رد مع اقتباستسلمى ياقمر والف شكرا على الضحك الا بسبب
الحلقات السكر بتاعتك دى وربنا يسلم ايدك ياحته سكره
بجد بجد انتى سكر ربنا يحفظك ويبارك فيك ياقمر
ربنا يسعد قلبك ويحلى ايامك
دمتى بحفظ الرحمن
قهوتنا على الانترنت
الحلقة العاشرة
فرايديز
هو الدنيا ملطشه معاك ليه ياجوانى ولا انا اللى فجاة الدنيا بقيت غريبه عليه او يمكن اول مرة احب ؟ طيب لو انا حبيت اخد اقصر طريق لقلبها بدل ما انا بقالى 6 شهور مش عارف اقولها بحبك ادخل البيت من بابه بس اخطبها ازاى وانا معرفيش اذا كانت موافقة ولا لا ؟ يادى الحيرة كل الكلام ده دار فى عقل جوانى وهو قاعد فى اوضته ولاول مرة فى حياته يحس انه مش عارف يتصرف او يعمل حاجه على راي اسماعيل ياسين الحب بهدله؟وسط ده كله
( لكن انت ياعمرى غير طبعا ياحياتى غير ) دى رنه تليفون جوانى وطبعا مين المتصل رايقه حلم العمر جوانى قعد يفكر اول مرة تتصل بيه من يوم موقعه القناطر من اكتر من اسبوع ياترى خير حسم امره ورد على الموبيل بكل هدوء .
جوانى : الو
رايقة : good evening
جوانى : لا ابدا انا كنت صاحى
رايقة : انا بقولك مساء الخير ياجوانى
جوانى : يسعد مساكى
رايقة : ازيك اخبارك ايه ؟
جوانى : بخير طول مانتى بخير
رايقة : اعتقد اننا محتاجين نتكلم مع بعض شويه
جوانى ( بفرحة ): ياريت
رايقة : بس بعد اذنك انا اللى هختار المكان
جوانى : ومالة معنديش مانع اى مكان معاكى جنة
رايقة : تعرف فرايديز ؟
جوانى فرح جدا انه عرف الكلمه دى لان اخته كل شويه تقوله فرايدى يعنى يوم الجمعه
جوانى : لسه هستنى ليوم الجمعه النهارده لسه الاتنين
رايقة بنفاذ صبر : ياجوانى فرايديز ده مطعم على النيل فى الجيزة
جوانى بكسوف : حاضر هسال عليه
رايقة : نتقابل هناك الساعه 8 بالليل بكرة كويس
جوانى : كويس جدا
رايقة : see you
جوانى : الله يسلمك
جوانى بعد ما قفل طبعا كان هطير من الفرحه فرصة وقعت من السما مش لازم يضيعها لازم ياخد منها ميعاد بكرة علشان يخطبها مش هيستنى اكتر من كده ولازم كمان يغير من نفسه مش هيلبس البدله الكحلى تانى لانها نحس جوانى قبل الميعاد بساعه حلق دقنه ولبس الحته الكلاسيك قميص شيك وبنطلون اسود والبرفان عريس ليله دخلته قرب على المكان لقى المكان فاضى ورايقة واقفه مستنياه قمر منوركالعادة بس باين فى حد بيعاكسها
جوانى جرى
جوانى : فى حاجه يااستاذ
الشاب : شىء ميخصكيش
جوانى : انت قليل الادب
الشاب: انت بتقول ايهطاااااااااااااااااااااااا ااخ
جوانى : لالالالالالا وشى تانى حرااااااااااااااااااااااا ااااااااااااام
جوانى صحى من النوم مفزوع هو فى ايه حتى الحلم مليش حظ فيه انا وشى ورم من الضرب مش هضرب تانى دى كوابيس اهدى ياجوانى
