يوميات رايقة وجوانى(متجدد)

[Special Girl]

طبعا شكر خاص جدا لكل المتابعين للموضوع واتمنى تكون الحلقه التانيه تكون عجبتكم زى الحلقه الاولى ونبتدى على طول الحلقة التالته :-


الحلقة التالتة

طبعا ياجماعه جوانى بعد الحلقه اللى فاتت جاله اكتئاب شديد ده طبعا بالاضافه الى جفاف شديد فى الفلوس لكنه اقنع نفسه انه مكنيش فى ايديه اى حاجه يعملها وقرر يتابع حياته ويروح شغله نزل من بيته واخد عربيته من عند الميكانيكى واتجاه الى مكتب الاستاذ عز الدين الدبابانى اللى بيشتغل عنده محامى .
جوانى دخل مكتبه ويادوب لسه هيقعد على مكتبه ويضرب كوبايه الحبر بتاعت الاصطباحه وجاله عم متولى الساعى وقال الاستاذ عايزاك فى مكتبه ياجوانى بيه جوانى قام وهو بيقول يارب خير انا معمليتش لسه اى حاجه ماهو اليوم باين من اول
دخل جوانى من الباب لقى واحده قاعده مع الاستاذ اول ما دخل التفتت راح جوانى زى الصاروخ قال : انتى رجعتى فى كلامك ولا ايه وهتخلينى اغير رايي ؟
رايقة : هو انت ادتنى فرصه اصلا يااستاذ انا يادوب بسالك الناس اللى معاك بخير سبتنى ومشيت
جوانى : انتى قولتى اوك ؟
رايقه : هو انت بتسمع كلمه واحده بس
الاستاذ عز : خير ياجماعه فى ايه ده انتم لسه مش اتعرفتو على بعض
رايقه : انا عارفاه كويس ده اللى كنت لسه بحكيلك عنه اللى خبط عربيتى وجري
الاستاذ عز : اعرفك بقا ده الاستاذ / جوانى من اشطر المحامين اللى عندى
رايقه : واضح اوى شاطر فى الزوغان
جوانى فى عقل : ياصبر ايووووووووووب
الاستاذ / عز : الانسه رايقة والدها من اكبر رجال الاعمال وكانت جايه علشان قضيه صغيره كده بتاعت ورث عن والدتها
جوانى :خير ان شاء الله
أ / عز : اتفضلى ياانسه رايقه مع الاستاذ جوانى وهو هيقوم باللازم

راح جوانى مع رايقه على مكتبه وابتدى الكلام

رايقه : القضيه بتاعتى ان والدتى الله يرحمها سابت عمارة باسمها هى واخواتها واخواتها رافضين يدونى نصيبى منها بدعوى ان ماما باعت نصيبها لكن مفيش اثبات مش عارفه اعمل ايه
جوانى : انتى ليكى اخوات
رايقه : لا
جوانى انا هحتاج منك شويه اوراق تعديهم عليه بكره علشان ابتدى اشتغل
رايقه : اوك يااستاذ جيرجاوى
جوانى : اسمى جوانى ياانسه
ومشيت رايقه على وعد انها هترجع تانى تجيب الاوراق واخدت رقم موبيل جوانى وهو اخد رقمها وعدى يومين وهى مظهريتش فقرر جوانى يتصل يسالها على الاوراق
جوانى : الو ازيك يااستاذة رايقه انا جوانى المحامى
رايقه : جيرانى المحامى مين
جوانى : ياستى جوانى بتاع قضيه عمارة والدتك
رايقه : اه اهلا خير
جوانى : فين الاوراق علشان نرفع القضيه
رايقه : نسيت الموضوع ده خالص ممكن تقبلنى وادهالك
جوانى: هستنناكى فى المكتب
رايقه : مش هقدر اجى المكتب
جوانى : اومال فين
رايقه : تعرف كلومبوس
جوانى : حد فى العالم ميعرفوش
رايقه : فى العالم
جوانى : طبعا كريستوفر كلومبوس بتاع الامريكتين
رايقه : يااستاذ كوفى شوب كلومبوس
جوانى : يعنى ايه
رايقه : ده مكان الناس بتقعد فيه
جوانى : عنوانه
رايقة: فى المهندسين
جوانى : طيب حاضر
قعد جوانى يلف على كلومبوس لحد ما لقاه دخل جوه الكوفى شوب وقعد بيص حواليه لقى ناس 90% منهم شاب صغير وبنات وقعد يقول لنفسه عايزه تقابلنى فى كازينو شكل البت اتكعبلت فيك يامعلم بس انت خليك تقيل واوعى تتدلق ولازم تبين ليها انك فيس وكريم كده قطع حبل افكاره دخول رايقه المكان
جوانى بصوت يسمع الميتين وسط المكان : انا هنا يارايقه

