لو عاوز تخلع من المزه بتاعتك ادخل هنا

[عفريت أفندى]

الى كل روميو اتخنق من جولييته و عايز يغير او يبدل او يبطل

المهم انه ناوى يخلع بالطريقه

الاول عايزين نتفق اننا بنفكر ازاى نخلع و منغير ما نخسر

بص يا باشا

الطريقه الاولى
غلطه مطبعيه

فى نص الليل و الدنيا ضلمه ( ماهى اكيد ضلمه طبعا ) افتح ايميلك و ابدأ
فى كتابة رساله لحبيبة القلب اوصفلها كل مشاعرك الفتاكه .. احكيلها عن
كل حالات الحب و الانصهار العاطفى اللى بتجتاحك لما بتفكر فيها ..
احكيلها عن كل احلامك و امنياتك و البيت الحلم الجميل و البيت الصغير و
العيال اللى زى القمر اللى هما نتيجة الهرتله دى كلها ..
بس فيه حاجه يا معلم بعد ما تخلص كل كلامك عايزك تعمل حاجه صغيره
اكتب فى اخر سطر بحبك يا مروه
و طبعا مش محتاج اقول لك ان حبيبتك اسمها هند
و ابقى قابلنى لو عبرتك تانى

الطريقه التانيه
التاااااااااااااااااااار

انزل لها فى يوم منيل على الصبح كده و انت لابس جلابيه صعيدى و شايل كفن
على ايدك طبعا هتسألك : على منظرك ده جه منين
سعادتك هتروح متكلم صعيدى برضو و تقول لها ان ابن خالة مرات عمة جوز
خالتك عليه تار فى الصعيد الجوانى و مفيش حد ينفع يتقتل فى الحوار ده
غيرك ... يا كده يا تتجوز بنت اصحاب التار .. و طبعا انت رفضت بكل عزة
و اباء انك تضيع حبكم علشان حتة موته لا راحت ولا جت فقررت انك تموت ولا
انك تتجوز غيرها ابدا ابدا ابدا
طبعا رد الفعل الطبيعى ان المسطوله اللى بتحبك هتشترى هى الشبكه علشان
تتجوز المسطوله اللى انت اخترعتها


الطريقه التالته
المرض البطال

و انت قاعد معاها فى اى كازينو وقت الغروب اسرح فى منظر الشروق و سيبها
هى تلالى مع نفسها و اكيد هتاخد بالها انك سرحان .. عايزك و انت سرحان
كده متبقاش سرحان بجد لا اوعى .. انت هتبقى مركز فى اى نقطتين دموع تنزل
من عينك و طبعا المعلمه هتتخض من منظرك خصوصا انك مكونتش بتبطل رغى قبل
كده
و هتسأل مالك ... هنا بقى وقت الدمعتين .. اوعى تبصلها .. قول لها و
انت شارد برضو انك من زمان كنت حاسس ان صحتك مش ولابد و امبارح بس روحت
للدكتور و طلب منك تحاليل و النتيجه طلعت النهارده الصبح .. و اسكت ..
هتسألك طلع عندك ايه ؟! هتسكت شويه و بعدين تقرر تقول لها طبعا انت
عارف طلع عندك ايه ؟
لا طبعا يا ناصح سرطان ايه بعد الشر
انت طلع عندك انفلوانزا الطيور أو الخنازير
هى الموضه دلوقتى يا عم
و قبل ما تستوعب الموقف سيبها و امشى تبلع الصدمه مع نفسها بقى
و بالمره تحاسب هى على العصير



الطريقه الرابعه
البن

ايوه البن ايه عمرك ما شربت قهوه؟!!
اتصل بيها الساعه 7 الصبح و حاول يكون فى يوم سقعه و مطر و صيف و بهدله
بحيث انها تبقى جايه مش مركزه اصلا و اول ما تشوفها قول لها ان عمك اللى
عنده مزرعة بن فى البرازيل بعت لك عقد عمل عنده فى المزرعه بتاعته .. و
طبعا دى شغلانه عمرك ما هتعرف تعوضها عندنا علشان احنا فى مصر مش بنزرع
بن اصلا ..
ليلى انا مش هقدر اعذبك معايا اكتر من كده .. ليلى .. البن اقوى منى
و متنساش بعد كام شهر تبعت لها كيسين بن برازيلى محوج من عند البقال
اللى على اول شارعكم علشان تصدق انك هناك وبكدة تكون خلعت وربنا يوفقك

