ومن الحب ما يتعب القلب..

[~ man neO ~]

كلمات حالمه فى عالم الحب

المره ده غير..

المره ده فيها احساس غريب

يمكن بيوجع..لانه فعلا مبالغ فيه

مش بالمعني التقليدي كنوع من

الهزار

لا..بمعني لما يبقي الحب..بيودي للانهيار

صعبه صح؟؟بس حقيقيه

عندي مشكله بقالها فتره..اني مؤمنه بالحاجات

اللي اتعلمتها من صغري

الحب بيعمل المستحيل

اللي بيحب مينفعش يسيب حبيبه يروح منه

واني اضحي بأي حاجه عشان حد بحبه

بجد مش تهريج

انا مؤمنه بالكلام ده..وللاسف بنفذه

معنديش حدود للحب ده..مين يبدأ..مين يتكلم

الاول..مش مهم..مادام قولنا بنحب يبقي نحب اوي

نخلص اوي ف كل كلمه وكل حرف..مبالغه ف المشاعر

بس هي الاحاسيس ايه غير انك تطير معاها لسابع سما

وتنزل وياها لسابع ارض؟

احلي وقت بحبه..وانا بطلع او بنزل..بيبقي احساس

صعب اوي ..بس لذيذ

نفس احساس وانت نازل من علي زحليقه كبيره اوي زي

اللي ف اي مدينه ملاهي..الاندفاع والقوه والسرعه

والانطلاق والحريه..والخوف احيانا من المستقبل..مش

خوف من السقوط..خوف لان الاحساس ده هيخلص مع

انتهاء الزحليقه..من القمه للقاع والعكس..المتعه

هتخلص..بيشغلني حاجتين..افكر استمتع باللي بعيشه

وانفض للمستقبل..ولا ابص للمستقبل ومسيبش نفسي

لحاله حب زي الموجه بتطلع وبتنزل؟؟

اللي بقيت متأكده منه..ان الحب المبالغ فيه

بيطبق مقوله(ومن الحب ما يتعب القلب)..

شكلها غلطتي اني بصدق حاجات خياليه..او اني

خياليه زياده عن اللزوم زي ما دايما بسمع الكلمه ده

بس هو الحب حاجه بايد البني ادم؟

معرفش الناس ازاي بتحب بعقلها؟؟ غريبه اوي..يمكن

ده اسمه اقتناع..يمكن ده اللي بيدوم اكتر..

بس معتقدش انه يساوي لحظه من الحب التاني..بتاع

القلب وبس

اللي بيبقي كله احساس ومشاعر مجنونه..مش محدده

باتجاه..يمكن ده اللي يخليها تتخبط ف حاجات كتير

وعلي حسب قوتها بتستمر..

ولو كانت مش قويه..؟؟

ولو كانت من طرف واحد او حد بيحب التاني اكتر؟

ولو ..ولو ..

الحب اللي لما يختفي من حياتك بتتساوي كل حاجه ف

عينيك

بتبقي عايز تعيش من غير قلب

لانك فعلا من غير قلب..او قلبك متدمر علي اخره

عامل زي المريض اللي دخل غيبوبه مخلياه رافض كل

اشكال الحياه

بيفضّل يستمر فيها علي انه يرجع للواقع

بتاعه..الواقع المؤلم

اعتقد ف الحاله ده محدش يقدر يفوقه من الغيبوبه

<FONT size=4>&nbsp%

[آية الرحمن]

مشكورررررررررررررة على كلامك الرائع
تقبلى مرورى

[~ man neO ~]

ثانكس لمرورك الجميل
ومنورانى دايماا يارب

[بنوتة الأحلام]

انا فعلا كنت متوقعه زيك كده بالظبط الحب بيعمل المستحيل بس لما بقيت فى حاله حب حقيقيه وواجهت مشاكل كتير فيها مش هقولك تجاهلتهاا بالعكس انا
واجهتها وحاولت اقنع الى حاوليا بيها مع ان هو استسلم من اول مشكله وزى ما قلتى مش عارف يبص للمستقبل ولا يخليها للايام بس موضوعك جميل اوى

[~ man neO ~]

ثانكس لصراحتك وردك
ومنوره التوبيك
ولكى كل التوفيق والسعاده

[suzy]

لا..بمعني لما يبقي الحب..بيودي للانهيار

[بنوتة رومنسية]

كلمات معبرة جدا
تحياتي الك يامتئلق
عالتوبيك الهايل

[~ man neO ~]

ثانكس لمروركم سوزى وبنوته
ومنورينى دايماا يارب

[محمد أبراهيم]

جهد
راقى من قلم
يتقاطر شهد يتقاطر
عسل
فالصوت منه لاسماعنا
وصل
لك مني ارق وازكي تحياتي
لجمال وروعه السطور
ونقاء وصفاء تلك
الجمل
فكم يسعدني ويشرفني
آن آتواجد فى صفحاتك
لآبدى آعجابى وآزاحم
الآقلام
فالروح تتمنى كل جميل
والوصل منك دائما طيف من
احلام
ماشهدته هنا اليوم بقلمك
قدوم خير
ليبقى دوما الكلام في ميزان روعتك
لايعادله كلام
فكم تعطرت المساحات بعطر حروفك
فالأماكن بغير سطورك
اوهام
اعتزاز بك لايعادله شيئ
فكل كتاباتك هنا هى متعة لنا
تحثنا
كم يكون رائعا
الالهام