قهوتنا على الانترنت
ابحث عن :  
صفحة 1 من 2 12 الأخيرةالأخيرة
النتائج 1 إلى 10 من 12
  1. #1

    افتراضي لا ....مش عادى...!!!!!



    ليه كل حاجة مش عادى بقت عادى !!
    ليه يا شباب ليه يا بنات !!

    ليه لما نقعد مع بعض فى مكان ونتكلم فى اعراض الناس بقت عااادى مع انه مش عاادى !!
    ليه لما امشى فى الشارع والاقى شاب ولا بنت راكبين عربية ومشغلين الكاسيت على الاخر وعمالين يسقفوا ويهيصوا
    يبقى عااادى مع انه مش عااادى !!
    ليه لما اكون فى الجامعة والاقى البنات عاملين فى نفسهم البدع اللى حاطة كيلو بودرة على وشها واللى مغيره خلقتها
    واللى لابسة ضيق هيفرقع ولا حتى لا بسه حجاب على الموضة وابص .... يبقى عاادى مع انه مش عااادى !!
    ليه لما اروح مكان هادى والاقى ولد بنت ماسكين فى ايد بعضه وعمالين بيحبوا فى بعض يبقى عااادى مع انه مش عااادى !!
    ليه لما اروح عند حد والاقيه مشغل التليفزيون على فيلم ساقط ولا كليب ماجن ولما اجى اقوله مينفعش كده يقول عااادى
    مع انه مش عااادى !!
    ليه لما الاقى بنت قاعدة على كافيه وبتشرب شيشة وابصلها واقول عااادى وهو مش عااادى ابدااااا !!!
    ليه لما الاقى اب وام ماشين فى الشارع ومعاهم بناتهم لابسين لبس فاضح يكسف ........... يااااه عادى جدا
    وهو مش عاادى خاااااالص !!
    ليه لما الاقى بنت ماشية فى الشارع بعد 12 بالليل لوحدها ولو سالتها مروحتش ليه تقول عااادى لسه بدرى وهو مش عااادى
    ابدا !!!
    ليه لو اتعزمت فى فرح ولقيت العروسة بعد ما كانت محجبة قلعت حجابها أو محجبة وبترقص بحجابها وتقولها ليه؟ تقولك
    عادى ما هى ليلة العمر وهو مش عادى !!
    ليه لما تروح الفرح وتلاقى البنات كاسيات عاريات وحطين مكياج ومغرقين نفسهم برفان وتسأل ليه يقولوا عادى فرح بقى
    وهو مش عااادى !!
    ليه لما تركب وسيلة مواصلات وتلاقى الشاب قاعد والعجوز واقف والشاب ولا اكنه شايف حاجة عااادى وهو مش عاادى
    ابدا فين النخوة والرجولة !!
    ليه لما الاقى اب ولا ام هيموتوا من الحسرة لان اولادهم رموهم فى دار مسنين يقولوا عااادى اصل ولادهم مشغولين وده
    مش عاادى ابدا؟؟
    ليه لما اروح عزا وادخل اسمع القرآن الاقي الناس عمالة ترغي ومش بتنصت ليه مع انه كلام ربنا تفتكروا انه عادي
    لالالالالالا مش عادي خالص
    ليه كل ما افتح برنامج الاقيهم بيكرموا مغني او ممثل ويعمله منه نجم في حين ان ناس كتير بتتعب وتخلص في اعمالها
    ومحدش يعرف عنها حاجة .... هل ده شئ عادي لالالالالالالالالا مش عادي
    وليه وليه وليه
    لو هفضل اتكلم من هنا لبكرة مش هخلص من كلمة
    عــــــــــــــــادى
    يا ترى يا جماعة هو فعلا عاااادى !! عادى التبرج عادى السفور عادى الغيبة والنميمة والكذب عااادى عاادى سماع
    الاغانى عاادى اللبس الضيق عاادى الحب داخل الجامعات وفى الطرقات وخارجها !!
