►█◄اعــمل عـــبيط►█◄

[maahes]

اعمل عبيط

السلام عليكم ورحمه الله وبركاته






اعمل عبيط وأنت تستمع إلى السياسى اللعيب وهو يرص الأكاذيب حجراً على حجر مثل أحجار الشيشة وهو ينشر قنابل الدخان فى كل مكان حتى لا نرى الحقيقة.

اعمل عبيط وأنت ترى الرشوة الجنسية عينى عينك والصفقات تتم حولها فوق الترابيزة وتحت الترابيزة وجنب الترابيزة اعمل عبيط وعش أيامك عش لياليك.


اعمل عبيط وأنت ترى مظاهرات السلالم فى نقابات وسط البلد تحاصرها الإحباطات كما لو كانت تحاصر القوات الإسرائيلية فى الثغرة فى السويس.

اعمل عبيط ولا تسأل عن أى تعديل وزارى ولا كيف جاءوا ولا لماذا ذهبوا.

أعمل عبيط وانت تدفع ضعف مرتبك دروساً خصوصية لإبنائك مع أن الحكومة تؤكد دائما مجانية التعليم.

اعمل عبيط وأنت تشاهد برامج المطبخ فى التلفزيون وهم يحدثونك عن السمون فيميه والكوردون بلو والطرطوفة والكالمارى، اعمل عبيط واستمتع بفحل البصل والفول المدمس.


اعمل عبيط وأنت تستمع إلى رجال الأعمال ووزراء المجموعة الاقتصادية وهم يقولون مصر فيها فرص عمل تقدر بعشرات الآلاف ولكن الشباب يفضل الجلوس على المقاهي.


اعمل عبيط إذا رأيتهم يطاردون عملاء التوك توك فى كل مكان وكأنهم جواسيس دخلوا البلاد بدون رخصة أو تأشيرة.


اعمل عبيط وأنت ترى العمالة المصرية مسحوقة تحت رحمة الكفيل ومطرودة من أمام أبواب السفارات.

اعمل عبيط ولا تتحدث عن حقوق الإنسان تحدث عن حقوق الحيوان.. أضمن ألعب ع المضمون.

اعمل عبيط وخليك في الصورة.. زاحم.. انحشر.. خليك غتيت.. قاتل وقل لنفسك لا فيها لاخفيها.

اعمل عبيط ولا تتحدث في السياسة.. امشي جنب الحيط الأحوط.. امشي جوه الحيط

اعمل عبيط ولا تقترب أبدا من مكانين: قسم الشرطة ومبنى السفارة.

اعمل عبيط لما شيخ الازهر يقولك النقاب عاده مش عباده


اعمل عبيط وكأنك لم تقرأ هذا الكلام.. وحاول أن تعمل حاجة لمصر.. فالسيارة عطلانة... لكن البكاء لن يدير الموتور..


قل للناس من حولك يلا يلا يا رجالة .. إيدك يا حج اللي يحب النبي يزق.

واوعىَ تعمل عبيط ..!!




يا ترى هتعرف تعمل عبيط ؟؟!!

مش هاينفع تانى نعمل أنفسنا عبطاء
لأن الفساد استشرى فى البلد كما يستشرى السرطان فى الجسد
أصبح الفساد والظلم هو المتحدث الرسمى حتى على لسان القضاة
الذين شعارهم ( العدل أساس الحكم )
ولكن الأن أصبح المال والسلطة والكرسى وبيع الضمير
هو أساس الحكم ..
وأصبح الشرفاء والعلماء خلف الأسوار وتجار المخدرات وأصحاب قضايا
الدعارة يمارسون نشاطهم على مسمع ومرئى وحماية من الحكومة



لكم منى كل الود والاحترام

مـــ تحياتي محمد ـــع
ولـــ مني جميل الشكر ـــكم

[هبه اتش]

هااااااااااااااااي
هو انت دايماً سخن على الناس كدا؟
بس عندك حق مش ينفع نفضل عبط على طول
لازم نعرف ازاي نبقى دبلوماسيين وناخد حقنا بذوق ودوبلوماسيه

تقبل مروري ونايس توبيك

انا جيت بس امسي عليك
ليك واحشه ياراجل
ايه ده تقولشي انك تبقى ابن عمه خالت مرات ابو عمي من بعيد

[عفريتـــة هانم]

يا ترى هتعرف تعمل عبيط ؟؟!!

