انتهى زمن الحب خلاص

[بنوتة الأحلام]

زمن الحب انتهى



زمن الحب انتهي
واسألوا كل عاشق
اسألوه ليه سيبتها
ومين اللي قال نفارق
دة هو دة الزمن اللي فيه
الحب اللي بيتباع
واللي اسهل حاجة فيه
قولة كلمة وداع
...........
بقي صعب تلاقي قلب
يخاف عليك مايكونش خانك
وماتصدقش حبيب يقولك
ابيع الدنيا عشانك
دة مابيبعش الا انت
مايهمهوش مصيرك
وتبقي انت وضميرك
عايش مع الاوجاع
ودة هو دة الزمن اللي فيه
الحب اللي بيتباع
واللي اسهل حاجة فيه
قولة كلمة وداع.........
مجروح ياقلبي فاتوك حبايبي
باعوك وغدروا بيك
ولا افتكروك ييجوا يزوروك
ولا سألوا حتي عليك
وانت اللي رضيت تكون
عاشق لحبيب يخون
وادي اخرة الجنون
ماشي فى سكة ضياع
ودة هو دة الزمن اللي فيه
الحب اللي بيتباع
واللي اسهل حاجة فيه
قولة كلمة وداع




................
زيك كتير قبلتهم
وعشت ياما فى حبهم
وقلبى ياما اشتقلهم
غدرو وخانو زيك تمام
باعو الهوى وباعو الغرام
وانتى كمان زيهم
ويمكن اكتر منهم
زيك كتير قبلتهم
وعشت ياما فى حبهم
وقلبى ياما اشتقلهم
ازاى كده وليه كده
معقوله فى حد كده
يجرح يخون ويبع قلوب بالشكل ده
ماهى مش غريبه ودى الحقيقه
انك تمام زيهم
زيك كتير قبلتهم
وعشت ياما فى حبهم
وقلبى ياما اشتقلهم




اعترف قولى الحقيقه قولى ليه قلبك خدعنى
ايوا فيه مليون طريقة تقدر بيها تودعنى

كنت قولى اى حاجه اى كلمة اى حل
كنت فهمنى ايه الحكاية او عاتبنى عالأقل
انت ليه اختارت جرحى و انت عارف انه سهل

كنت قولى انا مش هكمل و اعتذر من غير خداع
كنت كلمنى بصراحه حتى لو هتقول كلمه وداع
قلبك إستسهل عذابى لما سابنى وراح و باع

مش حرام تجرح حبيبك اللى داب طول عمرة فيك
الندم مش راح يفيدك عمرى تانى ما هبقى ليك

ايوا كان ممكن اسامحك لو وداعنا كان قَدَر
مستحيل نرجع حبايب كل شئ بينا انكسر
قلبى تاه منى فى غرامك عمرى عدى معاك هدر





اذا شعرت يوما انك يا قلبى حزين
واذا اعتدت ان تسمع منى الانين
الما وحزنا من جحود الاخرين
ويقينا منك انهم بجرحك عالمين
فلتبكى يا قلبى

واذا ذقت يا قلبى من غدر الزمان
وقيد خيالك ولم يترك له العنان
وملاتك الدنيا بكل ما فيها من احزان
فاتعبك الحزن وافتقدت الامان
فلتبكى يا قلبى

واذا رايت يا قلبى كره من حولك
وتركك الجميع ولم يسمع احد قوللك
ونسيت هذا وسامحت من ظلمك
فعاد ليؤلمك ويزيد من المك
فلتبكى يا قلبى

ابكى يا قلبى ولا يراك الاخرون
فبكاءك يعذبك وينعم به الحاقدون
ياليت عينى التى تبكى ولكنه قلبى المطعون





رافض أكون
أبقى ورقة فى كتاب مركون
لأ يا أول حب لية
قلبي مش هايكون ضحية
للخداع والغدر بيا
متبعديش وتقربي متحبنيش وتهربي
لية تقولى للفرحة لأ دا انتى ليكي عليها حق
قولى حلمك أغلى لية مالحب عندك
ولا حبي خلاص مالوش مكان فى قلبك
والا انتى بس غاوية المعاندة
الحلم دا حلمنا والحب دا من حقنا
لوتبيعي الحب مرة
يبقي خسارة فيكي كلمة وداع
أصل مش هاتحبي نفسك وأرضي وأسكت عالخداع
صدقيني هاتخسريني هاتخسري لو حتى قلب
قلبي مايهموش دموعك قلبي مايهموش رجوعك
العتاب مبقاش يفيد أصلى هبدأ من جديد
وإنتى باردوا حبي غيري وإسعدية
بس إوعاكى تخدعية زى ماكنتى بتخدعيني
بس شوفى لما أقولك وإسمعيني
إنتى باردوا هاتخسريني
أصل حبي حب صادق مش كلام
حب بيخفف جراح حب بيزيل الألام
بكرة الأيام هاتوريكي كنت انا ليكي أوفَى حبي ليكى

[ابو تريكه]

ايه يابنتى النظاره السوده دى

اسف مش بعرف اسمك علشان اكلمك بيه

هشت لك الدنيا فما لك واجما *** وتبسمت فعلام لا تتبسم
ان كنت مكتئب لعز قد مضى *** هيهات يرجعه اليك تندم
او كنت تشفق من حلول مصيبه *** هيهات يمنع ان تحل تجهم
ا

لازم تتفائلى شويه وربنا يوفقك ويسعدك

[بنوتة الأحلام]

ماشي يا ابو تريكه ممكن تقولولى يا نونا

[ابو تريكه]

ميرسى يا نونا ع الرد

بس انتى فعلا لو ف ازمه عاطفيه حاولى تعديها

ولو مفيش ازمه يبقى احسن

بتمنى لكى التوفيق

[رامي&كوكا]

المشكله عندك او عندي اننا بنحب بس مابنتحبش ياخساره علي الزمن الجميل

[بنوتة الأحلام]

اكيد يا ابو تريكا هحاول اعديها

عندك حق يا رامى بس ممكن بنتحب وبنحب بس كل الى حوالينا رافضين الحب ده

[suzy]

زمن الحب انتهي
واسألوا كل عاشق
اسألوه ليه سيبتها
ومين اللي قال نفارق
دة هو دة الزمن اللي فيه
الحب اللي بيتباع
واللي اسهل حاجة فيه
قولة كلمة وداع

[بنوتة الأحلام]

شكرا على تفاعلك يا سوزى

[صمت الحب]

تسلمى توبيك جامد اوى

[بنوتة الأحلام]

شكرا على المرور الجامد دا