مصطلحات مصريه بمفهوم واقعي !!

[Rosy magic]

مصطلحات مصريه بمفهوم واقعي !!
................

ملاحظة الموضوع مش تريقة دي حقيقة

التنوير : عملية تتم في الشوارع عندما يسكنها وزير.

العولمة : عملية تحول اجتماعي وثقافي وفني تمارسها فيفي عبده.

الشفافية : سمة ضرورية للملابس المستخدمة في العولمة.

الجات : مصيبة و جات على دماغنا.

النظام الملكي : عند وفاة الملك ينتقل الحكم لابنه ليصبح هو الملك الجديد.

النظام الجمهوري : عند وفاة الرئيس ينتقل الحكم لابنه ليصبح هو الرئيس الجديد.

المبايعة : ورقة تكتبها لما تبيع سيارة قديمة.

الدستور : كلمة تقال للحماية من الاسياد لما الواحد يدخل بيت مسكون.

الديمقراطية : نوع من الفنون الزخرفية يستخدم لتزويق صورة الحكومة.

القانون : آلة تصدر أصوات جميلة لما تـلعـب عليه في حفله.

الحرية للجميع : للشعـب ان يقول ما يشاء ، وللحكومة ان تـفعـل ما تـشاء.

حرية النشر : تمارسها النساء عـلى السطوح في المناطق الشعـبـية.

الدبلوماسية : احسن هدية تصالح بها مراتك بس بشرط الألماس يكون حر.

الصراع الطبقي : خناقة كل بيت على مين اللي يغسل الاطباق النهار دة.

حرب الشوارع : قيادة سيارة في شوارع القاهرة.

العمل الثوري : مذكر العمل البقري.

الشريط الحدودي : الشريط الجاي لعمرو دياب.

الوحدة العربية : ان تعاني كل دولة عربية من الشعور بالوحدة!

حرب التحرير : معركة شهيرة يخوضها كل من يريد استخراج جواز سفر من مجمع التحرير

[dr_manoon]

الوحدة العربية : ان تعاني كل دولة عربية من الشعور بالوحدة!
ههههههههههههههههه
والله انتى عسل ياروزى الواحد متظبط اكتئاب وكان نفسه يضحك تسلمى ياقمر

[Rosy magic]

الوحدة العربية : ان تعاني كل دولة عربية من الشعور بالوحدة!
ههههههههههههههههه
والله انتى عسل ياروزى الواحد متظبط اكتئاب وكان نفسه يضحك تسلمى ياقمر

ههههه العفو يا قمر ربنا ما يحرمنا من ضحكتك

وبلاش الاكتئاب دة لحسن الريس يتدايق

دة بيحافظ على صحة كل مواطن

ميرسي لمرورك يا سكر

[طيف عابر]

مصطلحات روعه
تسلم ايدك روزى

[Rosy magic]

العفو طيوفة

يسلموووو على المرور

[شمس الأصيل]

الصراع الطبقي : خناقة كل بيت على مين اللي يغسل الاطباق النهار دة.مهمة أوي الجملة دي لعلمك ده أساس القيادة الحكيمة النابعة من فهم دقيق لمجريات الأحداث العالمية على الصعيد السياسي والثقافي والفنيمش كدهطبعا واضح

[Rosy magic]

لعلمك يا مامي انا مفهمتش ولا كلمة من الي قلتيه !!!!!!!

مليش في السياسة

بس ميرسي للمرور

[Essam Net]

حلوين يا روز مصطلحات جامده ..

وانتى عارفه الشعب بيقول كده من غلبوا مش من نفسوا ..
بس حلوه القانون دى .. هههههههههههههههههههه

موضوع جميل روز الف شكر ..

[Rosy magic]

ههههه العفو يا عصام

وبعدين هو جديد علينا

كل يوم نطلع كلام

المصريين مبيبطلوش نم هههه

ميرسي للمرور

[Essam Net]