النصف الاخر

[كابوس الحرامية]

"النصف الاخر"
.:.:.:.:.:.:.:.
.:.:.:.:.:
.:.:.
.:.
كل واحد فينا بيدور عمره كله على نصفه التاني نصف يكمله في كل شيء .
في حياتنا دلوقتي زحمة كتير .!!
"زحمة ناس،زحمة تكنولوجيا ،زحمة مصطلحات ،زحمة تنافس،زحمة مشاكل ."
في وسط كل الزحمة دي في" نص تاني" ناقصنا بيطول الوقت او بيقصر لازم نلاقيه وسط الزحمه دي
..
" ! لكن مش هو ده الموضوع ! "
..
تقارب الافكار والاهتمامات بتقرب الناس من بعض في التفكير سؤالي واضح هل اهتماماتك وميولك لو توافقت مع اهتمامات وميول الطرف الاخر الحياه حتكون احسن ولا حتكون ممله؟!!
بمعنى ان ميولك نفس ميوله واهتماماتك هي نفس اهتماماته التفكير واحد نادر جدا لم نلاقي شخص وسط الزحمة دي بيطابقنا في افكارنا وطبعنا واهتمامتنا.
..
وجهة نظر بعض الاشخاص ولاد او بنات ان توحد الميول والتفكير يجلب الملل ؟!؟!؟!؟!!!!
بمعنى ان كلما اختلفت الميول بين الطرفين وتباعد التفكير!!
اصبحت الحياه اكثر تجديدا وتشويقا!!
..
"لكن انا مش بتفق مع وجهة النظر دي لان نصفى الاخر"
"لازم يكملني في اهتماماتي في احاسيسي طموحاتي طباعي"
يعني مثلا انا بحب الصراحه وحبيت شخص او تزوجت من شخص بطباعه كذاب ازاى حقدر اتحمل ده معاه؟
ودي حاجه من طبعه والطبع غلاب احيانا وكثيرا!!!
انا مثلا بحب الموسيقى الهاديه وهو بيحب الدوشه اهتمامات مختلفه حينتج عنها صدام.
بس مش في كل الاحوال ولا في جميع الحالات,,
"الموضوع ببساطه ان كل ولد و بنت بيفكر في نصفه الاخر على حسب طريقته هو وازاى بيتمناه "
انا بفضل التقارب والتوحد في الفكر والاهتمامات خصوصا لو كانت مفيده ونافعه وقائمه على الخير والعلم .الحياه حتكون مستقره اكتر وفيه تفاهم اكتر في كل شيء
حنقدر نتفاهم ونتناقش من غير صدام
وحتبقى الحياه اسهل وافضل
"دة رأي الشخصي "
..
(النقطه الاولى للموضوع كانت الميول والاهتمامات )
فيه جزء تاني حنتناقش فيه بس حعمله في موضوع لوحده عشان الافكار متخطلتش والموضوع ميطولش عليكم
بس الاول بعد مشوف رايكم ونتناقش في الموضوع اكيد كل واحد فينا بيفكر ازاى حيكون ملامح شخصية النصف الاخر له
في انتظار رايكم
......
نوني

[عفريتـــة هانم]

بصى ياقمرى
اولا موضوع جميـــل جداٌاٍ ويستاٌاهـل المناٌاقشة
ثاُانيأ احياُنا لما تحسى ان الطرف تانى افكارة نفس افكارك بتشعرى بملل لانك هتبقى عايزة جديد مش هتبقى عايزة نفس الى جواكى
واحيانا كتير الاختلاف فى الافكار بيسبب مشــاكل كتير
انا من رايى ان الاتفاق احسن بكتير وبالنسبة لموضوع الملل دة بيبقى بأيدك انتى انتى الى تقدرى تخلى حياتك فى تجدد وسعادة دايما وانتى الى تقدرى توقفى روتين حياتك وتقتصرية على حاجة واحدة
بس الاتفاق احسن من الاختلاف بكتــير
تســــلم ايدك على طرح الموضوع
تقبلى مرورى

[ايسل]

