الدنيا زي ورق الكوتشينة

[ميره]

الدنيا دى زى الكتشينه انا بلعب وانتى بتلعبى وكلنا بنلعب .. علشان لازم
الكل يلعب .. بس فى الى بيلعب صح وفى الى بيغش وفى الى بيكدب وفى الى بيخدع وفيها كل حاجه وتعالو بينا نقرا الموضوع ونفهم ...والى بيخسر بيطلع







ده بقه الشديد ... مهنته فى حياته (الجوكر) وهوة فعلا جوكر شاب روش ستايل فعلن كفائه فى كل حاجه الشايب يعملو حساب والولد بيفتحلو بابه والسبعه يسبتهم بطريقتو والبت تموت فى دباديبو ولتنين يجمعهم بحركاتو ولربعه بنفيهم فى مهاراتو .... اصلو من الأخر جوكر يا ناس .....:







وده (الولد) عايش حياته بالطول والعرض فاكر نفسو روش ومحدش قدو.. حد يقولو انى الحياه على القد ساب صحابو ومقضيها بالطول والعرض نازل واكل طالع واكل ماهو هوة ده الولد اللى بيقش






ودى بقه (البنت) بس يا ترى مكسوره ولا حزينه ملامحه حلوة مرسومه بس يا ترى ايه الى فى ضهر الورقه اقلب وهتشوف الحقيقه ماهى دى حياتنا تشوف الشكل والرك على الأصل ..






وده (الشايب) راجل كبير كبر فى سنه بس لسه اصيل دماغه كبيره وحياته اصيله عايز يمشى رأيو بس يا خساره مفيش حد سمعو .. كلو بيقول ده (كبر وخرف)......






وده كارت (العشره) اكبر عدد شباب فارد نفسو عصابه اجراميه من نوع خطير الله يسامحو ويكرم اصلو (التلفزيون ) علم الناس الأجرام ودى النتيجه وف ورق الكوتشينه انحصرو وبقو 10 واخدينها غصب مبدأهم الكتره تغلب الشجاعه معندهمش صبر بس دور على الأصل هتلاقى شباب طيب والزمن لعب معاهم ماهو الزمن كده بيغير .... لو شاب كويس بيتغير كان شاب وحش برضو بيتغير ماهو ده القانون الزمنى واحنا عارفينو





وده كارت ال(9)الأصل كان عشرة بس نقصو واحد ... الزمن لسه بيلعب ... عاشو فى احزان كانو شايفين حياتهم بالأوان .... قررو يتغيرو الى اتعدل والى اشتغل والى سافر والى فضل زى ما هوة لسه فاكر حياته حلوة والشيطان لسه راكبو .... للأسف طلع كارت خسران






وده (التمانيه) : جروب جميل الأصل متفرقين بس على النت متجمعين ... واحد بيبحب التانيه والتانيه بتحب التالت والتالت اخو الأول والرابع مقضيها والخامسه صاحبتها السادسه والسادسه حذينه ومكسوره عايشا فى حياتها ومجروحه عايشه فى الماضى ومقهورة والسابعه يعينى عليها حادسه صغيره جات فى رجليها بس عايشه سعيده وفرحانه ماهو ربنا هوة الشافى والتامنه مغرورة شايفه الناس عن طريق الصوره حلوة وشقيه ..... بس فى الأصل مغرورة






ودول بقه ولاد الشايب ( 7 ) وكل واحد فى وادى .. لا هما فاهمينو ولا هوة فهمهم بس فى الأول وفى الأخر كلهم فى ورقه واحده ودى حلاوتهم ......






ودول( 6 )جعانين اطفال مساكين عاشو فى ورقه واحده .. بس الأصل ركن وواحد المسكن فى الشارع والملبس عريانين .. اكلهم من اى حته شربهم ميه النيل احلامهم مش موجوده احذانهم دايما موجوده






دول (5 )أصحاب برضو بس الكارت بيوضح انى هما اربعه وواحد. منقدرش نقول عليهم 5 علشان اربعه مع بعض وواحد لوحدو موجود معاهم عايش معاهم ياكل معاهم يشرب معاهم ... نفسو يموت معاهم بس للأسف ... برضو كارت خسران مش بيعرف يكسب ... خسر الكارت بسبب خيانه... الواحد خان الأربعه والأربعه أتفقو على الواحد بس يا ترى مين السبب الأربعه ولا الواحد






ودول (كارت اربعه) صحاب الصداقه بتجمعهم والدماغ بتفرقهم كل واحد فى وادى الى بيفكر فى البت ... والى بيفكر فى يبقى زى الواد ويقش ... والى الشايب كان ابوة ... والى حاقد على صحابو....






