لسة بتسال عليا

[بنوتة الأحلام]

لسه بتسأل عليّا ؟
و عنيك بتحس بيّا ؟
و الله فيك الخيــــــــر
أثرت بجد فيّا



عايز تضم جرحى ؟
و كمان تحضن ملامحى ؟
أنا خايف أصدقك
و ده شىء مهوش فى صالحى


دى كانت ذكريات
ماتت و الحب مات
مبقاش فى قلبى منك
غير جرح و صوت آهات



أنا لسه بحن ليك
لكن مش قادر اسامحك
بجد غصب عنى
مش قادر اشوف ملامحك



صعب افهم أى معنى
دا. انا وقلبى اتخدعنا
ومشينا ف سكة حلوة
يدوب خطوة .. ورجعنا



تقدر تقول مدبوح
من جوايا مجروح
و الآه... مبقتش قادر
تطلع و مش مسموعه



شىء مش جديد عليك
حسيت بالغدر فيك
و يا ريتنى قدرت اصدق
و اقتل احساسى بيك


برغم كل شىء
قلبى مهواش برىء
مدام اختار يحب
و خطّى على الطريق



و الشىء اللى قاتلنى
جوه قلبى و دابحنى
حقوله خلاص و حمشى
و ياريت نَفسى تسامحنى


لسه بحبك و بعشق
النظره من عنيك
لكن مش هقبل انى
أكون لعبه ف إديك

[مصطفى المصرى]

لالا والله انتى تعرفى الكلام دة اثر فيها اوى هيخلينى اعيط عارفه
عامل زى واحد عايز حاجة وبيقول لا عايزة حبيبه جنبه بس مش هاين عليه نفسه فبيقول بقى جرحنى قتلنى موتنى الكلام الجامد دة

[بنوتة الأحلام]

انت عارف ردودك دى بتنور مواضيعى
بس على فكرة مفيش غير الاحساس ده

[مصطفى المصرى]

هى المواضيع منورة بالى كاتبها والله ليه مفيش غير الاحساس دة ليه طيب مانتى بايدك تغيريه للاحسن

[بنوتة الأحلام]

يلا ربنا يقدم الى فيه الخير

[مصطفى المصرى]

ان شاء الله ربنا هيقدم اللى فى الخير لانك والله طيبه وان شاء الله ربنا هيحققلك كل اللى انتى عيزاة

[بنوتة الأحلام]

يارب يا صاصا احنا وانت وكل المسلمين

[مصطفى المصرى]

يارب امييييييييييييييين

[الاميرة سومة]

بجد اكثر من رائع
دمتى بكل ود
تسلم ايدك يا قمر

[yasser sherif]

• الحب معني مضاف اليه كل الاشجان
• الحب كلمة يضيع معناها من الاحزان
• الحب ( ......... ) تحتاج العطف والحنان
• لكن مش في كل الاحيان