إشهد ياقمر كلمات عصام الدين محمد " عصام قمر "

[عصام الدين محمد]

اشهد عليه وعليا ياقمر

ياللي انت كمان سهران

العمر ضاع مني هدر

ما بين ليالي أسي وحرمان

واللي هويته ف يوم غدر

نسي وعود القلب وخان

وسابني أقاسي الويل وحدي

ابكي ع الحب اللي هان

*************

مخطرش ف بالي لحظة واحدة

ان الحب ف شرعه لعبة

ودوري فيها أني محطة

لازم يوصلها ولو صعبة

وبعدها يبدأ اللعبة تاني

مع قلب غير الاولاني

ولما يوصل يفرح يهلل

ويسيب قلوب من بعده تعاني

**************

لا وحياه الليل اللي سهرته

أفكر فيك

وحياة الثمن اللي دفعته

لأبكي عنيك

وهخليك تعيش الالم

وهخليك تحس الندم

ولو قضيت عمرك حزين

ولو منطقتش غير الأنين

إعرف بردو إني رحمتك

وده يبقي مني عطف وكرم

****************

كلمات عصام الدين محمد " عصام قمر "

[لولى]

عصام لسه مسجلة باسمك فى الشهر العقارى كلماتك بجد رائع وتمس بشعرك اوتار القلب ويارب تلاقى حب بجد يسعدك وبدون احزان وبكاء مع دوام التوفيق

[عصام الدين محمد]

عصام لسه مسجلة باسمك فى الشهر العقارى كلماتك بجد رائع وتمس بشعرك اوتار القلب ويارب تلاقى حب بجد يسعدك وبدون احزان وبكاء مع دوام التوفيق

شكرا يالولي علي مرورك الجميل وتمنياتك الرائعة ولك مني مثلها وصدقيني انتي وحشتينا الفترة اللي فاتت وكان ليه غيابك؟
عصام الدين محمد

[لولى]

شكرا على سؤالك ولكن ظروف دراستى كانت تمنعنى من متابعة اشعارك بس اكيد لمايكون فية فرصة لازم اشوف اخر ابداعاتك بس ننتظر نشاط اكتر من كدة

[عصام الدين محمد]

شكرا على سؤالك ولكن ظروف دراستى كانت تمنعنى من متابعة اشعارك بس اكيد لمايكون فية فرصة لازم اشوف اخر ابداعاتك بس ننتظر نشاط اكتر من كدة

عزيزتي لولي
يارب دايما كدة متفوقة وفـ أول الصفوف
واللي يعترض طريقك أكيد أكيد مهفوف
عصام

[Ali Pharouq Najar]

كالعادة ....كلمات متميزة
من انسان مبدع ...
دمتم فى حفظ الرحمن

على

[عصام الدين محمد]

كالعادة ....كلمات متميزة
من انسان مبدع ...
دمتم فى حفظ الرحمن

على

عزيزي thegohst
وكالعادة أنت إنسان جميل ومحترم وربنا يكرمك بزيارة بيته الحرام جزاء كرم أخلاقك
تقبل ودي وتحياتي وأجمل أمنياتي
أخوك عصام قمر