نوع الأعضــــاء في الكـــافيه .. أدخل و أعرف نوعك

[AhMeD El-Za3eEm]

من خلال خبرة لا بأس بيها في المنتديات،
و بعد ملاحظـــة أنـــواع الاعضاء اللي بيشتركوا في اي منتدي،
و اللي بيتفاعلوا .. و اللي بيشاركوا
لاحظت إن الأنواع محددة و ثابته
و فيما يلي حأذكر أنواع الأعضاء و بعد النصائح للتعامل معهم

ـــــــــــــــــــــــــ ـــــــــــــــــــــــــ ـــــــــــــــ
.:: النوع الأول ::.
ما أدعوه شخصيا بالعضــــو المميـــز
و هم الأعضاء الذين يميزون المنتدي عن غيره .. من خلال مشاركاتهم و مواضيعهم
و غالبا يتيمز أصحاب هذا النوع بخبرة كافيه في المنتديات
كما أنهم علي خلق رفيع المستوي و علي مستوي ثقافي مرتفع
تجدهم يشاركون و يعبرون عن رأيهم بكل صراحة .. يتفاعلون معك سواء كنت عضو جديد أو قديم
و هؤلاء الأعضاء لا يهتمون بعدد مشاركاتهم .. لأنهم يدركون جيدا بما يقدمونه
و تكون سمعتهم زي الجنيه الدهب كدا بالضبط
و دائما يقدمون ما هو متميز و قد نطلق عليهم سفرء المنتدي،
و من لأول وهلة تدرك وضعهم .. و تدرك مدي أدبهم و خلقهم و تجد نفسك تحترمهم
من غير تفكير كما يفعل البقية.
:-: مثل هذة النوعية .. حاول أن تستفاد مهم و أن تتخذهم أصدقاء لو استعطت :-:
ـــــــــــــــــــــــــ ـــــــــــــــــــــــــ ـــــــــــــــ
.:: النوع التاني ::.
عضـــــو فكاهي
و هم الأعضاء اللي بتكون (روحهم رحلوة) و يحبون أن يطلقوا الدعابات في ردودهم
و يتركوا بسمة علي وجهك بينما أنت تقرأ مواضيعهم و مشاركاتهم،
من المستحيل أن تجد شخصا يكرهم و الكل يحبهم و ينتظرون جديدهم
و لكن يجب التحذير فإنهم لا يضعون حدود لفكهاتهم و قد تجدهم ردهم غير منطقي في بعض الأحيان
قد تطرح موضوع مهم جدا و تنتظر ردود الاعضاء .. و إذا بهذا العضو يترك ردا غير مناسبا لحالة الموضوع
فيحدث نوع من أنواع ....
(مش عارف أقول ايه بس أكيد فاهمني يعني)