جوانى صحى من النوم وهو مش متفاؤل خالص والحلم مسيطر عليه طول النهار ولحد لما جه الميعاد ظبت نفسه وحلق دقنه وحاول قدر الامكان يطرد الحلم ده من دماغة ووصل المكان قبل رايقة وفضل واقف مستنى لحد ما القمر ظهر رايقة فى فستان رقيق ابيض زادها نور وجمال ليك حق ياجوانى قلبك يتعلق بالقمر
جوانى : عارفه انتى زى الجبنه القديمه كل يوم تحلو
رايقة بابتسامه : جبنه قديمه متشكرة ياسيدى يلا بينا
دخلو المكان وجوانى اتنفس من قلبه الحمد الله مفيش حد ضربة واختارت رايقة ترابيزه على النيل من خلال شباك زجاجى وابتدى الكلام
جوانى : الجميل يشرب ايه
رايقة : عصير مانجا
الحمد الله الويتر جه بسرعه ومن نفسه واخد طلباتهم
جوانى : اولا بعتذر على مجموع المواقف اللى اتعملت فى الفترة اللى فاتت صدقينى انا بحاول اسعدك وبحاول اخلق اى فرصة اتكلم فيها معاكى بس مكنيش فى نصيب للكلام شوفى يابنت الناس انا معجب بيكى جدا ومش هكدب عليكى حبيتك من اول يوم شوفتك فيه حسيت معاكى بحاجات كتير حلوه بصرف النظر عن الضرب اللى انا اكلته .
رايقة ابتسمت بهدوء ابتسامه زودت وشها نور وجمال
جوانى : وعلشان كده احب اعرف رايك علشان الكلام يكون فى الاتجاه الصح
رايقة وشها احمر جدا من الخجل بس استجمعت شجاعتها وقالت
رايقة : احم انا مش عارفه ااقول ايه بعد كلامك ده بس انا كمان فى حاجه جوايا ناحيتك بس مش قادرة احددها يمكن انت حد اول مرة اقابله فى حياتى حياتك وتصرفاتك غير اى حد شوفته حقيقي مش عارفة .
جوانى : افهم من كلامك انك موافقة مبدائيا على الأرتباط بيا
رايقة : ارتباط ؟؟؟؟؟؟؟؟؟؟
جوانى : طبعا لازم كل حاجه تبقى فى النور
رايقة : مش شايف انك متسرع شويه فى موضوع الارتباط ده ؟
جوانى : رايقة انا عايز الحق افرح معاكى انتى كل دنيتى دلوقتى انا كنت حاسس انى هموت قبل ما اقولك بحبك
رايقة بلهفه : متقوليش كده كلها مواقف صغيرة
جوانى : انا مستعد اموت بس اسمع منك كلمه حلوة انتى غاليه عندى اوى
رايقة : انا من رايي تيجى الفيلا عندنا تتعرف على بابا وتتكلمو سوا
جوانى : موافق حددى ميعاد وقوليلى
رايقة : اول يلا بينا احسن انا اتاخرت
جوانى طلب الحساب هو اه دفع 50 جنيه بس كان مبسوط اوى اخيرا قالها بحبك وهو كمان بتحبه يافرحه قلبك ياجوانى
جوانى : انتى راكنه عربيتك فين
رايقة : قدام شويه
جوانى : ممكن اوصلك لحد العربيه لو مش يضايقك
رايقة : ابدا خالص
وهما ماشين وفجاه واحد عدى بسرعه خطفت شنطه رايقة رايقة صرخت حرامى ىىىىىىىىىى ودى كانت كفايا انى جوانى ينطلق وراء الحرامى
جوانى : ايه ياعم براحه شويه انت بتجرى الاولمبيات انا كده هيجيلى القلب
الحرامى فضل يجرى لحد ما جوانى كان هيموت ووضع جوانى صعب على واحد فى الشارع شنكل الحرامى ةوقع الحرامى على الارض وجوانى هجم عليه ومسكه بيقوله
جوانى : يعنى انت مش لقى غير النهارده ده انا مصدقت يوم يعدى كويس انت ايه موصفلى
الحرامى : ابوس ايديك يابيه
جوانى : تبوس ايدي ده انت كنت هتجبلى القلب من كتر الجرى ده انا هموتك بس اخد نفسى بس .