صعــب اوى ان الواحد يعمـل عبيط وياريت الواحد يقدر يعمل عبيط لو كنا بأيدينا نعمل عبط مكنش زمنا حاسين طول الوقت اننا عايشين فى غابــة
بجد موضوعك اكثر من رائع
دمت متميزا
تقبل مرورى

[ران]

ايه الشغل الجامد ده ياعم محمد دانت سخن اوى ياراجل بس بجد كلامك ده ليه معانى كتير ولازم نعمل بيه وعندك حق لمتى هنفضل عبط وانا اسفه فى الكلمة واغبياء كمان دى بقت فوضى واللى يطالب بالعدل فى زمننا هذا يبقى مجنون ولا يستحق الا المارستان ياااااااااااااااااااااااا ااااااااااه يامحمد خلتنى اتكلم يا اخى الكلام كان مكبوت جوايا من زمااااااااااااااااااااااا اااااااااااان
مشكوووووووووووووووووووووو وور على التوبيك الجامد ده ودمت بود تقبل مرورى نيفين

[~ man neO ~]

هنعمل عبط لحد ايمتى ؟
ياترى هنتولد ونموت على كده ؟
بصراحه الواحد مش عارف فعلا احنا عبط ولا احنا بنستعبط
ولا مكبرينهاا
عايزن نعرف لان بقت الحياه لاتطاق بهذه الطريقه
مع تلك السياسه اللعينه التى تجرى وراء مصالحها ومغانمها
ولا تعطى اى اعتبار لشعبهاا

يعنى لحد ايمتى !!

[ايسل]

محمد انت نسيت شئ اخر نعمل فيه عبط لما ندور وندوخ على انابيب البوتجاز ويقفوا الغلابه طوابير علشان الانبوبه او يشتروها بأضعاف تمنها واحنا بنصدر الغاز للصهاينه بتراب الفلوس لازم نعمل فيها عبط علشان هما اخونا هما يدفوا واحنا نموت من البرد
هما بتعشوا واحنا نموت من الجوع طبعا مش اشقائنا نعمل عبط وهبل كمان لو حبوا
ومحدش يسأل هتقدر تفضل عبيط لأنى هقوله غظب عننا هنفضل عبط اللى عايز يعيش فى البلد دى يبقى العبط اجبارى مش اختيارى
واعتذر للأطاله ولكن موضوعك مهم للغايه واشكرك

[عفريت أفندى]

صراحه احنا مش عبط ولا حاجه

هما اللى بيستعبطونا

و كمان اللى بيعمل عبيط بيبقى مجبر على كده عشان يقدر يعيش و يكمل حياته

لكن حياة العبيط مقرفه جدا و لا تطاق

من العبط ان الواحد يعمل عبيط ف كل حاجه لأنه بكده هيتحول لعبيط بدون حقوق او كرامه

و هو الانسان ايه غير شوية كرامه ؟؟

ده الفرق بين الإنسان و الحيوان هوه الكرامه

تسلم الأيادى يا عمونا

و يارب يا تاخد اللى بيستعبطونا يا تقدرنا على مقاومتهم

تحيااااااااااااتى

[maahes]

هااااااااااااااااي
هو انت دايماً سخن على الناس كدا؟
بس عندك حق مش ينفع نفضل عبط على طول
لازم نعرف ازاي نبقى دبلوماسيين وناخد حقنا بذوق ودوبلوماسيه

تقبل مروري ونايس توبيك

انا جيت بس امسي عليك
ليك واحشه ياراجل
ايه ده تقولشي انك تبقى ابن عمه خالت مرات ابو عمي من بعيد

ياتروبيل اتش لا سخن ولا حاجة بس الجو اللي كان حار
شكراً على مرورك هبة اتش اللي منور مواضيعي وشكراً على اهتمامك وزيارتك لنا
وانا ياستي ابن عم اخو خالة ابو جد واحد ماعرفوش

وفعلاً فات الوقت اللي ممكن نعمل فيه عبطاء

ولــ مني جميل الشكر ــكي

[هبه اتش]

هو في حد غيري بيعبرك؟
ده كل الناس اللي بترد عليك دي انا اللي قايللاهم يظبطوك عشان ماتعيطش

[maahes]

يا ترى هتعرف تعمل عبيط ؟؟!!

صعــب اوى ان الواحد يعمـل عبيط وياريت الواحد يقدر يعمل عبيط لو كنا بأيدينا نعمل عبط مكنش زمنا حاسين طول الوقت اننا عايشين فى غابــة
بجد موضوعك اكثر من رائع
دمت متميزا
تقبل مرورى

الرائع هو ردك مرام اشكرك على مرورك المتميز
بوركتي مرام وخلاص انتهى زمن العبط
دمتي بحفظ الله مرام