:-: نوعية الفكاهة مطلوبة .. و تحزن أو تضايق منهم أبدا لأن غالبا هذة النوعية بيكونوا قلبهم أبيض :-:
ـــــــــــــــــــــــــ ـــــــــــــــــــــــــ ـــــــــــــــ
.:: النوع التالت ::.
عضـــــو عادي
هم الأعضاء العاديين .. ممن يشاركون في أقسام محددة و تجد مواضيعهم قليلة نسبية
و ردودهم تكون عادية لاتضيف كثيرا و لكنهم من النوع الذي يعطي نشاط و حيوية للمنتدي،
حيث يتميز أعضاء هذا النوع بكثرتهم .. و كلما كثرت هذة النوعية كلما زادت المشاركات في المنتدي
و زاد تمييـــزه عن الباقي في عالم المنتديات.
:-: تابعهم و خليك معاهم .. ممكن يبقوا ذو شأن مستقبلا :-:
ـــــــــــــــــــــــــ ـــــــــــــــــــــــــ ـــــــــــــــ
.:: النوع الرابع ::.
عضـــــو جديد
و هم الأعضاء المشتركين جديد في المنتدي و نسبة كبيرة منهم تكون مشتركة لأول مرة،
و يحدث إختلاط كثيرا عليهم و لكن البعض يستطيع تخطي هذة العقبة
و يثبت نفسه ليصبح أحد أعمدة الرئيسية .. أو أحد الاعضاء المميزين في المنتدي.
:-: حاول أن تشجعه علي المشاركة و أن تشارك في جميع مواضيعه علي الأقل في الفترة الأولي :-:
ـــــــــــــــــــــــــ ـــــــــــــــــــــــــ ـــــــــــــــ
.:: النوع الخامس ::.
عضـــــو مصلحة
و ما أكتر هذة النوعية .. و لا أنكر إني كنت عضو منهم قديما .. يجي من 4 سنين كدا
يعني أشترك في المنتدي عشان أنزل فيلم أو شريط أو حتي أغنية
و ما أكثرية هؤلاء الأعضاء ..
- بعض منهم من مشتركي المنتديات أخري يشتركوا لمجرد المصلحة،
(يعني ينزل حاجة .. ياخد موضوع من هنا .. ياخد فكرة كدا يعني)
- و البعض ممن أعجبهم المنتدي و اشتركوا فيه و لكن بمرور الوقت نسيوه،
- البعض يشتركون دون علمهم .. يعني واحد صاحبي يخليني أشترك بالعافيه في المنتدي
و غالبا يكون مصير هذة العضوية التجاهل و النسيان للأبد.
:-: ما أكترهم و لذلك عادي .. دا حال الدنيا :-:

