رد مع اقتباسهههههههههههههههههههههه
يه دى الاعلانات ولا بلاش
سهيله
انت مجمنه اعلانات ولا ايه
قهوتنا على الانترنت
المشرفه المميزه لقسم مصراوي يتحدى الملل و قسم الترحيب المناسبات
•°¤*(¯`°(s)( (اعلانات) )(s)°´¯)*¤°•
إعلانات ...
1-اعلان مسحوق غسيل
اتنين رجالة راجعين من الغيط والجلاليب بتاعتهم متوسخة , ومرات كل واحد فيه واقفة مستنية جوزها على باب البيت ......... واحدة فيهم أول ما تشوف جلابية جوزها متوسخة ترقع بالصوت وتلم عليها أهل البلد ( يا لهوييييييي ...... مكنش يومك يا عزيزة جوزك راجع من الغيط وجلبيته مهببة ..... البقع دي عمرها ما هتطلع ...... يا لهويييييييي , ويروح مغمى عليها ) .أما الست التانية فتكون أنصح من الأولانية , فتروح لجوزها ...... وتزغرط أول ما تشوفه وتقول ( يا حللولي يا حللولي بركة يا خويا إنك رجعت بالسلامة ) وتاخد بإيده وهو بينزل من على الحمارة وتقوله : ولا يهمكيا أبو العيال , مرمغ جلابيتك في الطين كل يوم ولا يهمك .اللقطة إلي بعد كده , الست الأولانية وجوزها بيفوّقها , فتمسك فيزمارة رقبته , وتدب معاه خناقه .اللقطة إلي بعدها , الست التانية أدامها طشت غسيل والجلابية المتوسخة ومسحوق الغسيل , وتحط المسحوق في الميه وبعدين تنقع فيها الجلابية المتوسخة ......... ويطلع صوت راجل بيقول ( خليكي ناصحة زي أم محمد واستخدمي مسحوق الغسيل بتاعنا ).اللقطة إلي بعدها , الجلابية منشورة في الخلا , والبياض مش سايب حته فيها , والست الأولانية واقفة أدام الغسيل وهي بتتحسر على جلابية جوزها إلى غسلتها بمسحوق عادى , فطلعت صفرا .واحد وخطيبته آعدين في كافيتريا , والبت تطلع من شنطتها كيس شيبسي وتعد تحشر فيه , ومن دناوتها مترضاش تدى خطيبها إلي آعد معاها ولا حبة شيبسي ....... فالواد يمد إيده يمكن قلبها يحن وتبطل الطفاسة دي ........ لكنها تبصله بغل وتبعد إيده عن كيس الشيبسي .اللقطة إلي بعدها , الست التانية وهي واقفة جنب جوزها وهو لابس جلابية ( مش بيضة وبس , لا ....... دي بتنور كمان ) ........ والراجل فاتح بقه وهو عمال يبص على الجلبية وهو مبسوط ومراته واقفة جنبه وهي ماسكة مسحوق الغسيل وبتشاور على جلابية جوزها وبتقول ( من يوم ما استخدمت المسحوق ده , وأنا بذل جيراني بنضافة غسيلنا ) .
الواد بقى يركب دماغه ويحلف إنه ما هيتجوزها إلا لما ياخد منها حبة شيبسى , فيقرر إنه يعمل خطة جامدة , فيعمل نفسه قايم عشان يروح دورة الميه , لكنه يروح ورا الكرسي بتاعها , ويزق الكرسي فيروح الكيس طاير وهي كمان طايرة .....
هو بقى يلقط الكيس , ويسيب خطيبته تقع على جدور رقبتها ......ويمسك الكيس وهو مبسوط وعمال ياكل منه ......... والكاميرا تجيب على البت وهي متكعورة على الأرض ووشها أحمر من الغيظ ......... وبعدين يطلع صوت واحد بيقول ( كل حباية شيبسى في قوة طعمها ........ لا يمكن تلاقي زيها ) .