فى اللحظه دى وصلت رايقة ومعاه الظابط
الظابط : سيبه يااستاذ احنا هناخده
جوانى : مش هسيبه انا لازم اموته
الظابط : خلاص يااستاذ هدى نفسك
جوانى ساب الحرامى على عينه كان عايز يضربه كان نفسه رايقة تشوفه وهو بيضرب الحرامى بدل ما كل مرة يضرب بس حتى دى ملوش حظ فيها
جوانى بص لرايقة : محديش يقدر ياخد حاجه من جوانى ابن صميده اتضفلى ياقمر مصر والدنيا كلها
رايقة : مرسى ياحبيبي .............................. نشوفكم الحلقة الجاية
مشرفه ركن الترحيب والمناسبات
تسلمى ياقمر والف شكرا على الضحك الا بسبب
الحلقات السكر بتاعتك دى وربنا يسلم ايدك ياحته سكره
بجد بجد انتى سكر ربنا يحفظك ويبارك فيك ياقمر
ربنا يسعد قلبك ويحلى ايامك
دمتى بحفظ الرحمن
ربنا يخليكى يا ريم يا قمرالمشاركة الأصلية كتبت بواسطة الارض
والله محتاجة دعواتك الجميلة دى
نورتى التوبيك يا حبيبتى
مؤسسي مصراوي كافيه
رائعه الحلقه يا جوجو
ويلا وريناا الباقى
ومتغيبيش عننا بلحلقات
لا ان شاء الله مش هغيب تانى
نورت التوبيك يا محمود والله
ويا رب الحلقة تكون عجبتك
وتبعنى يا حك
الحلقة الحادية عشرة
الزيارة
جوانى بصرف النظر عن موضوع الحرامى جوانى كان هيطير من الفرح علشان اخيرا قال لرايقة انه بيحبها وكمان ايه هيقابل الحج ابو رايقة ويتكلم معاه ويخطبها ويتجوزها امك دعيالك ياجوانى هتتجوز القمر
ام جوانى : جووووووووووووووووووووانى ياجوانى
جوانى : ايوه ياامى جاى اهو
ام جوانى : نويت على ايه ياولدى مع الست رايقة
جوانى : ان شاء الله اروح اقابل ابوها قريب
ام جوانى بستغراب : ليه يابنى مقولتليش علشان اعمل حسابي
جوانى : تعملى حسابك على ايه
ام جوانى : علشان نرتب زيارة حلوة ليهم
جوانى على طول افتكر اخر عروسه مشفهاش والحج ابو جوانى واللى عمله
جوانى : لا ياحاجه ابوس ايدك
ام جوانى : لا ايه ياولدى انت مستعر من اهلك ولا ايه
جوانى بارتباك : لا ياحاجه انا مقدريش اقول كده بس الناس دول عوايدهم غيرنا
ام جوانى بعدم اقتناع : اللى تشوفه يابنى
جوانى قلق من عدم اتصال رايقة بيه لمدة يومين بعد اخر مقابلة بينهم وقرر يتصل هو
جوانى : صباح الفل على قمر حياتى
رايقة بخجل : صباح النور ياجوانى
جوانى : ايه ياجميل كده برده تحرمنى من اخبارك
رايقة : sorry my dad was outboard so I couldnot tell him any thing
جوانى بعدم فهم : يعنى كنتى تعبانه ولا مين عيان عندكم
رايقة : ههههههههههههههههههههههههه ههههههههههه
جوانى : يابوى على ضحكت القمر بتنور سلك التلقيون وانا بتكهرب
رايقة : انا كلمت بابا ووافق يقابلك بكرة الساعه 7 بالليل اوعى تتأخر اصل بابا بيضايق موت من التأخير
جوانى : ده انا هنام على باب البيت من قبله بيوم
رايقة : عارف العنوان
جوانى : طبعا انتى ناسيه انى المحامى بتاعك ومعايا كل بيانتك
رايقة : اوك see you soon
جوانى : خلاص مش هتتاخر soon
والله ياواد ياجوانى وعرفت لغات والواحد بيتعلم soon دى يعنى مش تتأخر ده انا مفيش أذكى منى .
