رساله من الغاليه(مصر) الي ابنها (المواطن) ....؟؟؟

**هشام اللول1** · 2 - 2 - 2010, 02:56 PM

عزيزى المواطن بتاع النضال
يا راكب دماغك و غاوى الحلال
نصيحة يا صاحبى بلاش الخيال
و غمض عيونك و ربى العيال

بلاش المناكفة و لايم و عيش
هتتعب معانا و سهمك يطيش
نلفق لاهلك قضية حشيش
و تصبح حكاية و نكتة و مثال

تعالى و هاودنا و عدى الامور
و عيش فى الطراوة و خش الطابور
لكن لو هتزعل و دمك يفور
هنشهد نهايتك فى بحر الرمال

هتصبح حرامى هتصبح امير
هتصبح حرامى و ندل و اجير
و نقدر نلخبط فى اصلك كتيير
و جدك شحاتة هيصبح شحال

هنحلف ان الحبايب شافوك
بتقبض يا خاين و تقتل اخوك
ساعتها مراتك هتلعن ابوك
و تلطم و تنعى احط الرجال

مالكش انت دعوة بى ايه اللى ضاع
و مين اللى شارى و مين اللى باع
و مين اللى كيل و مين اللى شال

فحب الحكومة و حب السلام
و علم ولادك يشدوا الحزام
علشان بكرة هياكلو حمام
و ينسوا الاسية و ينسوا الهزال

فلازم يا صاحبى تغمض عنيك
و طنش علينا نطنش عليك
و اياك تشاور نقطع ايديك
و تصبح مواطن ما يسواش ريال

عزيزي المواطن كفايه حرام
تعبتك نفسك وهتعتب كمان
ولو عاندت نفسك هيجيلك العار
احنا الاقوي وانت مش همام

**ايسل** · 3 - 2 - 2010, 12:40 PM

تسلم هشام على هذه الكلمات الجميله

**هشام اللول1** · 8 - 2 - 2010, 01:05 PM

تسلم هشام على هذه الكلمات الجميله

شكرا لمرورك اختي ايسل

**عفريت أفندى** · 8 - 2 - 2010, 02:14 PM

الموضوع حلو و جميل

و الكلمات ف الجووووووون

بس العنوان هو اللى ف نظرى مش ف محله

لأن كده بنظلم مصر

و المشكله مش ف مصر

المشكله ف النظااااااااااااااااام

تسلم الأيااااااااااااادى

و تقبل مشاركتى و رايى الشخصى

تحياااااااتى

**هشام اللول1** · 8 - 2 - 2010, 02:46 PM

المشاركة الأصلية كتبت بواسطة مرهف الاحساس

الموضوع حلو و جميل

و الكلمات ف الجووووووون

بس العنوان هو اللى ف نظرى مش ف محله

لأن كده بنظلم مصر

و المشكله مش ف مصر

المشكله ف النظااااااااااااااااام

تسلم الأيااااااااااااادى

و تقبل مشاركتى و رايى الشخصى

تحياااااااتى

شكرا لمرورك الكريم اخي مرهف
شكرا لوجهة نظرك
وهو فعلا انا بتكلم علي الغالية وهو النظام
والمواطن هو الشعب وشكرا
لرايك ومشاركتك

**emadshemy** · 1 - 3 - 2010, 08:35 PM

الموضوع حلو و جميل
لكن الكلام ده مش كلام مصر الحبيبة
ده كلام الناس الطواغيت اللي في مصر

**هشام اللول1** · 2 - 3 - 2010, 09:38 AM

المشاركة الأصلية كتبت بواسطة emadshemy

الموضوع حلو و جميل
لكن الكلام ده مش كلام مصر الحبيبة
ده كلام الناس الطواغيت اللي في مصر

ايوة ياعماد الكلام كلام النظام
اللهم دمرهم
شكرا لمرورك

الموضوع: رساله من الغاليه(مصر) الي ابنها (المواطن) ....؟؟؟

أدوات الموضوع

رساله من الغاليه(مصر) الي ابنها (المواطن) ....؟؟؟

معلومات الموضوع

الأعضاء الذين يشاهدون هذا الموضوع

المواضيع المتشابهه

بط؟؟؟ وز؟؟؟ فراخ؟؟؟ وفيها ايه يعني؟؟؟؟

من بنى الاهرامات ؟؟؟...عاد..؟؟؟؟ده سؤال يتسأل؟؟رأيك أنت ايه؟؟؟

ايه الهدف من دخولنا الكافيه ؟؟؟ تيجوا نستفيد ويبقى لينا هدف؟؟؟ تيجوا نجرب؟؟؟

لماذا ؟؟؟ لماذا ؟؟؟ لماذا ؟؟؟ دائما نتساءل لماذا ؟؟؟

حاجات ماتتنسيش في 2008 . . . ؟؟؟ ونفسى اوى اعمل فى 2009 ؟؟؟

الكلمات الدلالية لهذا الموضوع

ضوابط المشاركة