جايه بتبكى

[modyvip]

جايه بتبكى بدمع عنيها

فاكرة ان الحل بأيديها

مش عارفة انها كسرت قلبى

وضيعت حبى بأيديها

كانت عايشة زمان ويايا

كانت دايبة كمان فى هوايا

ايه خلاها تغدر بيا

وتعذب قلبى ياناس وياها

كنت بعاملها بحنية

وكانت دايما تأسى عليا

كنت ياناس بتمنى رضاها

وتاعب قلبى ياناس وياها

بعد ده كله ازاى تنسانى

وتسيب قلبى جريح فى هواها

[Essam Net]

اسسسس على الكلام الجامد ..

حلو يا حج جامد من يومكـ والله ..

ما تسيبكـ من هواها وخليكـ مع هوانا هنا يا عم بدل ما هى تعباكـ ..
هههههههههههههههههههههه


احنا هنا هوانا بحرى ..

[modyvip]

هههههههههههههههههههه
انت جيت فى جمل معاكم معاكم يا ريس

[طيف عابر]

كلمات حلوة كتير
مشكور جدا
وبما انها كلماتك وجب نقله لشعر الاعضاء

[modyvip]

تسلمى طيف
وشكرا على النقل

[hotta]

جايه بتبكى بدمع عنيها
فاكرة ان الحل بأيديها
مش عارفة انها كسرت قلبى
وضيعت حبى بأيديها
(بعد احترامي ليك انا ارجح كلة ايدها افضل من ايديها علشان اللحن والنطق علشان لما تتغني يبقي مخرج النطق صح)

كنت ياناس بتمنى رضاها
وتاعب قلبى ياناس وياها
(كلمة ياناس في الجملة التانية ممكن نبدلها بكلمة(كمان)