قصتي مع امتحان الشفوى للغة العربية تحت اشراف مدرستي ... شوفو اد ايه انا ذكية (حصريا)

**Rosy magic** · 8 - 3 - 2008, 08:12 PM

اتفرجوا هعجبكوا اكيد .........

مدرستي بتسألني :

يا روزي اعربي جملة سور الصين العظيم .

أنا --- : من عيوني يا مس
سور : الحيطة الي نط فوقها الحرامي علشان يسرق تلاجتنا
الصين : نوع من أنواع الاطباق هبقا اجبلك منها في عيد الام ممكن تتحط في الميكرويف وبعضها قابل للكسر .
العظ : دة الي بيحصل من اطباق فم حيوان على يد انسان .
يم : اسم من اسماء البحار ( الميه ) .

مدرستي : والله هتجيبيلي طقم صيني ... طيب ايه معنى كل الجملة

أنا : معناه الحرامي راح راح يسرق تلاجتنا الي فيها طقم الصيني فكلبنا عضه ووقع في الميه

مدرستي : جميل جميل ( صفر في السؤال الاول )

أنا : بجد ميرسي يا مس هزودلك كباية مع الطقم

مدرستي : إعربي يا روزي جملة مرض جنون البقر .

أنا : دي تااااااااااااااااااااافهة
مر : يعني شاي من غير سكر
ض : لا محل لها من الاعراب
جن : وهل يخفى القمر ؟؟
ون : كلمة انجليزي معناها واحد
الب : هي جبال الالب واتصور فيلم كارتون هايدي فيها .
قر : جاية من قرنفل وهو زهرة محطوطة في قوضتي

مدرستي : ما شاء الله يا روزي وادا صفر كمان في السؤال التاني

عندك آخر فرصة اعربي جملة برج ايفل

أنا : والله ما عارفة اشكرك ازاي
بر : الحتة الي بتبقى قبل البحر
ج : للتأكيد
اي : حرف الاي بالانجلش ميتعربش
فل : نوع من الزهور .

مدرستي : صفررررررررررررررررررررررر
رسبتي يا روزي

أنا : هجبلك منتجات ب 100 جنيه من بوتيك انشن

مدرستي : 100 جنيه يا لهوي احم احم

غلطة في التصحيح نجحت روزي

**DREAM** · 7 - 5 - 2009, 06:17 PM

الف مبروك روزي علي النجاح هههههههههههه

[IMG]http://img06.picoodle.com/img/img06/2/4/24/*********/f_jojom_de64f0e.gif[/IMG]يلا سلام[IMG]http://img06.picoodle.com/img/img06/2/4/24/*********/f_jojom_de64f0e.gif[/IMG]