رايقه محرجه راحت ناحيه التربيزه وقعدت

جوانى قبل ما تفتح بقها راح مصقف كانه قاعد فى مسرح العرائس ونادى انت ياجرسون
رايقه : انت قاعد عند كبابجى ؟؟؟؟؟؟؟؟؟
جوانى : اومال هنطلب المشاريب ازاى
رايقه : تشاور بس والويتر هيجى
جوانى : ما انت مقولتيش انه بادارة صم وبكم مكنيش اعرف
رايقه : ارحمنى الاصول هنا كده

جه الويتر ومعاه المينو واد لرايقه وجوانى ومشى

جوانى بنفس الصوت : انت رايح فين انت بتوزع كتب فى اتوبيس
رايقه بصت بصه ناريه لجوانى خليته ببلع لسانه وسكت
رايقه : تشرب ايه
جوانى : لو ممكن قهوه زياده بوش
رايقه : جرب الاكسبرسو هتعجبك
جوانى : بس انا مش جعان
رايقه وخلاص هتتشل : دى قهوه برده

جوانى وهو حاسس بالغباء : اللى تشوفيه

شربو القهوه واديته الاوراق اللى طلبها وهى كانت قاعده ساكته زى ما يكون فى ميت وجوانى يخاف يتكلم احسن يعك وبعد 3 دقائق قولتله انا همشى راح جوانى رافع صباعه عالى اوى
رايقه : مالك انت عامل زى تمثال الحريه كده ليه
جوانى : بنادى الجرسون علشان ندفع الحساب
رايقه : حسبى الله ونعم الوكيل
جوانى : قرأ الشيك لاقى فيه 30 جنية فى 2 قهوه راح وشه احمر ولسه هيزعق ويقول انتم فاكرنى هندى ولا راكن الفيل بره افتكر انه قدام رايقه وشكله هيكون وحش اوى دفع الفلوس اللى معاه ونزل مع رايقه من غير ولا كلمه لكن فى عقله كان بيقول انا غلطان انى شربت حاجه معرفهاش ياخسارة فلوسك ياابن المعلم صميده عاااااااااااااااااااااااا ااااااااااااا ............... نشكوفكم الحلقة الجاية .
ويا ريت يكون فى تفاعل اكتر من كده بليز
وشكرا للمشركين معانا

[عفريت أفندى]

تسلم الأيادى يا جوجو

جميله الحلقه 3

و يلا انزلى بالحلقه 4

متعينا متعينا

ههههههههه

[Special Girl]

تسلم الأيادى يا جوجو

جميله الحلقه 3

و يلا انزلى بالحلقه 4

متعينا متعينا

ههههههههه

هههههههههههههههه
محدش بيعبرنى الا انت يا وليد
طب انا هنزل علشانك انت بس
مش مشكلة
نورت التوبيك يا مرهف

[بك أستجير فمن يجير سواك]

هههههههههههههههههه
لا بجد حلقات عسل مش جديد عليك ياقمراية
بجد انتى سكره يلا منتظارين الجديد ياجميل
دمتى متميز ومتالقة ومشرقة

