الأغذية الذكية=تجديد خلايا المخ +قوة التركيز+التفوق في الامتحانات

[طلة القمر]

الأغذية الذكية= تجديد خلايا المخ +قوة التركيز+التفوق في الامتحانات

فى ظل الظروف المحيطه بنا من كل جانب

أصبحنا فى حالة توتر وعدم تركيز ونسيان

فمنذ فترة قدم برنامج 90 دقيقه روشته

عن طريق الانتباه للمحافظه على المخ وتجديد خلاياه

لانه المسئول على الفهم والتركيز ومدى الاستيعاب لنا ولأولادنا ايام الامتحانات

عن طريق

الأغذية الذكية

وانا على قدر الامكان بسطتها ولخصتها

حتى نستفيد منها كلنا

**********************

توتر ما قبل الامتحان

**************

خلال الحلقة تحدث د.أحمد بيبرس – مدير التغذية بأحدى شركات الالبان – عن التوتر الذي يصاحب الطلبة في فترة ما قبل الامتحان وانها فترة صحية

لكن

اذا زادت عن حدها تصبح ضارة

لانها تؤدي الى

فقد السيطرة فيزداد الضغط والتوتر اضطرابات عملية الهضم والصداع المتكرر .

اضطرابات عصبية بالجسم واستيعاب أقل للمعلومة

وخاصة

أن التعليم في مصر يتسم بالحفظ أكثر من الفهم

بما يجعل الطالب تحت ضغط عصبي للوصول الى درجات علمية عالية ولا يهتم بالاستيعاب .

الاغذية الذكية

**************

التي تساعد الطالب في التركيز بشكل أفضل والابتعاد عن التوتر على المدى البعيد وخاصة فى فترة المذاكرة والاعداد للامتحان

فالطالب احتياجاته للطعام تختلف عن الأيام الأخرى

من المسئول عن الفهم والاستيعاب

(المخ)

أنه أهم عضو بالجسم( المخ) يحتاج لطاقة عالية

لانه المسئول عن عملية الفهم والفكر

خاصة أن الاطفال يحتاجون من 2000 الى 2500 سعر حراري يوميا لبناء الجسم وممارسة الانشطة المختلفة

الى جانب أن المخ يستهلك 25% من طاقة الجسم لانه يقود عمليات عديدة داخله .

1-في البروتينات

فهى هامة جدا لتكوين الخلايا العصبية المسئولة عن نقل الرسائل داخل المخ الاسماك مثل السردين والتونة والسلمون فهى هامة جدا لخلايا المخ، وتسهل عملية الهضم والتركيز بدرجة عالية

الى جانب تناول البيض

2-الدهون الذكية

التي تدخل في تركيب النقرات العصبية،

ويمكن توفيرها في زيت الزيتون فهو مفيد جدا ويحمى الجسم من الاكسدة وأمراض عديدة

والمكسرات بمختلف انواعها حسب المتوفر مثل فول سودانى فهى مضادات طبيعية للاكسدة وتساعد على نشاط الخلايا .

3-فيتامينات د , هـ, ج

المتوفرة في الجوافة والفراولة والبرتقال، وضرورة توفر الاملاح المعدنية فى الاغذية المقدمة الغنية بعنصر الحديد لانه يساعد على التركيز بشكل كبير .

4-الخضروات

وخاصة الفاصوليا والسبانخ

والفلفل ذات الالوان المتعددة فهو مهم جدا لسلامة المخ وتقوية الذاكرة

ونبات البنجر فهو عنصر حيوي وهام فى طبق السلطة اليومي

ولو نصف بنجر وتبشر على السلطه.

5- الفاكهة

* فيكون التركيز أكثر على العنب والموز الى جانب البرتقال والجوافة، *تناول الزبيب لتوفر عنصر الحديد به

وثبت لو قلت نسبة الحديد فى الجسم اى انيميا

قل مستوى الاستيعاب والتركيز

*****************

الهرم الغذائي

النشويات

ويليها الخضروات

ثم الفواكه والألبان

واخيرا البروتينات تحتل المرتبة الاخيرة.