    عــــــــــــــــــــــــ ــــــــــــــــــــــادى
    يا ناااااااااااااااااااااااا ااااااااااااااااااااس
    طيب اززاى عااادى هو ده اللى امرنا به الله عزوجل ولا اللى علمهولنا النبى محمد صلى الله عليه وسلم
    هو ده اللى اتربينا عليه هو ده الاسلام والدين !!
    طيب هو ليه اللى مش عادى بقى عاادى واللى عااادى بقى مش عادى
    يعنى الملتحى الناس بتبصلهم بغرابة والشاب الفانكى الروش الناس شايفه انه عادى
    يعنى المنتقبة الملتزمة بقت متخلفة ورجعية والبنت المتبرجة بقى ده الطبيعى
    يعنى اللى بيتفرج على قنوات دينية بقى متشدد وناشف واللى بيتفرج على مسلسلات وافلام بقى روش واون لاين
    يعنى اللى ماشى مشغل الاغانى بصوت يخرم الودان هو ده اللى عايش حياته اما اللى مشغل قران فى عربيته بيزعج اللى
    حواليه ومبيعملش حسابهم
    يعنى ............ ........
    لا حول ولا قوة الا بالله
    المفروض يعنى هو ده اللى يحصل
    المفروض ده اللى بقى عااادى
    ازاى يعنى
    الدنيا بقت ماشية بالمشقلب
    الصح بقى غلط والغلط بقى صح
    !!!!!!!!!!!
    ياريت نصحح المفاهيم ونظبط علاقتنا ونتعلم ديننا ونطبق سنة حبيبنا ونمشى على الصراط المستقيم علشان نوصل لجنتنا
    ==
    مش هقلع طرحتي يوم فرحي عشان ليلة العمر... لا مش عادي
    مش هرقص في فرح بنت خالي عشان صلة الرحم... لا مش عادي
    مش هحكي لزميلي في الشغل مشاكلي العائلية.. لا مش عادي
    وكفايا بقى كلمة عادي.. لاننا متخلقناش عادي
    ولا هنقف نقول يارب... اصله كان عادي
    عادي كل البنات مصاحبين.. وانا يلا اصاحب.. لا مش عادي
    عادي كلهم مسافرين...وانا يلا اسافر.. لا مش عادي
    عادي تقصير الجوب على البووت.. عشان ابقى على الموضة.. لا مش عادي
    عادي البطلون ابو وسط ساقط ... عشان ابقى روش... لا مش عادي
    عادي اركب عربية زميلي.. مهو زي اخويا... لا مش عادي
    وعادي ابن عمي يبعت لي رسايل تهريج.. اصله زي اخويا.. لا مش عادي
    وعادي اكدب على أهلي ..مهي كدبة بيضا... لا مش عادي
    عادي اروح شغلي متاخر وازور امضتي..مهو كله عادي.. لا مش عادي
    عادى اكون محجبة واقف انشر الغسيل من غير حجاب مانا فى بيتى .. لا مش عادى
    عادى لما اخرج انا وخطيبى لوحدنا طول الليل مهو هيبقى زوجى .. لامش عادى
    عادي نحط صورنا الشخصية على الفيس بووك..عادي محنا بالحجاب -لا مش عادي
    عادي نحط صور اتنين بيحضنوا بعض .. مهي مش صورتنا لا مش عادي
    عادي نتعرف على بعض ونشات مع بعض .. مش هنقول حاجه عيب.. لا مش عادي
    عادي اكتب رقم تليفوني وبياناتي الشخصية. محدش هيعمل لي حاجه.لا مش عادي
    وكفايا عيشه عادي
    لاننا مش عايزين ينكتب على قبرنا
    "هنا كان يعيش السيد عــادي
    *¨¨*عادي بن عادي آل عادي*¨¨*