[Special Girl]

الحلقة الرابعة

رايقه لما روحت بعد فضيحه كلومبوس حست انها كانت قاسيه معاه جدا وانه انسان طيب وواضح ان علاقته بالدنيا محدوده فعدت تفكر ازاى تعتذر عن طريقتها معاه بس من غير ما تقول انا اسفه فقررت تتصل بيه
رايقه : صباح الخير يااستاذ جرجاوى
جوانى : ياستى جوانى ده سهل اوى
رايقه : معاليش ياسيدى المهم انت اخبارك ايه
جوانى : الحمد الله وكويس انك اتصلتى انا كنت لسه هتصل بيكى علشان تيجى معايا الشهر العقاري بكرة علشان تعمللى توكيل علشان نبدا فى اجراءات القضيه
رايقة : اوك الساعه كام ؟
جوانى : الساعه 9 الصبح علشان عندى قضيه الساعه 10.30 يادوب الحقها
رايقه : نتقابل عند الشهر العقاري الساعه 9
رايقه طبعا معجزه انها تصحى بدرى كده بس محبتش تعمل مشاكل تانيه مع جوانى واتقبلو عن الشهر العقارى
رايقه : good morning ( صباح الخير )
جوانى : بصلها شويه وحاول ميبنش انه مش فاهم وقالها طبعا انا على طول مواعيدى مظبوطه صباح الخير
رايقه : يلا بينا
دخل رايقه وجوانى على المكتب وخلصو التوكيل
جوانى : انا هسيبك بقا علشان الحق المحمكه
رايقه : ينفع اجى معاك وبعد المحكمه اعزمك على الفطار
جوانى : هو النهارده صيام انا معرفيش وبعدين احنا فين والمغرب فين
رايقه : ياسيدى الفطار اللى الناس بتاكله الصبح
جوانى : قصدك الفطور
رايقه : هتفرق يعنى
جوانى : طبعا وعلى العموم انا اللى عزمك على فطور عمرك ما هتنسيه ابدا ?
اتجه رايقه وجوانى للمحكمه وقعدت رايقه فى القاعه وكان فى زحمه جامده جدا ودخل الحاجب وقال : محكمه
كل الناس سكتت وقامت وقفت ورايقه قعدة تتفرج زى ما تكون فى السينما
جوانى غمسها انها تقف فوقت وسالت جوانى
رايقة : هى الناس واقفت لما الراجل زاعق ليه هما خايفين ولا ايه ؟
جوانى : لا ياستى بعدين افهمك اسكتى دلوقتى
رايقه : اوك
الحاجب : قضيه رقم 1 الاستاذ حمدى مسعود ضد السيدة : عليه السيد
القاضى : الدفاع
جوانى : جوانى صميده حاضر عن المدعيه عليه السيد
القاضى : اتفضل يااستاذ
جوانى : ياسيادة القاضى احنا بنطلب الطلاق لان بشهادة الشهود ان الزوج رغم مكانته العلميه الا انه يضرب زوجته باستمرار
رايقه زى الصاروخ : انا لازم تعدمه يامستر ده مش تصرف جنتل مان انه يضرب مراته
القاضى : انتى مين ؟
رايقه بكل براءة وثقة : انا رايقه جايه هنا اتفرج
القاضى : هو انتى جايه المسرح ولا السينما اطلعى بره
رايقه : بس انا معمليتش حاجه
القاضى : هتطلعى بره ولا احبسك
رايقه قامت من مكانها ناحيه الباب وهى بتبص لجوانى وهو لا كانه شافها قبل كده
بعد 10 دقائق خرج جوانى من قاعه المحكمه وراح لرايقه لقها قاعده وبتقوله
رايقه : انت ازاى تسيب القاضى يخرجنى وانا بتفرج انت لازم تحبسه
جوانى : على اساس انى وزير ولا ظابط وبعدين احمدى ربنا انه خرجك بره محبسكيش
رايقه : يلا بينا على on the run to have breakfast?
جوانى : عموما فى صيدليه قريبه من هنا نعدى نجبلك اللى قولتى عليه ده ونروح نفطر معاكى الروشته علشان انا محفظتيش اسمه
رايقه بنفاذ صبر : ده مش دواء ده اسم مكان نفطر فين
جوانى : احنا اتفقنا انى انا اللى هفطرك
وانطلق جوانى بعربيته هو ورايقه الى السيدة زينب وجنب اشهر عربيه فول هناك وقف
رايقه : انت رايح فين
جوانى : اصبرى على رزقك
رجع جوانى ومعاك صنيه عليها طبقين فول وبيض مسلوق وبتجان مقلى و10 ارغفه عيش وطبعا البصل
رايقه : انا مستحيل اكل الاكل ده
جوانى : براحتك انا جعان ولسه هيضرب اول لقمه
رايقة : انا عايزه عصير اى حاجه canned
جوانى : يعنى ايه ??
رايقه : يعنى عصير متعرفيش العصير
نزل جوانى ورجع معاه كيس بلاستيك فيه عصير قصب وفيه شلموه
رايقه : ده ايه ده
جوانى : ده عصير قصب بالهنا والشفاء
رايقة فتحت باب العربيه ووقفت تاكسى وسابت جوانى واقف ماسك كيس العصير ومش فاهم ولا عارف هو عمل ايه زعلها كده .......................... نشوفكم الحلقة الجاية