فاصل ونواصل ...
بت يانوسه يانوسه زى البسببوسه والله احلويتى وكبرتى و بقيتى عروسه
و بعد الفاصل
-حاجة ساقعة بيبس
مع إن شركة كوكاكولا , وشركة بيبسي مش محتاجين إعلانات إلا إن مفيش يوم بيعدى إلا وإعلانات الشركتين دول بتزيد يوم عن تاني .......... تعالو نشوف إعلاناتهم عاملة إزاي .
واحد قاعد في البيت وعمال يتفرج على التلفزيون إلى شغال عليه مطربة عمالة تغنى وتنطط , وأدامه إزازة بيبس ........ والواد عينه هتطلع عليها ( على المطربة مش إزازة البيبس ) , وفجأة المطربة تسيب الغنىوتبص ناحية الواد إلى بيتفرج عليها , وتشاورله عشان يروحلها ......... الواد يبحلق ويضحك زي العبيط ويقول ( مين ..... أنا ؟ ) .
وبقدرة قادر تطلّع المطربة ايدها من التلفزيون وتسحبه من أفاه وبعدين تجرجره على المسرح إلى بتغني عليه .........وأول ما يقوم يفضل يرقص و يطنطط معاها ........ وبعدين تمسك إزازة كازوزا وتحدفهاله , وتاخد هي إزازة ليها وتشرب بقين , وتبصله ........ وهو كل ده متنح ليها ..... فتغمزله , فيروح ماسك الإزازة ويأربعها على بق واحد ..... وبعد ما يخلص الإزازة يرميها ويمسك إيدها ويكملو تنطيط ........ ويطلع صوت واحد بيقول ( عشان تبقى زيها ......... خليك أدها ) .
4-المصرية للإتصالات
بعد ما شركة المصرية للإتصالات اكتشفت إن الناس بدأت تقلل من المكالمات الأرضى والمباشر بعد انتشار الموبايلات , قررت إنها تعمل حملة إعلانية كبيرة عشان ترجع عملائها تاني ....
واحد ومراته آعدين في البيت وفجأة يلاقو حريقة طالعة من المطبخ ..... وتصوت الست بأعلى صوتها ( يا لهوييييييييي .... ياخراب بيتك يا عزيزة ...... يا خراب بيتك ) .
جوزها كان مفكرها بتصوت عشان الحريقة , لكنه اكتشف إنها كانت بتصوت بعد ما شافته مطلع الموبايل عشان يتصل بالمطافي ...... مراته مقدرتش تستحمل الموقف ده , فقامت مصوّته , وماسكه في زمارة رقبته وهي بتقول : بقى يا راجل يا موكوس يبقى جنبك التليفون الأرضي وتمسك الموبايل تتصل بيه .
الراجل أعد يفكر شوية , ولقى فعلا إنه كان غلط , فقبل ما يكمل المكالمة , راح قفل الخط ورامي الموبايل جوه الحريقة , ومسك التلفون الأرضي واتصل بالمطافي ......... وبعدين يطلع صوت راجل بيقول ( دقيقة الأرضي بتلات قروش ........ مع عرض المصرية متفوتوش ) .
ـــــــــــــــــــــــــ ـــــــــــــــــــــــــ ـــــــــــــــــــــــــ ــــــــــــــــــــــ
-سمنة
ست بيت واقفة في المطبخ وعماله تطبخ بالسمنة بتاعة الإعلان , فراخ محمرة ومحاشي ورز.... إلى آخره .