[عفريتـــة هانم]

اية دة دة دة اية دة اية الى بيحصل دة واية الى انا شايفة دة وايــــــــــــــــــــــ ــــــــــــــــــة
الله يرحمك يا شهامة طلعت منهم يا مرهف
قلبى غضبان عليك ليوم الدين العيب مش عليك العيب على الهابلة الى كانت قاعدة فى الكازينو

ومن غير تسلم ايدكـ

[ك/علاء النسر]

ههههههههههههههههههههههههه ههههههههههههههههههههههههه ههههههههههههههههههه
يابن الايه لا بجد جامدين
انا هحاول اجربهم
تقبل مرورى وتسلم ايدك وافكارك اللولبيه

[ايسل]

هههههههههه
هههههههههه
هى الأخت اللى قاعده فى كل الحالات دى جايه من الهند وراكبه الفيل مش كده والنبى يا وليد اركن الفيل بره الكازينو

[عفريت أفندى]

اية دة دة دة اية دة اية الى بيحصل دة واية الى انا شايفة دة وايــــــــــــــــــــــ ــــــــــــــــــة
الله يرحمك يا شهامة طلعت منهم يا مرهف
قلبى غضبان عليك ليوم الدين العيب مش عليك العيب على الهابلة الى كانت قاعدة فى الكازينو

ومن غير تسلم ايدكـ

آه يانى م البنات و عمايلهم

ده موضوع للشباب

بتتحشروا فيه ليه بس؟

يا ساااااااتر

حاطين مناخيركوا ف كل حااااااااااااجه

جننتونا منكم لله

مراااااااااام

انا مش كده خاااااااالص و ربونا بس القفشه حكمت !

هههههههههه

تسلمى ع المرور و التعليق

و من غير نورتى الموضوع هههههههه

يلا بئه ماهى خربانه خربانه

[عفريت أفندى]

ههههههههههههههههههههههههه ههههههههههههههههههههههههه ههههههههههههههههههه
يابن الايه لا بجد جامدين
انا هحاول اجربهم
تقبل مرورى وتسلم ايدك وافكارك اللولبيه

تسلم يا عم علاء على مرورك اللولبى الحلزونى المتسلق

تحياتى يا ماااااااااان و أى خودعه

عيش و خلى غيرك يعيش

هههههههههههه

[عفريت أفندى]

هههههههههه
هههههههههه
هى الأخت اللى قاعده فى كل الحالات دى جايه من الهند وراكبه الفيل مش كده والنبى يا وليد اركن الفيل بره الكازينو

مش هكرر كلامى يا ايسل

اقرى ردى على مرااااااااام

أما بنات حشريه صحيح

بعدين يا بنتى كل البنات هنوووووووووود الا قله قليله نادرة الوجود

بينضحك عليهم بالاسطوانات المشروخه دى

و يلا بئه

هش من هنا وقتك خلص

ههههههههههههه

[Special Girl]

ههههههههههههههههههههههههه ه
بقى كده يا وليد انا مش هعد الت واعجن علشان اكيد هتقول ذى ما قولت لمرام وايسل بس انا مش عايزة اكسف نفسي

تشكر يا عم دحنا اخواتك كده تحرد الولاد علينا

ومن غير تسلم اى حاجة فيك ولا ايدك ولا اى شئ

[نانسى جلال الهجرسي]

هههههههههههههههههههههههه بيـس يـآمان

[هبه اتش]

كدا مش بيس
انت عارف ياكمبو لو حاولت تعمل كدا واتفقست الكمبو اللي بتحبها وعايز تخلع منها هاتعمل فيك ايه؟
هاسيبك لدماغك يامعلم وعيش وأحكي للشباب الدراويش
تقبل مروري
وبجد نايس توبك
أختك هبه اتش