ـــــــــــــــــــــــــ ـــــــــــــــــــــــــ ـــــــــــــــ
.:: النوع السادس ::.
عضـــــو جديد شايف نفسه
غالبا .. بل قد أقول جميعهم قد يشتركوا في المنتدي
علي اعتقادهم منهم انهم شات .. يستطيعوا ان يتعرفوا علي البنات و كل الكلام التعبان دا
و بيتكلم عن نفسه كتير و يستخدم صيغة (أنا) أكتر من الازم علي أساس انه ملهوش حل
و كتير منهم يختاروا مواضيع عن الحب و البنات و يخش و يفضل (يفتي) فيها
عامة النوع دا من الاعضاء بيفضل كام مشاركة كدا و يعدين يختفي للأبد.
:-: نصيحة تجاهلهم .. الزمن كفيل بيهم :-:
ـــــــــــــــــــــــــ ـــــــــــــــــــــــــ ـــــــــــــــ
.:: النوع السابع ::.
عضـــــو خفي
و ببساطة شديدة هم أعضاء ممن يتبعوا أغنية (زروني كل سنة مرة)
و تقريبا كل مدة طويلة بنشوف ليهم مشاركة كدا و ممكن تكون (شكرا) بس
و أعتقد إنهم أعضاء شغلتهم أعمالهم و عندما يجدون وقت فراغ من غير تعب و لا ارهاق
يدخل و يشارك في المنتدي.
:-: شجعه في ردوده و حسسه انك لسه فاكره :-:
ـــــــــــــــــــــــــ ـــــــــــــــــــــــــ ـــــــــــــــ
.:: النوع الثامن ::.
عضـــــو خبيث
و هم من أسـوء نوعية قد تجدها في أي منتدي
ممكن يتعمدون تغليط الأعضاء و نقدهم من أجل النقد فقط،
و ينقسموا نوعان : نوع أسلوبه فظ و في تعامله أيضا و دا أخرته الطرد،
و النوع الاخير و الذي يجب أن تحرص منه .. الذي يعسلك بكلامه أمامك و من خلفك
يقول فيك أفظع ما تسمع الأذن .. و دول بقي بالصدفة بتكتشفهم
اللهم أبعدنا عن تلك النوعية.
:-: حاذر من النوعية دي لأنها نوعية مريضة و أتمني انها تختفي من الحياة :-:
ـــــــــــــــــــــــــ ـــــــــــــــــــــــــ ـــــــــــــــ
.:: النوع التاسع ::.
عضـــــو مكرر
و دا بيبقي عضـــو إثيرت معه مشكلة و يحاول إثبات بأنه الصح،
و لذلك يلجأ للإشتراك بعضوية أخري ليناصر كلامه و الشخصية دي مريضه.
و أدعولها ربنا يشفيها.
:-: طبعا نوعية معروفة عشان بتبقي ليها مشاركة واحدة في موضوع معين، و ربنا يشفي :-:
ـــــــــــــــــــــــــ ـــــــــــــــــــــــــ ـــــــــــــــ
.:: النوع العاشر ::.
عضـــــو مطرود
هو عضـــو ينقصه الأدب في التعامل مع الأعضاء أو ينقصه احترام قوانين المنتدي
و نهايتهم معروفة و محتمه (الطــــرد)
أو قد يكون عضو سبق طرده و حاول أن يشترك مرة أخري و لكنه يجد انه تم طرده من غير مقدمات،
و حتي الآن سجل شخص ما الرقم القياسي في الطرد من الكافيه .. تقريبا 9 أو 10 مرات
و أخيرا تم قبول عضويته.!!!
:-: الزمن كفيل بأي شخص لا يستحق حتي الذكري :-:
ـــــــــــــــــــــــــ ـــــــــــــــــــــــــ ـــــــــــــــ
.:: النوع الحادي عشر ::.
عضـــــو ذئبي
ممن يشتركوا مخصوصا في المنتديات للتعرف علي البنات،
و دي أحقر شخصية حتي من نوع العضو الخبيث .. و كثيرا ما تم التحزير منهم
و أرجو أخواتي في الكافيه أن تحرسوا من تلك الشخصية لو كانت موجودة.
:-: أتمني الحرص منه .. و لو ينفع سيحولهم و عرفوا الدنيا كلها بنوعيتهم :-:
ـــــــــــــــــــــــــ ـــــــــــــــــــــــــ ـــــــــــــــ
.:: النوع الثاني عشر ::.
عضـــــو المشاركات
مثل هذة النوعية من الأعضاء .. يكون إهتمامهم و شاغبهم الأساسي عدد مشاركاتهم
و قد يقدمون مواضيع رائعة و مشاركات متميزة .. إلا أن اهتمامهم بعدد مشاركاتهم
و للأسف دي نوعية موجودة كتير في عالم المنتديات.
:-: بالرغم من مجهوداتهم .. بس برضه مش حياخدوا جايزة في الاخر علي فكرة يعني :-:
ـــــــــــــــــــــــــ ـــــــــــــــــــــــــ ـــــــــــــــ

