رساله من هيرو

[فاطيما]

ليه ياابني كل ده طبعا كل واحد بيعلق علي حسب حاله في الحب عامل ازاي
بس ا حب اقولك ان صوابعك مش زي بعضها في ناس كتير حلوين ومخلصين والذكي هو الي يعرف يحافظ عليهم
تقبل مروري

[ران]

ايه ياجماعة المناحة اللى انتو عملينها دى فى ايه يابنى ليه يابابا كل ده هو مين مات عندك

على فكرة ياهيرو الحب زى الماء والهواء يعنى مينفعش نعيش من غيره وانا مع راى اسلام ومش علشان الوحد حب مرة وانجرح تبقى دى النهاية واخر الحكاية لا انا مش معاك فى الحكاية دى حاولتقف تانى ومش عشان حد معرفش يقدر حبك وتضحيتك يبقى خلاص الدنيا هتقف لا مش احنا اللى بنضعف ونتكسر من اول مشكلة او جرح بنقابله اصحالى كده وركز انت اقوى من كده وبكرة نشوف

[آية الرحمن]

هيرو الحب شئ جميل جدا اكثر مما تتخيل ممكن يكون الانسانة
الى انت حبتها متعرف معنى الحب علشان كدة اتجرحت منها
بس صدقى الانسان من غير حب مستحيل يعرف يعيش ابد
الحب دا اسمى شئ فى الوجود بس الى يفهمة صح
لان للاسف الغش باسم الحب بقى منتشر جدا اليومين دول
بس متخليش حياتك تقف عند انسان معين انسان ميستهلش
حتى انك تفكر فية ولا تنزل دمعة من عينيك علية لا لالالالا
كمل حيات واختارها صح المرة دى وحب بجد وتكون انسانة كويسة
دى نصحتى منى ليك اوعى تخلى حياتك تقوف عند انسان خاين وباع

[عفريت أفندى]

ايه يا جماعه اللى بيحصل هنا ده؟
ايه اللى انا شايفه ده؟
عاملين مناحه هنا و انا لسه شايفها حالا

هيرو

مش معقول كلامك ده بجد

ازاى مافيش حب؟

ازاى خليت الحب مقتصر على حب الله و الرسول و الأهل؟

ازاى قدرت تقول مفيش حب بين الاصدقاااااااء؟
و كمان مفيش حب بين الرجل و المرأه؟؟

ممكن تكون مريت بتجربه فاشله لكن مش دى نهاية العالم

الدنيا مدرسه بنتعلم فيها كل حاجه

الحياه فيها كل اصناف الناس الصادق الكاذب المخلص الخاين المخادع الطماع الأنانى

البخيل خفيف و تقيل الدم باختصار الحياه فيها من كل الأصناف و الأنواع و الشاطر اللى يعرف يختار أصدقاءه و أحبابه

ممكن تغلط ف إختيارك و ده شيئ وارد بس لازم تتعلم من أخطائك

متعة الحياه انها فيها الخير و الشر الحلو و الوحش بس بنسب مختلفه

ولازم يكون فى صراع بين أى نقيضين و هى دى متعة الحياه

لو كل حاجه سهله و حلوه و بسيطه و مافيهاش ولا غلطه الحياه هتفقد متعتها و مذاقها و هتكون رتيبه و ممله جدا

تعرف ان الشخص الواحد مزاجه بيكون متقلب

بمعنى انه مش دايما ملاك او دايما شيطان

ربنا خلق الملايكه مش بتغلط و مش بتعصاه

و خلق الشياطين كل أفعالها معاصى لله

و خلق البشر اللى إحنا منهم عندنا صفات الملايكه و الشياطين ف نفس الوقت بس بنسب مختلفه من شخص للتانى
يعنى واحد بيغلب عليه صفات الملايكه و التانى بيغلب عليه صفات الشياطين

و حتى الشخص الواحد بيكون مزاجه متغير من وقت للتانى حسب الظروف المحيطه بيه و حسب المؤثرات و الضغوط

استهدى بالله يا هيرو و فكر كويس و بهدوء

و حاول تتعلم من تجربتك و تستفيد منها

افتح قلبك للدنيا و حب نفسك و اختار اصدقاءك بعنايه

بص لقدام و للمستقبل و اتمتع بحياتك ف حدود الشرع و الدين

الحب أسمى حاجه ف الوجود

الحب سبب لراحة القلوب و النفوس

الحب هو الحياااااااااااااااااه

و عذرا للإطاله

ده رأيى الشخصى

و تقبل مرورى و تحياااااااااتى