[عفريت أفندى]

هههههههههههههههه

و ربنا حلقه جااااااااااااامده موووووووووووووت

انا مش قادر امسك نفسى م الضحك

هههههههههههههههه

هوووووووووووووووووووووووو ووه

هىىىىىىىىىىىىىىىىىىىىىىىى ىىىىىىه

هوه هو هو هو هوه هوه

هههههههههههههههههاااااااا اااااااااااااااااى

تسلم الأيادى يا جوجو

حلقه تحفه

و جوانى متحف بحالو

تحياااااااااااااااااتى يا جوجو

[Special Girl]

هههههههههههههههه

و ربنا حلقه جااااااااااااامده موووووووووووووت

انا مش قادر امسك نفسى م الضحك

هههههههههههههههه

هوووووووووووووووووووووووو ووه

هىىىىىىىىىىىىىىىىىىىىىىىى ىىىىىىه

هوه هو هو هو هوه هوه

هههههههههههههههههاااااااا اااااااااااااااااى

تسلم الأيادى يا جوجو

حلقه تحفه

و جوانى متحف بحالو

تحياااااااااااااااااتى يا جوجو

ههههههههههههههههه
والله انا فرحانا انك متبعنى وهمك الموضوع اوى كده
نورت التوبيك يا وليد
وان شاء الله بكرة انزل الحلقة الخامسة
وتبعنى بقى اوك
نورت التوبيك يا مرهف

[~ man neO ~]

ههههههههههههههههههههههههه
لا كامده يومياتك يا حكه
كده انتى بتخلينا نغير ونعمل يوميات
احنا كومان
واحنا قدها وقدود
هههههههههههههههههههه

[hero]

متابع ها الحلقه فين يلا بسرعه
مستنى اهوه يلا بئه انا مالى كملى
بجد روعه تسلمى منتظرك ها اصل احبسك فى المفتش هيرو
منوره

[Special Girl]

ههههههههههههههههههههههههه
لا كامده يومياتك يا حكه
كده انتى بتخلينا نغير ونعمل يوميات
احنا كومان
واحنا قدها وقدود
هههههههههههههههههههه

لا لا لا مش تقدر تعمل يوميات ذى دى كفاية عليك بس المسرحية
هههههههههههههه
تسلملى ونورت التوبيك
ويا رب يكون عجبك يا حك