    رحمك الله ياطيف
    بعدد ماكتبتى من حروف وبعدد ما نطقتى من كلمات وبعدد من أسعدتى من بشر
    رحمك الله ياطيف
    كما أسعدتينا وكما علمتينا وكما أثريتينا و أثرتى فينا
    رحمك الله ياطيف
    رحمة تليق بعظيم كرمة وواسع رحمتة وجزيل عطائة
    رحمك الله ياطيف
    وأسكنك فسيح جناتة وغفر لكى ذلاتك وأبدل سيئاتك حسنات وجعل كل أعمالك فى ميزان حسناتك
    رحمك الله ياطيف

    البحث على جميع مواضيع العضو احمد الصباغ

  2. #2
    تاريخ التسجيل
    3 - 6 - 2009
    ساكن في
    Fi BaiTna :D
    المشاركات
    1,611
    النوع : انثيKuwait الفريق المفضل  : الاهلي

    افتراضي

    لا حــول ولا قــوة الا بالله
    !!!!!
    التعديل الأخير تم بواسطة iLWda3 ; 2 - 2 - 2010 الساعة 10:01 PM

    وداع يا احلي ليالي وداع يا احلي سنين
    وداع يا عمري الغالي وحب عمرة يومين
    وداع يا ذكرة عمري وداع مسلم أمري
    وداع وهفضل فكرة لو باقي يوم من عمري
    (T_///)

    البحث على جميع مواضيع العضو iLWda3

  3. #3

    افتراضي

    بصراحة مش لاقية رد يوفي حق حضرتك فى كل اللى قلته
    كل موقف من دول عاوز وقفة
    و يتناقش مناقشة مشددة
    ده تهاون بيسمح به الشباب لنفسهم انهم يعملوا كل حاجة
    و يقول لك اللى يسرى عليا يسرى عليهم
    ماحنا كلنا كده و جيل فاهم بعضه
    اسمح لى أشكر حضرتك جدا
    ربنا يحمى أولادنا و اخواتنا
    و يهدينا للصواب
    و يهدى الآباء اللى شايفين ولادهم بيعملوا كده و يقولوا يا عم دول شباب خليهم يعيشوا لهم يومين
    عشان ما يطلعوش معقدين
    لك كل الشكر والاحترام

  4. #4
    تاريخ التسجيل
    28 - 9 - 2008
    ساكن في
    في قلبه
    العمر
    34
    المشاركات
    13,666
    مقالات المدونة
    1
    النوع : ذكر Egypt الفريق المفضل  : الاهلي

    افتراضي

    طيب اقول انا ايه بعد الكلام اللي اتقال دا كله
    وفعلا خايف لينكتب علي قبرنا هنا توفي السيد عادي
    يبارك فيك ويجزيكي الخير يا رب
    متمتعا بدوام الصحه والعافيه

  5. #5
    تاريخ التسجيل
    8 - 11 - 2007
    ساكن في
    http://www.4quran.com/
    المشاركات
    4,853
    النوع : ذكر Egypt

    افتراضي

    السلام عليكم و رحمة الله و بركاته

    أيه دلوقتى يا عمو (عادى) و كان فى أصل(خلقته) مش عادى؟!


    تعرف عمو الموضوع قريب من حديث للرسول صلى الله عليه و سلم فيما معناه انه سيأتى زمان يصدق فيه الكاذب و يكذب فيه الصادق و يخون فيه الامين و يستأمين فيه الخائن و تنطق الروبيضه ؟ و قيل ما الروبيضه قال الرجل(التافه) يتكلم فى شئون العامة .. او كما قال


    و احنا دلوقتى مسير اغلب حياتنا(الرجل التافه) على اختلاف منصبة و حجمة فمثلا شوف التلفزيون دلوقتى أفتح كده على اى قناة وشوف مين اللى فيها و ايه بيقولوا راح تصيبك حاله من الغثيان الذى احياناً يستدعى النقل فوراً للعنايه لقرب مستشفى خصوصى(خاص يعنى) لان مش هتلاقى علاجك فى اى مستشفى حكومى حتى ولو فى البندر(المحافظة يعنى) : ((



    طبعا دى مش كل الصوره فى جانب من الصورة مضئ على كل حال و فى رأيي ان التربيه الصحيحه والعوده للدين و التوسط فيه هو الحل الوحيد


    اشكرك و بارك الله فيك

    التعديل الأخير تم بواسطة أحمد عمر ; 4 - 2 - 2010 الساعة 07:56 AM
    لكم أن تعلموا غلاء ثمن الدقيقة في رمضان ، لا تضيعوا أوقاتكم في كلام لا يفيد ، وهموم لا تنقضي ، ومشاكل لا تنقطع ، وتفكير في مستقبل لم يأت بعد
    في الدقيقة الواحدة تسبح مائة تسبيحة، وتقرأ صفحةً من المصحف، وتطالع ثلاث صفحات من كتاب، وتكتب رسالة، وتتلو سورة الإخلاص ثلاثاً.
    هكذا زن الأمور ،
    الوقت رأس مالك فلا تخاطر .



