لو بقيت رئيس جمهوريه هاتعمل ايه, خش واكتب ولا يهمك

[modyvip]

تعمل ايه لو بقيت رئيس جمهوريه

ايه القرارات اللي هاتعملها

الاوامر

اول قرار



عايزك -عايزك تكتب تصورك انت ممكن تعمل ايه

ايه؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟

[Essam Net]

اولا : هطبق الشريعه الاسلاميه فى مصر ..
ثانيا : هشيل سنه سته ابتدائى ههههههه ..
ثالثا همنع تصدير القطن إلى البلاد الخارجيه ..

وهمنع زراعة الكوسه فى بلدنا لان الكوسه كترت اوى فى البلد .. يلا بقى هنتاخد نتاخد كلها واحد ..

خامسا هرفع مرتب الدكتور والمدرس بس المدرس اللى ما بيديش دروس خصوصيه ..

وهرجع رغيف العيش زى ماكان زمان اسمو رغيف ..
وارخص اللحمه واسهل الموصلات ..

وفى كتير يا عم الله يكون فى عونا كلنا

وعلى فكره انا حاسس ان الموضوع ده موجود قبل كده بس مش عارف ..

[Rosy magic]

اه انا برده شاكة بس مش ضروري كله تجديد

انا اول حاجة هعملها هعدم حد في بالي

وبعدين هدي 5 جنيه كل مواطن هديه مني

وهزود المرتبات شوية

وهفصل مدارس الاعدادي كلها

ميرسي مودي على المناقشة

[ملكة الاحزان]

هحاول احل مشاكل البلد بدل محل المشاكل البلاد التانية

[modyvip]

تسلموا يا جماعة بجد حلول مرضية بس مين اللى ينفذ
يا روووووووووووووووووووووووز
5 جنيه بس حرام عليكى
السد العالى بيطلع 8مليون جنيه
المفروض كل واحد مليون على الأقل

[عبقرينو]

بسم الله الرحمن الرحيم


قرار رئبس الجمهورية رقم 1

إقالة الوزارة وتغيير الدستور ليكون تعين الوزراء بالانتخاب الحر المباشر على أن يكون السيد جودة الملط رئيس الجهاز المركزى للمحاسبات هو رئيس الوزارة ولا يقال أو يستقيل كما يتاح للسيد رئيس الجمهورية اختيار رئيس الوزراء فقط فى حالة وفاة السيد جودة الملط

قرار رئيس الجمهورية رقم 2

عودة الاشراف القضائى على الانتخابات وتكوين هيئة عليا للرقابة على الانتخابات اعضائها من القضاة فقط ويتم التعيين فيها بواسطة رئيس الجمهورية


قرار رئيس الجمهورية رقم 3

انشاء هيئة عامة للرقابة على وزارة الداخلية وتشديد العقوبات على الضابط الفاسد وتكون هذه الهيئة تابعة لرئيس الجمهورية شخصياً ويتم التعيين فيها بأمر مباشر من السيد رئيس الجمهورية ويكون التعيين فيها لكافة فئات الشعب وليس الضباط فقط .


قرار رئيس الجمهورية رقم 4


إعطاء مكافأة لكل شاب قام باستصلاح قطعة ارض صحراوية مساحتها على الأقل 10 فدادين وقدر هذه المكافأة 300 الف جنيه مصرى ويتم انشاء هيئة عامة للرقابة على الاستصلاح تخضع مباشرة للسيد رئيس الوزراء ويكون رئيسها على رتبة وزير .


قرار رئيس الجمهورية رقم 5


انشاء اداراة عامة للرقابة على الاداء الوزارى وتكون هذه الادارة تابعة للسيد رئيس الجمهورية مباشرة ورئيسها على رتبة وزير ويتم التعيين فيها بأمر مباشر من السيد رئيس الجمهورية.


قرار رئيس الجمهورية رقم 6


حل مجلش الشعب واعادة الانتخابات فى ضوء القرارات السابقة .


قرار رئيس الجمهورية رقم 7
انشاء ادارة عامة لمكافحة الرشوة والفساد الادارى وتكون تابعة لمجلس الشعب مباشرة ولا يحق لأحد التعيين فيها الا بأمر من السيد رئيس مجلس الشعب مباشرة .

قرار رئيس الجمهورية رقم 8


أتنحى انا رئيس الجمهورية عن منصبى هذا واقامة الانتخابات الحرة لاختيار رئيس الجمهورية التالى فى ضوء المعطيات الجديدة .

التوقيع
رئيس الجمهورية

[taha]

اول قرار هاخده لما ابقي رئيس
احترام عقل الشعب وتقديره
وبعد كده هعمل وزاره جديده اسمها
وزاره الافكار والتطبيق ودي الرئيس هو اللي مشرف عليها
اي حد عندي فكره جديده في اي مجال او اي حاجه مبتكره
ندرسها بجديه في وقت محدد

[شمس الأصيل]

السلام عليكم ورحمة الله وبركاته

شوف .....

كده على طول

دي شغلانه مههبه

يعني لو خلصت من الناس

ومن الحاشية اللي تجيب ورا

ومن الحكومات العربية

ومن البنك الدولي وتحكماته

ومن تنت أمريكا وايدها الطويلة

طيب تخلص من حساب ربنا ازاااااااااااااااااااااي

هتقدم كشف حساب ومن أين لك هذا

وهتلاقي معلق في رقبتك حق 80 مليون مواطن جوه وزيهم مهاجرين بره

شغلانه يعلم بيها المولي عز وجل

لا يا سيدي مش لاعبه اللعبة دي

عشان مؤذيه

[محمد ضيوف]

لو كنت رئيس جمهورية كنت اولا اعمل

1_العمل بالشريعة الاسلامية

2_العمل على تحرير فلسطين

3_العمل على تحرير العراق وافغانستان ولبنان

4_الغاء التطبيع مع ما تسمى باسرائيل وعدم الاعتراف بها كدولة

5_الغاء كل البروتوكلات المبرمة والموقعة مع كل دول التحالف التى تحارب الاسلام والمسلمين

اخوكم (محمد ضيوف)طال بكلية اصول الدين والدعوة بالمنصورة قسم عقيدة وفلسفة اسلامية (الفرقة الثالثة)

[hotta]

مشكور موووودي كتيـــــــــــــــــر علي الموضوع الرئع دة
انا اهم حاجة ممكن اعملها ان انا احاول اعمل علي اسعاد الشعب المقهور
وبعد كدة احاول ارخص الاسعار او اخليها في متناول كل الناس
واحاول بجد علي اني اكون قدوة للناس مش مجرد رئيس جمهورية دكتاتوري