ودى (التلاته) فى الكارت مثلث برموده مرسوم بطريقه هندسيه ولا حد يقدر يرافقهم ولا حد يقدر يفرقهم علشان ربنا هوة الحارسهم ... المهنه شباب جامده والنشاط رياضه مهمه .. واحد بيحب التانى والتانى بيحب التالت والأول بيحب التانىوالتالت وفى الأول والأخر ايمانهم هوة الى جامعهم .





وادى كارت (اتنين) انتيم اتفقو على الحلوة والمره اتعاهدو
جات البت فرقت بينهم لعبت فى دماغ الجامد منهم ... قالتلو خليك روش خليك شديد وكبر دماغك ده انا اولا من صاحبك الواد فرح البت حلوة ومشى فى سكتو ... بس يا خساره مشى فى طريق كلو ندم وجرح كبير ... والتانى عاش على جراحه وشرب كاس عملهولو صاحبه وداقه والبت فرحانه بس فى الأخر خسرانه .....







وادى كارت (واحد) واسمو وحيد سمى نفسو ساعت العيد عيد لوحدو وملقاش الى جنبو فا قرر يبقى اسمو وحيد شاب مكافح اصلو مالوش فى التهيس البت جاتلو قالها لا انا ولد ولا بعرف اقش ولا انا جوكر بسبت واعمل حركات ولا ليه فى البهلوانات انا راضى ربى وساكت وحلمى اعيش مبسوط .....








يا ترى ممكن تكون هيه دى دنيتنا بجد فيها الولد الى بيقش والجوكر الى الكل بيحترمو ... والبنت الى ممكن تكون شكلها غير حقيقتها .. والعصابه المكونه من 10 والشايب الى محدش سامعو علشان كبر وخرف والوحيد والتلاته وغيرو... وغيرو ... وغيرو
ولو ده صح انت مين فيهم ونفسك مين ونفسك تكون مش مين ونفسك لو تلعب تلعب صح ولا همك تكسب وخلاص ...

[احمد حمدان]

مش لاقى كلام اقولة بس تحفة دة موضوع يستحق التسبيت والمناقشة
موضوع جامد نايس توبيك انا بقا ولا واحد من دول انا عايش بعيد عن الكل شبة الواحد بس مش واحد من الواد والواحد تجمعيهم مع بعض يطلع انا

[~ man neO ~]

ودى (التلاته) فى الكارت مثلث برموده مرسوم بطريقه هندسيه ولا حد يقدر يرافقهم ولا حد يقدر يفرقهم علشان ربنا هوة الحارسهم ... المهنه شباب جامده والنشاط رياضه مهمه .. واحد بيحب التانى والتانى بيحب التالت والأول بيحب التانىوالتالت وفى الأول والأخر ايمانهم هوة الى جامعهم

يمكن اكون انا ده
ويمكن لا
بس اكيد ممكن اللاقى نفسى جواه
شكراا ليكى ميره

[hero]

وادى كارت (واحد) واسمو وحيد سمى نفسو ساعت العيد عيد لوحدو وملقاش الى جنبو فا قرر يبقى اسمو وحيد شاب مكافح اصلو مالوش فى التهيس البت جاتلو قالها لا انا ولد ولا بعرف اقش ولا انا جوكر بسبت واعمل حركات ولا ليه فى البهلوانات انا راضى ربى وساكت وحلمى اعيش مبسوط .....

ممكن انا ده بس اكيد لى مكان ومش هكون على طول وحيد
لان انا الاختارة وحيد بيدى بس اكيد هارجع تانى
بس لما ارجع هايكون لى مكان ولا خلاص مكانى رح
ياترى يازمان الجى لى مكان ولا خلاص فرصه ورحت

تسلمى ياميره الموضوع جميل اوى
لازم يكون فيه نقاش
بجد الموضوع جميل
تسلمى وتقبلى تحياتى وتقدير

[بك أستجير فمن يجير سواك]