    البحث على جميع مواضيع العضو أحمد عمر

  6. #6
    تاريخ التسجيل
    8 - 11 - 2007
    ساكن في
    http://www.4quran.com/
    المشاركات
    4,853
    النوع : ذكر Egypt

    افتراضي

    شوفت اهو كلامى طالع (عادى) رغم انه (مش عادى) يعنى انا جايبه وسط و هو حادف يمين شويه : (((
    لكم أن تعلموا غلاء ثمن الدقيقة في رمضان ، لا تضيعوا أوقاتكم في كلام لا يفيد ، وهموم لا تنقضي ، ومشاكل لا تنقطع ، وتفكير في مستقبل لم يأت بعد
    في الدقيقة الواحدة تسبح مائة تسبيحة، وتقرأ صفحةً من المصحف، وتطالع ثلاث صفحات من كتاب، وتكتب رسالة، وتتلو سورة الإخلاص ثلاثاً.
    هكذا زن الأمور ،
    الوقت رأس مالك فلا تخاطر .



    البحث على جميع مواضيع العضو أحمد عمر

  7. #7
    تاريخ التسجيل
    14 - 9 - 2009
    ساكن في
    السعوديه حاليا
    العمر
    40
    المشاركات
    3,683
    مقالات المدونة
    22
    النوع : ذكر Egypt الفريق المفضل  : الاهلي

    افتراضي

    السلام عليكم ورحمة الله وبركاته
    بشكرك بجد والدي العزيز احمد الصباغ
    لانه بجد الموضوع موضوع مش عادي
    موضوع مميز جدا
    ونفسي نطبقه علي نفسينا
    لعل الله يتغمدنا في رحمته الواسع
    يوم لا ظل الا تحت عرشه

    وتقبل مني فائق الشكر والتقدير

    تقبل مروري



    لا اله الا أنت سبحانك أني كنت من الظالمين




    اللهم ارحم
    شهداء ثورة 25 يناير


    البحث على جميع مواضيع العضو هشام اللول1

  8. افتراضي

    بارك الله فيك
    الموضوع مالوش حل جميل جدا
    والكلمة واقفة قدامة عاجزة مش قادرة توصف

  9. #9

    افتراضي

    لا مش عادى
    رحمك الله ياطيف
    بعدد ماكتبتى من حروف وبعدد ما نطقتى من كلمات وبعدد من أسعدتى من بشر
    رحمك الله ياطيف
    كما أسعدتينا وكما علمتينا وكما أثريتينا و أثرتى فينا
    رحمك الله ياطيف
    رحمة تليق بعظيم كرمة وواسع رحمتة وجزيل عطائة
    رحمك الله ياطيف
    وأسكنك فسيح جناتة وغفر لكى ذلاتك وأبدل سيئاتك حسنات وجعل كل أعمالك فى ميزان حسناتك
    رحمك الله ياطيف

    البحث على جميع مواضيع العضو احمد الصباغ

  10. #10

    افتراضي

    هل هذا عادى ......لأ مش عادى
    رحمك الله ياطيف
    بعدد ماكتبتى من حروف وبعدد ما نطقتى من كلمات وبعدد من أسعدتى من بشر
    رحمك الله ياطيف
    كما أسعدتينا وكما علمتينا وكما أثريتينا و أثرتى فينا
    رحمك الله ياطيف
    رحمة تليق بعظيم كرمة وواسع رحمتة وجزيل عطائة
    رحمك الله ياطيف
    وأسكنك فسيح جناتة وغفر لكى ذلاتك وأبدل سيئاتك حسنات وجعل كل أعمالك فى ميزان حسناتك
    رحمك الله ياطيف

    البحث على جميع مواضيع العضو احمد الصباغ

 

 
صفحة 1 من 2 12 الأخيرةالأخيرة

معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 1 (0 من الأعضاء و 1 زائر)

الكلمات الدلالية لهذا الموضوع

ضوابط المشاركة

  • مش هتقدر تضيف مواضيع جديده
  • مش هتقدر ترد على المواضيع
  • مش هتقدر ترفع ملفات
  • مش هتقدر تعدل مشاركاتك
  •  
جميع الحقوق محفوظة لمنتديات مصراوي كافيه 2010 ©