هو اللي أنا لاحظته بقوة هذة النوعية من الأعضاء .. و أكيد فيه أنواع أخري
بس دي الأنواع الأساسية .. و أتمني يكون الموضوع أفادكم
و شكرا لوقتكم

AhMeD El-Za3eEm

[Rosy magic]

موضوع حلو يا زعيم

ونتمنى كل اعضاء المنتدى تبقى مميزة

والمنتدى يبقا احلى منتدى على الشبكة

[MoOoRa]

يا ترى ان مين في دول

تسلم يا أحمد بجد نقطة مهمه جدا حتى الواحد يبقى عارف قدرة ايه في المنتدى

وحجه وحدودة............

يعني مثلاً عضو عادي مايطلبش انه يكون عضو مميز

لأنه لو مميز من غير ما يطلب هيتعرف انه مميز صح ولا ايه ........

والعضو العادي عارف نفسه من غير كلام عنه هو عضو عادي..........

وباقي الاعضاء بيكفوا بالمشاهدة

بيتفرجوا على اللتفزيون

تسلم يا غالي

[ساندرا]

يجزيك الخير اخى احمد وانت من نوع الاولانى انا اكيدة

[AhMeD El-Za3eEm]

موضوع حلو يا زعيم
ونتمنى كل اعضاء المنتدى تبقى مميزة

والمنتدى يبقا احلى منتدى على الشبكة

ميرسي روزي علي ردك الجميل
و أتمني فعلا إننا كلنا نبقي مميزين

يا ترى ان مين في دول

تسلم يا أحمد بجد نقطة مهمه جدا حتى الواحد يبقى عارف قدرة ايه في المنتدى
وحجه وحدودة............
يعني مثلاً عضو عادي مايطلبش انه يكون عضو مميز
لأنه لو مميز من غير ما يطلب هيتعرف انه مميز صح ولا ايه ........
والعضو العادي عارف نفسه من غير كلام عنه هو عضو عادي..........
وباقي الاعضاء بيكفوا بالمشاهدة
بيتفرجوا على اللتفزيون
تسلم يا غالي

ميرسي يا عمرو كتير علي مرورك
و بالنسبة لموضوع التمييز دا .. أعتقد ان الحكم الأساسي هو الأعضاء
من خلال مجهودك و موضوعاتك و مشاركاتك
و بشكل أو بآخر كلنا مميزين

يجزيك الخير اخى احمد وانت من نوع الاولانى انا اكيدة

ميرسي كتير كتير كتير ساندي علي كلامك .. مش عارف أقولك ايه
شكرا علي مرورك

[yara]

بجد يا احمد موضوع جميل ورائع جدآ
بارك الله فيك
مشكور على المجهود الرائع

[AhMeD El-Za3eEm]

بجد يا احمد موضوع جميل ورائع جدآ

بارك الله فيك

مشكور على المجهود الرائع

شكرا كتير يارا علي مرورك و ردك الجميل

[طيف عابر]

مشكور جدا جدا احمد

فعلا موضوع جميل
فعلا اعضاء موجودين في كل المنتديات
انا برأيي التميز فعلا بيجي من انك تكون نفسك وتصدق معها ساعتها بتقدم الجميل
والكل بيقدرك
والتميز بقدرتك تكسب حب واحترام الاخرين مش ابدا بعدد المواضيع والمشاركات
ويكون اسمك مرتبط بعدد فقط
المتميز اللي لو غاب يوم الكل بيفتقده مش لانه بيشارك كتير لا لانه بحب كتير
ومستعد يقدم كتير برضه
بارك الله فيك

[MoOoRa]

ميرسي يا عمرو كتير علي مرورك
و بالنسبة لموضوع التمييز دا .. أعتقد ان الحكم الأساسي هو الأعضاء
من خلال مجهودك و موضوعاتك و مشاركاتك
و بشكل أو بآخر كلنا مميزين

انا مش بتكلم عن نفسي يا أحمد الكلام موجه لكل الاعضاء عامة

مش عضو معين

[AhMeD El-Za3eEm]

مشكور جدا جدا احمد
فعلا موضوع جميل
فعلا اعضاء موجودين في كل المنتديات
انا برأيي التميز فعلا بيجي من انك تكون نفسك وتصدق معها ساعتها بتقدم الجميل
والكل بيقدرك
والتميز بقدرتك تكسب حب واحترام الاخرين مش ابدا بعدد المواضيع والمشاركات
ويكون اسمك مرتبط بعدد فقط
المتميز اللي لو غاب يوم الكل بيفتقده مش لانه بيشارك كتير لا لانه بحب كتير
ومستعد يقدم كتير برضه
بارك الله فيك

شكرا كتير طيف علي المرور الكريم و الإضافة الرائعة
طبعا مفيش تعليق علي كلامك

انا مش بتكلم عن نفسي يا أحمد الكلام موجه لكل الاعضاء عامة
مش عضو معين

آسف عمرو .. انا مقصدتش حاجة بجد
انا كان كلامي عام .. و آسف لو كنت ضايقتك أو حاجة