ميره بشكرك اوى على الموضوع الاكثر من رائع وبجد الدنيا بقت ورقة كورشينه دى الحقيقة
الشرح فاق الحدود وصف الا لوحدها ولا معاها كل شىء وبجد الا يفكر فى الدنيا يتوها مع كل لحظة
وكل همسة وكننا مش عارفين او بنقول كده وخالص كل الكلام الا تقال فى منا ناس وفى ناس وربنا يحفظنا
من الا بيغيرو الوشوش والا بيخون ويطعن القريب والا بيكره وبيحب الانتقام لكن هناك بعيد فى ناس موجوده فى الدنيا
الواسعة كل همه انها تسعى علشان تقدر توصل لى رب العباد ده كله همه ولا سلطة ولا جاه ولا مال ولا حياة بجد لسة فى ناس جميلة
شكر ليك ياميره ومعلش طولت عليك بس موضوع رائع بجد ودمتى بحفظ الرحمن ودائما متالقة

[Ali Pharouq Najar]

الموضوع جميل فوق الوصف ...

ياترى الدنيا كده فعلا ......
ولو كان الكلام ده صح ....
يبقى القانون السائد هو ...

المكسب هو المطلوب ...
مهما اختلفت الوسائل ..

و أنا مبحبش أكون النوع ده من الناس ......

congratulations

[ميره]

مش لاقى كلام اقولة بس تحفة دة موضوع يستحق التسبيت والمناقشة
موضوع جامد نايس توبيك انا بقا ولا واحد من دول انا عايش بعيد عن الكل شبة الواحد بس مش واحد من الواد والواحد تجمعيهم مع بعض يطلع انا

ميرسى ليك يا احمد
على ردك الجميل ده
بس انت عارف احنا
لزم منبعدش عن الناس
عشان هى دى الحياه
ولزم نقابل كل دول عشان
نتعلم منهم وتحياتى ليك

[ميره]

يمكن اكون انا ده
ويمكن لا
بس اكيد ممكن اللاقى نفسى جواه
شكراا ليكى ميره

ميرسى ليك ياجميل على المرور
الجميل ده بس لو انت ده يعنى فيك
الحب لكل انسان حوليك وشاب محترم
نشيط ورياضى وربنا يحميل يارب
بس اكيد فى حيتنا الناس دى كلها
ربنا يهدى كل البشريارب وتحياتى ليك
وعلى مروك الجميل ده

[ميره]

ممكن انا ده بس اكيد لى مكان ومش هكون على طول وحيد
لان انا الاختارة وحيد بيدى بس اكيد هارجع تانى
بس لما ارجع هايكون لى مكان ولا خلاص مكانى رح
ياترى يازمان الجى لى مكان ولا خلاص فرصه ورحت

بجد ميرسى ياهيرو على
ردك الجميل وده مش جديد عليك
وان شاء الله هترجع وهتلقى مكانك واحسن
كمان شويه من المكان الى كومنت سيبه
وبجد انت شاب مكافح ومحترم وكويس جدا
وبنا يحميك ويخاليك يارب ويسترها معاك
وتحقق حملك الى انت عيزه يارب
وتحياتى ليك يا احمدعلى باشا

[ميره]

ميره بشكرك اوى على الموضوع الاكثر من رائع وبجد الدنيا بقت ورقة كورشينه دى الحقيقة
الشرح فاق الحدود وصف الا لوحدها ولا معاها كل شىء وبجد الا يفكر فى الدنيا يتوها مع كل لحظة
وكل همسة وكننا مش عارفين او بنقول كده وخالص كل الكلام الا تقال فى منا ناس وفى ناس وربنا يحفظنا
من الا بيغيرو الوشوش والا بيخون ويطعن القريب والا بيكره وبيحب الانتقام لكن هناك بعيد فى ناس موجوده فى الدنيا
الواسعة كل همه انها تسعى علشان تقدر توصل لى رب العباد ده كله همه ولا سلطة ولا جاه ولا مال ولا حياة بجد لسة فى ناس جميلة
شكر ليك ياميره ومعلش طولت عليك بس موضوع رائع بجد ودمتى بحفظ الرحمن ودائما متالقة

ميرسى ليكى ياريمو ياحبيبتى
وانتى تطولى زاى ما انتى عيزه
ولا يهمك ياقمرايه بس ربنا يحفظنا
من شر الدنيا والى فيها ويحفطنا يارب
ويارب نكون من عبادك المقربين اليك يارب امين يارب
العالمين وربنا يحميكى ياحبيبتى يارب وتحياتى ليكى