حكاية الضرايب !!

[عفريت أفندى]

حكاية الضرايب

وزير الماليه رزانا برزيه ..........................

..................... وزوِّد علينا كتير في الضرايب

لأن الحكومه لازمها مبالغ ..........................

.................... فتفرض ضرايب وتملا الزكايب

وتاخد من اللي مهوش لاقي ياكل ...................

.................. وسايبه اللي ناهب وواكل وشارب

بيوت الغلابه عتيقه وقديمه .........................

...................... مهيش حِمْل تدفع ضريبة عقار

وأجر الموظف ما بيْكـَفـِّي حاجه ....................

................ وسايبينه يغرق ف وسط المصايب

ـــــــــــــــــــــــــ ـ

وزي الخواجه اللي لمَّا يفلـِّس ......................

................. يقلـِّب شويه ف دفاترُه القديمـــــــه

لقيتـُم بيوتنا وغيطنا الصُغـَيَّر .......................

............... مالوش ف الضرايب عملتولوا قيمه

وسيبتوا اللي سارق فلوس من بنوكنا ..............

......................... وسافِر أوروبا معاه الغنيمه

أو اللي بيكسَب مبالِغ كبيره .........................

.................. وزوَّر كشوف الحساب الحقيقــــي

أو اللي مِسَكـِّت بتوع الضرايب .....................

.......................... بحبة مسائل مهياش سليمه

ـــــــــــــــــــــــــ ــــ

قيراط الزراعه يادوب للمعيشه ....................

........................ لفلاح بياكل في بيتـُه النـُخاله

بتفرض عليه الضرايب بقسوه ....................

...................... ماترحم يا سيِّد بلاش الرزاله

كفايه الغلاء اللي طال كل حاجه .................

.................. من الِلبس حتى حاجات البقالــــه

يا ناس ياللي بتحطوا خطة بلدنا ..................

................ شوفولكم طريقه وحلـُّوا المشاكـــل

بعيد عن بيوتنا وقوتنا وقيراطنا ..................

................. وأحسن تلاقوا علاج للبطالــــــــه

*************

مما قرأت و أعجبنى

[ايسل]

محتاره وليد اقول كلمات جميله ولا ابكى على حالنا

تسلم اخويا الغالى على النقل

[عفريت أفندى]

محتاره وليد اقول كلمات جميله ولا ابكى على حالنا

تسلم اخويا الغالى على النقل

تسلمى يا ايسل

بس نعمل ايه ؟

هو ده حال البلد

حسبنا الله و نعم الوكيل

[معا لنصرة ديننا]

عارف يا أخي أنا قرأت تشبية من كام يوم أنا حسيت اني غايب عن الوعي بسببه

عارف ايه هيه
ان غير المسلمين علي عهد رسول الله وعلي عهد الخلفاء الراشدين كانوا يدفعون هم الجزية أي الضريبه

وللأسف نحن اليوم نحن المسلمون ندفع الجزية ؟؟؟؟؟؟؟؟؟؟؟؟؟؟؟؟؟؟؟؟؟؟


حسبي الله ونعم الوكيل

ربي يحفظك يا أخي

[عفريت أفندى]

عارف يا أخي أنا قرأت تشبية من كام يوم أنا حسيت اني غايب عن الوعي بسببه

عارف ايه هيه
ان غير المسلمين علي عهد رسول الله وعلي عهد الخلفاء الراشدين كانوا يدفعون هم الجزية أي الضريبه

وللأسف نحن اليوم نحن المسلمون ندفع الجزية ؟؟؟؟؟؟؟؟؟؟؟؟؟؟؟؟؟؟؟؟؟؟


حسبي الله ونعم الوكيل

ربي يحفظك يا أخي

أخى الكريم

هو ده شر البليه هههههههههه

ربنا موجود

قادر على كل شيئ

تحيااااااااااتى لمرورك الطيب و المميز