عزيزتى نهى اقولك الصراحه اول ما قرأت موضوعك حسيت ان حد قصدنى ان اكلم فى الموضوع ده على الرغم من الأستحاله ولكن هذا تخيل المهم موضوعك بجد نهى مهم قوى
عارفه ان الأنسان ممكن يضيع احلى سنين عمره علشان يلاقى الأنسان اللى بيشبه عارفه يعنى ايه تعيشى مع انسان قبل ما تقولى الكلمه هو يكملها واول ما عينك تبص على حاجه هو يقولك هى لفتت نظرك ليه واول ما يدخل عليكى البيت يقولك هاتى البرنامج الفلانى اللى انتى وهو بتشاركوا بعض فى متابعته او لما تيجوا تحللو شخصية حد قابلتوه فى مكان ما تتفقوا فى نظرتكم للشخص هو ده احسن حب او من وجهة نظرى هو ده اللى لازم البنت تبحث عنه وهو الشخص الذى يشبهها فى التفكير والعقليه وليس الشكل او هو يحبنى او هو غنى او او او كما تفكر البنات بس هى دى وجهة نظرى
ومعلش انا عارفه انى رغيت كتير بس موضوعك جه على الجرح اعذرنى

[yasser0000]

انا مع عايشة لنفسى فى الراى وكمان باكد ان سبب السعادة او الملل فى الحياة بيكون بايد النصف الحلو مش كدة والا ايه يا حلو

[طلة القمر]

فينك يانهى
مش عارفه انا اللى مقصره فى الدخول ولا انتى
المهم انك بخير

رأيى بضم صوتى لايسل
ما أحلى الحياه عندما تكون هاديه
ومينفعش انك تلاقى نسخه منك
لكن ممكن وده توفيق من ربنا
تلاقى جزء منك فيه
ونفس الشئ للطرف الآخر يلاقى جزء منه فيكى
وبمرور الوقت تحسى
انه مش جزء منك لكنه
اصبح حياتك كلها
تسلم ايدك موضوع رائع
اختك طله

[كابوس الحرامية]

بصى ياقمرى
اولا موضوع جميـــل جداٌاٍ ويستاٌاهـل المناٌاقشة
ثاُانيأ احياُنا لما تحسى ان الطرف تانى افكارة نفس افكارك بتشعرى بملل لانك هتبقى عايزة جديد مش هتبقى عايزة نفس الى جواكى
واحيانا كتير الاختلاف فى الافكار بيسبب مشــاكل كتير
انا من رايى ان الاتفاق احسن بكتير وبالنسبة لموضوع الملل دة بيبقى بأيدك انتى انتى الى تقدرى تخلى حياتك فى تجدد وسعادة دايما وانتى الى تقدرى توقفى روتين حياتك وتقتصرية على حاجة واحدة
بس الاتفاق احسن من الاختلاف بكتــير
تســــلم ايدك على طرح الموضوع
تقبلى مرورى

اهلا بيكي يا قمر

كل قاعده وليها شواذ مش شرط يكون فيه ملل لما يكون الطرفين متوحدين في الفكر

والاهتمامات بالعكس بتكون الحياه افضل واسهل وبيبقى سهوله في التفاهم وتقارب الافكار

بس المهم اننا نلاقي النص التاني لان الانسان ميقدرش يعيش بنصين واحد متفاهم والتاني لا

لان الزواج والحب لازم يكون فيهم تفاهم متبادل بين الطرفين

واستني الجزء التاني في الموضوع حينزل باليل ان شاء الله

وحنتناقش برضه في ايه المفروض الطرفين يكونو مختلفين
..........

نورتيني يا مرام يا قمر بمرورك يارب دايما وعايزه اشوف رايك بالليل ان شاء الله
لما انزل التوبيك
***

[كابوس الحرامية]