وراح جوانى الشغل وهو عمال يفكر فى هيعمل ايه وياترى ابوها هيقابله ازاى وهيوافق ولا لا وقطع حبل افكاره ايهاب وهو بيقوله
ايهاب : ايه رايك بقا ؟
جوانى بارتباك : كويس ماشى
ايهاب بمكر : هو ايه اللى ماشى انت مش معايا خالص يامعلم
جوانى حكى لايهاب كل التطورات وايهاب بيسمعه لحد ما خلص كلام
ايهاب : طبعا انت عارف انك هتروح لوحدك
جوانى : اه عارف
ايهاب : وهتاخد ايه معاك
جوانى : والله ماانا عارف ممكن فاكهه او شيكولاته ولا انت ايه رايه
ايهاب : فاكهه ايه انت رايح لواحد مريض بما ان رايقه واهلها ناس شيك خد ورد يكون شيك كده معاك وخليك راسى كده ورد على اد السؤال علشان الموضوع ميتعقديتش
جوانى : يامقرب البعيد يارب
جوانى روح البيت وقرر ينام بدرى لانه طول ماهو صاحى بيفكر هيعمل ايه ونام جوانى من كتر التفكير
استعد جوانى للقاء الحاسم وبدله جديده وجاب ورد شيك زى ما ايهاب قاله وخبط على الباب فتحاله شاب طويل وعريض جوانى بص للشاب
جوانى : انا شوفتك فين قبل كده
الشاب : انا اللى ضربتك فى السينما
جوانى : نعم وايه اللى جابك هنا
الشاب بابتسامه : علشان اضربك تانى اصل انا بتكيف من ضربك طااااااااااااااااااااخ ايه هو مفيش حد غيري هنا بيضرب ولا ايه
الشاب : اه انت لقطه ووشك بيساعد على الضرب طااااااااااااااااااااخ
جوانى ايييييييييييييييييييييييي ييييييييييييييييييي الحقنى ياررررررررررررررررررررايق ة
وصحى جوانى من النوم وهو بينادى على رايقة لما صحى الجيران كان حلم لا ده كابوس جوانى معرفيش ينام تانى وحتى الشغل مقدريش يروحه كل تركيزه كن فى المقابلة يلترى ايه هيحصل ؟ استعد جوانى للمقابة بالورد والبدله الشيك والبرفان الرهيب ووصل للفيلا فى 6 اكتوبر وهى فيلا كبيرة ليها باب حديد وحديقة واسعه جوانى وصل إلى باب الفيلا لقاه مفتوح حاول يدور على البواب او اى بنى ادم مفيش حد قرر بقا يدخل لوحده هيحصل ايه يعنى ومشى فى جنينه الفيلا شويه وفجاااااااااااااااااااااا ااااااه ........................................... نشوفكم الحلقة الجاية
نجم مصراوي
مرسي اووى
ويا رب تكون عجبتك الحلقة
نورت
مصراوي مفيش منه
تسلمى يـــــــــــا جميل على الضخك
بجد القصه فظيعه بس ليه مكملتــــــــــهاش انا
مستنيــــا الباقى تحيـــــــــــاتى ليكى
موضوع يستحق التقـــــــيم
TOTA
انا عايزة قلبى يعيش وحيد حابة انى افضل من بعيد مش عايزه اعيش مع ناس بتخدع بعضهالوحدى فى حضنى احسن مستحيل فى حد يحضن عمرى ما مشي سكة ليا منورةالبحث على جميع مواضيع العضو modela
ربنا يخليكى يا توتا يا رب
ايه ده كله معقول
مش مصدقة انها عجبتك والله
وان شاء الله اكلم معاكم الحلقات
نورتى التوبيك والله
الذين يشاهدون الموضوع الآن: 1 (0 من الأعضاء و 1 زائر)
ضوابط المشاركة
