بمناسبة الامتحانات اغانى جامدة

[احمد حمدان]

السلام عليكوااا

أغـــــــــــاني الامتحـــــــــانــــــــ ــــــــــــــات

بمناسبه الامتحانات وجو الامتحانات وكده



وانتوا عارفين االباقى بقى

دول شويه اغانى نتسلى بيها كده واحنا بنذاكر دا اللى بيذاكر



طبعا لازم الفنان عمرو دياب يشارك فى الاحتفال الامتحانى دا

- ايوه انا عارف

ايوه انا عارف انى هشيل الماده اكيييد

وأى مراجعه فيها دلوقتى مش هتفيييد

دنا من يوم ماذكرت وقلبى ماهوش مرتاااح

اسكت ليه .. انا بس بقول لا تقولوا دحااااااح




تنسى واحدة

ليه يا قلبى كل تيرم بتشيلى مادة

ولسة مش عارف تحل فى اى مادة

كل اول تيرم تقول انك مذاكرهااااااااا

وفى نهاية التيرم الاقى انك شايلهاااااااا

كل ده علشان بتهرب من الحقيقة

كل ده علشان يا قلبى شيلت مااااااااادة

اى مادة بتذاكرها بتبقى حاسة

انت مش جايلها دانتا جاى تشيلها

انت عارف حتى تنجح فى واحد غيرهاااااااا

ده انت وانت ويا غيرها بتفتكرهااااااا

كل ده علشان بتهرب من الحقيقة

كل ده علشان يا قلبى شيلت مادة




زى الملايكة

ميتحكيش عليهاااا

مادة لايمكن تنجحها

هتشيلها مهما تذاكرها

مادة لايمكن تنجحها

هتشيلها مهما تذاكرها

ميتحكيش عليهااااا

ده انا عندى احباط من يومها

فكرت انى هأفّلها

او حتى بس اعديهاااااا

ميتحكيش عليهااااا

اصعب ما فيها اللى شاللنى

مليانة حفظ بتأرفنى

اصعب ما فيها اللى شاللنى

مليانة حفظ بتأرفنى

بقالى سنين بحفظ فيها

وانا حلمى بس اعديها

لكنى مش هعديهاااااااا

ميتحكيش عليهااااا

كان حلم عمرى انى افهمها

مش اقعد احفظ فى كلامها

بحفظها كده زى ما هيا

نسيانها دا حاجة عادية

تحفظها تلاقيهااااااااا

ميتحكيش عليهااااااااا




كان طيب


خلاص بقى بيقفّل....يرحم زمن السقوووووووووط

ذاكر كتير وقفّل..... درجاته حلوة موووووت

جاب جيد يعنى مقفّل...اتاريه دحيح كبيييييييييييييير

مش زى ما كان مبين...ده خدعنا سنين كتييييييييييييييييير

راجعنا مادة ماااااادة .... ولبسنا فى كل مااااادة ... وهو جاب تقدييييييييييييير

لو يفتكر زمااااااان...آآآه ..زمان ...آآآه ..كان هو ايه

كان فاشل بين ايدينا...ومظبتينه يا بيــــــــــــــــــه

مادة وعدت خلاص...أأأه .. خلاص....أأأه.. هنعمل ايه

مش كل الناس دحيحه...فى الجامعة فيه وفيه



محمود العسيلى - تررم

كان فى مادة اسمها فيزيا.. غباوتها مش طبيعية
كل اما اجى اذاكرها .... بحس انها هندية
تعبانة وارفانة
ومسائلها مبهدلانا
وتبصلنا وتقول...متحلونى فى ايه؟؟؟
مش فاهمين معناها...واخرتها معانا
نفسنا نرتاح من اللى احنا فيه؟؟
الرخامة والتناحة والغباوة والرذالة
كل الناس اللى يذاكروها يبقوا خلاص هيقطعوها
او يروحوا يحرقوها ويخلصوا من ابوهها

لو كان وزيرنا شالها من المنهج
كان قصر وريحنا
بدل نقعد نذاكر ونفضل زى ما احنا
كارهينها مش طايقنها..ومخنوقين منها
ونفضل نقول ... بتعملى كده ليه؟؟؟؟
هنفضل كده معاها .. ارفنها ومجننها ... بس نبقى عارفين اخرتها ايه؟؟؟


الرخامة والتناحة والغباوة والرذالة
كل الناس اللى يذاكروها يبقوا عاوزين يقطوعها
او يروحوا يحرقوها ويخلصوا من ابوها



الفنانة العظيمة اليســـأ حبت تشارك فى الحفله

اليسا - يا عالم

يا نعيد مع بعض حبيبـــــــــــــــى

يا نعيد احنا الاتنيـــــــــــــــن

اوعدنى ان احنا حبيبــــــــــــــى

منشيلش غير مادتيــــــــــــــن

دى المادة اللى تضيع دلوقتى

نذاكرها ازاى بعديــــــــــــن

يا نعيد مع بعض حبيبـــــــــــــــى

يا نعيد احنا الاتنيـــــــــــــــن

حضرنا محاضرات وسكاشن ,, ليه مفهمنااااااااااش

صورنا ورق وجينا ... نذاكر معرفنااااااااااااااش

دى المادة اللى هسقط فيها

هطلق فى البيت بعديهاااا

والدكتور ايه ناويلنا عليــــــــــــــه

شكلنا هنعيد يا حبيبــــــــــى

انا وانت شكلنا مش نافعيــــــــــــــن

قاعدين فى اغانى نألف

ده اللى احنا فيه فالحيـــــــــــــــن

ماهو لو احنا نجحنااااا

يبقى اللى هيسقط ميـــــــــــــــــــــــ ـن





يارب تعجبكم وتنجحو كلكم ان شاء الله
بالتوفيق للجميع

[ahlaooymedo]

جميلة جداا بس مفيش اغاني تفائلية شوية

[MO3AZ]

هههههه شكر وعلى فكرة انا امتحنت انهاردة فيزياااااااااااااا

[بك أستجير فمن يجير سواك]

ههههههههههههههههههههههههه ههه
لا بجد جميلة جدا يااحمد ايه يابنى الاحباط ده هههههههههههه
لا بجد جميلة اوى ربنا يسلم ايدك ويوافق الجميع ونفرح بالنجاح للكل
ودمت متميز وحفظك الرحمن ومشكور