اللقطة إلى بعد كده , جوزها راجع من الشغل بيخانق دبان وشه , وهو داخل يتكعبل في إبنه الصغير فيرنه علقه معتبرة من غير أي سبب , وهو ماسك إبنه بيضربه , فجأة ايده تقف وتتشعلق في الهوا لما يشم ريحة الأكل إلى جاية من المطبخ , فيقوم حادف الواد في أي ركن ويجري عالمطبخ ........... ويخش على حلة المحشى ياخدله بتاع صوبعين تلاتة ...... قول خمسة وتلاتين صوباع ...... كل ده ومراته مبسوطة عشان ريحة الأكل بالسمنة إلي هي عاملها عجبته ....... وبعد ما يخلص عالمحشى يخش عالفراخ ......... ثم إلى بعده ثم إلي بعده ........ وفجأة الست تكتشف إن جوزها خلص عالأكل كله , فتقوم جايبه طاسة وهوب على أم راسه .
اللقطة إلى بعدها , الراجل نايم عالسرير ودماغه مربوطة بقماش وهو حاضن حلة محشى وبيضحك لمراته وهو بيقول , ربنا يخليكي ليا يا حياتي وتفضلي تطبخلينا بالسمنة دي .
6-مسحوق مواعين
ست بيت واقفة في المطبخ أدام الحوض , وأدامها جبال مواعين ........ فتبص للمواعين وهي محبطة وتقول ( كل المواعين المعفنة دي هتنضف إزاى ؟ , دي عاوزلها ولا ميت شهر ) ............ لكن فجأة ...... ولأن بلاعة المطبخ كانت مفتوحة تطلعلها ست من البلاعة وفي إيدها مسحوق مواعين .
ست البيت تبص للست إلي طلعتلها وتقوم مصوّته .......... لكن الست تقولها : ما تخفيش أنا جايبالك المسحوق ده بقوة اللمون الخارق ..
وبعدين تجيب حلة ,الأكل لازق فيها , وتقول لست البيت , حاولى تنضفيها , فتجيب المسحوق العادي إلي بتستخدمه وتعد تحك في الحلة خمستاشر ساعة , لكن الحلة زي ما هيه ........ فتبتسم الست التانية وهي بتقول دلوقتي جربي المسحوق بتاعنا ..... تاخد المسحوق منها وتحط نقطة واحدة على الحلة ........ وفجأة تحصل المعجزة وكل الأكل والدهون والزيوت إلي كانت لازقة في الحلة تروح .......... ست البيت أول ما تشوف المعجزة دي تقول : الله أكبر ..... الله أكبر ...... إنتي متأكدة إن المسحوق بتاعكو ده بجد , مش - اللهم احفظنا - متعفرت .
تضحك الست التانية وتقول : لا لا ..... خديه وجربيه .
وفجأة الست تختفى بعد ما سابت عبوة مسحوق لست البيت ........ واللقطة إلي بعد كده , ست البيت ماسكة الحلة إلي اتنضفت وعماله تبص فيها وهي مذهولة , وتقول ( الحلة بقت شبه المرايا ! ...... خلاص أنا هستخدمها مراية بدل المراية إلي اتكسرت ).
ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ــــــــــــ
- الضرايب مصلحتك أولا ..
راجل داخل عند الحلاق ويمسي عليه : إزيك يا أبو علاء , ميت مسا عالناس الكويسة , عاوزك تظبطلي شعري زي كل مرة , وعاوز الموس بتاعك يسلملي على كل شعراية في دقني ........... وبعد ما يخلص حلاقة يطلّع إلي فيه النصيب , ويديه للحلاق , ويقف مستني شوية .
الحلاق يستغرب ويسأله : في حاجة , انت واقف كده ليه ؟ ...... فيرد الراجل : مستني الفاتورة .......... أول ما الحلاق يسمع الكلمة دي , زي مايكون عشر رجالة مسكوه زغزغوه , فيعد يضحك لغاية ما يدّلق على الأرض من كتر الضحك .
وفجأة يطلع صوت الراجل بتاع الإعلان : استنى ..... كفاية ضحك ...... واسمع .
يسكت الحلاق ويقوم من عالأرض ...... ويكمل الراجل كلامه للراجل إلى لسه حالق : ماتسيبش حقك ....... طالب بفاتورتك ........... فيتشجع الراجل ويقول للحلاق : أيوه أنا عاوز فاتورة ....... فاتورة بعدد الشعرات إلي شلتهم وسعر كل شعرة .