وكل ما كان البروتين نباتى كان افضل

(تنبيه هام)

***********

1 ( ضرورة التنوع في الاطعمة سواء الفواكة أو الخضروات

وخاصة تنوع الالوان فى الفواكة لتوفر كميات كبيرة من الفيتامينات به يتطلبها الجسم )

2 ( البروتينات التي يحتاجها الجسم من نباتي وحيواني

الاول أكثر فائدة وقيمة من الحيواني

ويتوفر في الفاصوليا البيضاء ،الفول ، اللوبيا ،فول الصويا)

3 ( خطورة تناول الاطفال للبطاطس الشيبسي كل يوم ).

4(خطورة استخدام السمن فى طهى الطعام لما تحوية من دهون مشبعة والافضل منها استخدام الزيت .)

5 ( العناصر التي يجب توافرها فى الطعام المشترى

الكالسيوم فهوضروري جدا وخاصة للاطفال وعنصر الحديد وفيتامين ج وفيتامين أ لاهميته للجهاز المناعي)

6( ضرورة توفر الاحماض الدهنية فى الغذاء اليومي فهى هامة جدا للعين والمخ وتتوفر بكثرة في المكسرات وبعض منتجات الالبان والاسماك مثلالسلامون .)

7( الابتعاد عن العناصر في حالة شراء المواد الغذائية

وهي الدهون المشبعة في القلي والاكلات السريعة وكذلك عنصر الصوديوم مثل المخللات وغيرها

فالاحتياج اليومي لأي شخص من الملح يستلزم 6 جرام يوميا .)

.

8(حتى تخفف من حدة التوتر لدى الأبناء

لابد من الراحة من وقت لاخر أثناء المذاكرة

اى الاسترخاء وليس الجلوس على الكمبيوتر

لانك ترهق المخ)

9( للالوان المحيطة بالطفل تأثير كبير على تنشيط المخ

فاللون الاصفر يساعد على التركيز والحفظ بدرجة كبيرة

واللون الاخضر والازرق يساعد على الاسترخاء والهدوء

مكان المذاكرة يجب أن يكون جيد التهوية .)
يارب أكون أفدتكم مثل ما أفدت نفسى
ودعواتى للجميع

أختكم طله

[بك أستجير فمن يجير سواك]

بجد ربنا يجزيكى كل الخير على المعلومات القيمه
وربنا يبارك بعمرك ويحفظك ويحميك ودمتى متميز الطله
وبجد موضوع متميز ومفيد
شكـ بارك الله فيك ـرا

[طلة القمر]

بجد ربنا يجزيكى كل الخير على المعلومات القيمه
وربنا يبارك بعمرك ويحفظك ويحميك ودمتى متميز الطله
وبجد موضوع متميز ومفيد
شكـ بارك الله فيك ـرا

نورتينى يا ريم
انا استفدت من الحلقه دى وصممت اقعد تانى يوم فى الاعاده وكتبتها
ودى ثالث مره اكتبه
وفى اخر لحظه الكهربا تقطع
والحمد الله اليوم قلت اخر مره اكتبه
لازم نهتم احنا بنأكل ايه
ونركز على الحاجات البسيطه
مثل معلقه صغيره زيت زيتون
على السلطه فقط
والبنجر ايضا
ومعلقتين زبيب وفول سودانى
ونشوف الاكل اللى فيه حديد ونكتر منه
لاننا وبلا فخر حتلاقى الكل عنده انيميا
طمنينى اخبار الامتحانات ايه
وانتى بتدرسى ايه
والحمد لله ان دخلتى
لانك من ضمن الاخوات اللى اتمنى يشوفوه لانه مهم
يارب تدخل كهرمان وام اسراء وبوتا والباقى
والحمد الله فى زوار 6 تحت
مش شرط رد
ولكن اتمنى كتير يقرؤه

طله
بارك الله فيك

[ام اسراء]

