجل انا حابلغ التموين ? اقفل لك الفرن ده , رد عليه بلديتنا ? قال له ايه يا استاذ انت ما بتفهمش ولا ايه , دى مسابقة انا عاملها جمع الفار تكسب الفرن !

مرة واحد بخيل جداً إشترى دش طلع علقه ع السطح وقفل السطح وكتب ع الباب إحترس كلب متوحش ... الجيران اجتمعوا واتفقوا على ان يصعد واحد منهم للتخلص من الكلب ..
·وبالفعل إختاروا واحد ، صعد إلى السطوح ونزل يجرى وهو يلهث .. وحين سأله الجيران "ها شفت الكلب" رد "لا شفت الطبق اللى بياكل فيه



تاجر مخدرات حصلت عليه كبسه شرطة فرمى المخدرات في عشة فراخ وجري تاني يوم بيدور على المخدرات في العشة فوجد فرخه كلتها كلها فقعد يضرب فيها و بعدين قال لها والله لأنا مأدبك فنتف ريشها كله و راح رماها في عشة الديوك فاتلمت الديوك عليها فصرخت الفرخه فيهم .. بقول لكم إيـــــه ... أنا مخدرات مش آداب


واحد أخنف حظه وحش قوي....وقع في حفره...و فضل مستني لغاية ماواحد جه....و على حظه كان أخنف برضه
·الأخنف اللي فوق قال...استنى شوية..حاطنّنعك دنوأتي ,قاله نببنا يخننيك بسنعة ..قال له و كمان بتتنيأ؟؟؟ طب ابقى شوف مين حيطننعكّ


مرة واحد كسب مليون جنيه فراح طاير من الفرحة واتصل بمراته و قالها بقولك ايه يا عزيزة انا كسبت مليون جنيه.... حضرى هدومك بسرعة , قالتله طيب احضر هدوم صيفى ولا شتوى؟ قالها مش مهم المهم اجى ملاقيش وشك فى البيت


مرة واحد بلدياتنا وجد عشرون جنية جديدة واقعة على الأرض قام بص يمين وشمال وحط مكانها عشرين جنية قديمة مكانها وأحذها


واحد بلدياتنا حب يعمل جدع فى الأتوبيس قام لواحدة وقعدها مكانه وبعد ماقعدت قالها : لما انتى واجفة من بدرى ماجلتليش ليه اجعدك قالت له : خفت احرجك قالها تحرجينى ياخى يحرج "يحرق" ابو اللى جابك


مجموعه من بلدياتنا ماتوا غرقانين في غواصه وبعد التحقيق في الحادث أكتشفوا أن واحد فيهم سمع خبط بره راح فاتح الباب يشوف مين

واحد بيسأل صأحبه هو خلاص هيضربوا طالبان . قالوه اه, رد عليه: كويس انهم مش هيضربوا المدرسة كلها

مرة واحد اخترع كرسي بيفرقع لما حد يقعد عليه و يكدب.فجابوا بوش و سألوه:بتفكر تعمل ايه الأيام الجاية؟
·فقال:أنا بفكر أعمل معاهدة سلام بين كل بلاد العالم،فالكرسي فرقع.
·و جابو صدام حسين و سألوه:انت بتفكر تعمل ايه الأيام الجاية؟
·فقال:أنا بفكر أعمل معاهدة سلام مع الكويت.
·فالكرسي فرقع.
·و جابو واحد بلدياتنا و سألوه:انت بتفكر تعمل ايه الأيام الجاية؟
·فقال:أنا بفكر ف......فالكرسي فرقع قبل ما يقول !!


انا عارف انى تقلت على بلديتنا
معلشى بقى عدوها المره دى

[عفريتـــة هانم]

ههههههههههههههههههههههههه هههههههههه
ههههههههههههههههههههههههه ههههههههههههههههه
جامدين اوى يا مرهف بجد موتنى من الضحك
تسلم ايدك ياجميل

[ايسل]

مرهف اخويه حبيبى عامل ايه يا غالى انت كويس دلوقت ربنا معاك يا خويا يا غالى ههههههههههههههههههههه

وربونا عسل يا اخويا يا غالى

[عفريت أفندى]

ههههههههههههههههههههههههه هههههههههه
ههههههههههههههههههههههههه ههههههههههههههههه
جامدين اوى يا مرهف بجد موتنى من الضحك
تسلم ايدك ياجميل

تسلمى يا مراااااااااام

و يارب دايما مبسوطه و سعيده

نورتى موضوعى بضحكتك الجميله

تحياتى

[عفريت أفندى]

مرهف اخويه حبيبى عامل ايه يا غالى انت كويس دلوقت ربنا معاك يا خويا يا غالى ههههههههههههههههههههه

وربونا عسل يا اخويا يا غالى

ايسل

أختى

حبيبتى

لازم تحرجونا يعنى ؟

عامل شاى بلبن فيها حاجه دى !

و ربونا المعبود مرورك هو اللى عسل

منوره الموضوع يا غاليه

تحيااااااااااتى