فيرد الحلاق وهو خايف : طب ما أنا ممكن أضبطك بدل ما أفوترك ........ واللقطة إلي بعد كده , الحلاق شايل عمة وبيلبسها للراجل , فيبعد الراجل العمة ويقول : إنت عاوز تلبسني أنا العمة ........ وأدام مين ......أدام الراجل الطيب ده ..... ما تقوله حاجة يا عمنا .
فيطلع صوت الراجل بتاع الإعلان ويقول : الفاتورة مش فايدة للزبون وبس , دي فايدة ليك إنت كمان ........ يعني بكل شعرة من شعر الأستاذ ده هنبني بيها مدارس ومستشفيات وكباري وعمارات نسكّن فيها ولادنا ..... ومصانع نشغل فيها الشباب .......
الراجل إلي لسه حالق أول ما يسمع الكلمتين دول يحط إيده على راسه وهو بيتحسر وبيقول : يا خسارة شعرك يا محسن ...... أنا لو أعرف إن شعري غالي أوي كده مكنتش حلقته ..... ويروح واخد بعضه وطالع من عند الحلاق وهو زعلان .
ينادي عليه الراجل بتاع الإعلان : خد رايح فين ....... طالب بفاتورتك ...... ماتسيبش حقك ........لكن الراجل يسيبه ويمشي ....... فيكمل كلامه للحلاق : لازم تعمل فاتورة عشان ما يجيش وقت الفحص الضريبي وتقول ياريت إلى جرى ما كان ....... فكّر في ولادك بعد ما تتجرجر في الإقسام , وساعتها دراع سلّومة المخبر مش هيبطل سلامات على أفاك .... فكّر في مستقبل ولادك .... ومستقبل أفاك ......... فكّر في ولادك وهما متشرّدين في الشوارع وكل واحد فيهم سارح في إشارة مرور وبيبيع أي حاجة باتنين ونص ........ فكّر في مراتك وهي بتحب على إيد جارتكو نبوية عشان تلم مصاريف العيش والحلاوة وهي رايحة تزورك ....... فكّر في المحل بتاعك إلي هيتقفل من بعدك وهيتخرب بيتك , وبعد ما تطلع من الحبس مش هتلاقي شغلانة تعملها .
وتجيب الكاميرا على الحلاق وهو عمال يقول : يا خراب بيتك يا أبوعلاء .... يا خراب بيتك , عيالك هيتشردو , ودكانك هيقفل ............ وبعدين يطلع صوت الراجل بتاع الإعلان وهو مبسوط وبيقول : الضرايب مصلحتك أولا .
هههههههههههههههههههههه
يه دى الاعلانات ولا بلاش
سهيله
انت مجمنه اعلانات ولا ايه
ومما زادنى فخراً و تيهاً *** وكدت بأخمصى أطأ الثريا
دخولى تحت قولك يا عبادى ** و أن صيرت أحمداً لى نبياً
البحث على جميع مواضيع العضو ابو تريكه
ههههههههههههههههههههههههه هههههههههه
لا حلوة اووووووووووى
تسلم ايدك يا سولى
المشرفه المميزه لقسم مصراوي يتحدى الملل و قسم الترحيب المناسبات
ههههههههههههههههههههههههه هههههههالمشاركة الأصلية كتبت بواسطة ابو تريكه
اها انا مدمنة اعلانات
ثانكس اوى ابو تريكه لمرورك نورت
المشرفه المميزه لقسم مصراوي يتحدى الملل و قسم الترحيب المناسبات
نورتى التوبيك كله ياعثـــــــــــل
منورانى دايما وربنا
الذين يشاهدون الموضوع الآن: 1 (0 من الأعضاء و 1 زائر)
ضوابط المشاركة