وحشتنى مواضيع المهمه دى
تسلمى ياطلتى
فعلا لازم نعرف أحنا بناكل أه
مش نملأ معدتنا وخلاص
وربنا يتولانا بقى فى الخضروات والفاكهه اللى بنأكلها من عشرين سنه مسممه
المهم نعمل اللى علينا ونغسلها كويس
وأنا سمعت دكتور بيقول أننا ننقع الخضار والفاكهه فى الماء مدة طويله
ربنا يسترها

[طلة القمر]

وحشتنى مواضيع المهمه دى
تسلمى ياطلتى
فعلا لازم نعرف أحنا بناكل أه
مش نملأ معدتنا وخلاص
وربنا يتولانا بقى فى الخضروات والفاكهه اللى بنأكلها من عشرين سنه مسممه
المهم نعمل اللى علينا ونغسلها كويس
وأنا سمعت دكتور بيقول أننا ننقع الخضار والفاكهه فى الماء مدة طويله
ربنا يسترها

ايه النور اللى فى الموضوع ده
من زمان رغم انه شهرين وكام يوم لم اراك متواجده
متغبيش فتره طويله
كنت لسه كتبه لريم نفسى تدخلى
اطلع من الموضوع اشوف اسمك
ايه الصدفه الجميله دى
انا لازم انقع خضار السلطه فى ماء ومعلقة خل 5دقائق
وطبعا الجرجير والخس والبصل لازم انقعه برضه
ربنا معانا جميعا
لازم نفهم ونعرف نأكل ايه لكى نغذى مخنا ونجدد خلاياه
ومش شرط كميه كبيره
القليل يكفى
بس تدخل جسمنا


بدل الادويه اللى فى الاخر تكتشفى انها مضروبه
بارك الله فيكى ونورتينى
وربنا معنا جميعا
اختك طله

[botta]

يارب تدخل كهرمان وام اسراء وبوتا والباقى
والحمد الله فى زوار 6 تحت
مش شرط رد
ولكن اتمنى كتير يقرؤه

اسمى مكتوب؟؟؟؟؟؟؟؟؟؟ طيب
بتجيبى فى سيرتى ليه؟؟؟
هههههه
أنا زى القط جيت أنط
فعلا موضوع رووووووعة و مهم جدااااااا
و إن شاء الله لما بوتا تدخل kg 1 أبقى أعملها كده وقت الامتحانات هههههههه
أحلى صباح و مساء ليكى يا طلة و لأم إسراء كمان
ربنا يهديلك ولادك و ينجحهم لك يا رب
سلام يا قمر

[طلة القمر]

يارب تدخل كهرمان وام اسراء وبوتا والباقى
والحمد الله فى زوار 6 تحت
مش شرط رد
ولكن اتمنى كتير يقرؤه

اسمى مكتوب؟؟؟؟؟؟؟؟؟؟ طيب
بتجيبى فى سيرتى ليه؟؟؟
هههههه
أنا زى القط جيت أنط
فعلا موضوع رووووووعة و مهم جدااااااا
و إن شاء الله لما بوتا تدخل kg 1 أبقى أعملها كده وقت الامتحانات هههههههه
أحلى صباح و مساء ليكى يا طلة و لأم إسراء كمان
ربنا يهديلك ولادك و ينجحهم لك يا رب
سلام يا قمر

أنا أقدر أنسى بوتا(شيماء)
هو احنا لسه مدخلناش
kg 1
امال لو دخلت اكيد مش حنشوفك خالص مش فاضيه بتحفظى
أ-ب-ت-ث--a-b-c-d
نصيحه ابتدى من الان
نورتينى
سلام حروح أدور لكى على موضوع
اختك طله

[طلة القمر]

يارب وفق الجميع
اختكم طله

[hadede]

شكرا جزيلا على الافادة

وكل حاجة مش ملوثة اكيد فيها استفادة

سلمت يداك
طلة
ودمت فى حفظ الله متمتعة بالصحة والعافية

[طلة القمر]

شكرا جزيلا على الافادة

وكل حاجة مش ملوثة اكيد فيها استفادة

سلمت يداك
طلة
ودمت فى حفظ الله متمتعة بالصحة والعافية

شكرا لمرورك
نورت الموضوع
بارك الله فيك وحفظك
طله