عزيزتى نهى اقولك الصراحه اول ما قرأت موضوعك حسيت ان حد قصدنى ان اكلم فى الموضوع ده على الرغم من الأستحاله ولكن هذا تخيل المهم موضوعك بجد نهى مهم قوى
عارفه ان الأنسان ممكن يضيع احلى سنين عمره علشان يلاقى الأنسان اللى بيشبه عارفه يعنى ايه تعيشى مع انسان قبل ما تقولى الكلمه هو يكملها واول ما عينك تبص على حاجه هو يقولك هى لفتت نظرك ليه واول ما يدخل عليكى البيت يقولك هاتى البرنامج الفلانى اللى انتى وهو بتشاركوا بعض فى متابعته او لما تيجوا تحللو شخصية حد قابلتوه فى مكان ما تتفقوا فى نظرتكم للشخص هو ده احسن حب او من وجهة نظرى هو ده اللى لازم البنت تبحث عنه وهو الشخص الذى يشبهها فى التفكير والعقليه وليس الشكل او هو يحبنى او هو غنى او او او كما تفكر البنات بس هى دى وجهة نظرى
ومعلش انا عارفه انى رغيت كتير بس موضوعك جه على الجرح اعذرنى

اهلا بيكي يا عسل

اقولك بقى انا سر محدش فاهمك قدي

طبعا فاهمه كلامك كويس جدا لان احساس جميل ان شريك حياتك يبقى بيكملك في كل

شيء ووجهة نظركم وتفكيركم واحد وطبعا حيبقى فيه استقرار اكتر وتفاهم زي مقولت لمرام

وقولي اللي نفسك فيه يا قمر الموضوع للنقاش واستنيني بالليل برضه عشان الكلام لسه

مخلصش وللموضوع بقيه
..........
نورتيني بجد يا قمره بمرورك العسل ده تسلمي يارب

[كابوس الحرامية]

انا مع عايشة لنفسى فى الراى وكمان باكد ان سبب السعادة او الملل فى الحياة بيكون بايد النصف الحلو مش كدة والا ايه يا حلو

المشاركه في السعاده وتجديد الحياه مسئولية الطرفين مش طرف واحد

لان لازم يكون كل واحد عنده الرغبه في التضحية واسعاد الطرف التاني

نورتني بمرورك مرسي ليك

[كابوس الحرامية]

فينك يانهى
مش عارفه انا اللى مقصره فى الدخول ولا انتى
المهم انك بخير

رأيى بضم صوتى لايسل
ما أحلى الحياه عندما تكون هاديه
ومينفعش انك تلاقى نسخه منك
لكن ممكن وده توفيق من ربنا
تلاقى جزء منك فيه
ونفس الشئ للطرف الآخر يلاقى جزء منه فيكى
وبمرور الوقت تحسى
انه مش جزء منك لكنه
اصبح حياتك كلها
تسلم ايدك موضوع رائع
اختك طله

طله يا قمر
لا انا اللي مقصره في المشاركات شوية بس برجعلكم كل فتره بموضوع من اخراجي
تجديد عايزين نبعد عن المنقول شويه
يارب تكوني بخير انتي واسرتك
وانا بضم صوتي لصوتكم لان هو ده الصح والمنطق بيقول كده
ونادر جدا لما بنلاقي نفسنا في شخص تاني
كل واحد ونصيبه بقى بس الحمدلله كل واحد بياخد نصيبه
...................
نورتيني يا حبيبة قلبي
ويارب دايما منوراني كده علطول وانتظريني في الجزء التاني من الموضوع بالليل ان شاء الله عاوزة اشوف رايك
***

[No TiMe]

احم احم
السلام عليكم ورحمه الله وبركاته
والصلاه والسلام علي سيدنا محمد وعلي اله اجمعين
اما بعد
احب اقول توبك جميل اوي
وخصوصا ايامنا ديا ناس كتير بقت بدور علي المنظر والمظهر
ومش بتهتم بالجوهر
ناس كتير بتحب بقلبها ومش بتفكر في عقلها
بتهتم بالي في قلبها تمشي ورا قلبها
وبتركن العقل لوقت ما تقع الواقعه
لازم نفكر بعقل قبل القلب لازم نختار اللي يفهمك وتفهميه
اللي يقدرك ويقدر حبك وانتي نفس النظام
مش نفكر في قلبنا ممكن الشخص دا فيه سلبيات كتير اوي
متخلكيش تعيشي بطريقه سلميه هتلاقي عدائات كتير بينك وبينه
في صفات وطباع كتيره صعب اننا نغيرها وممكن مش تتغير
ولا حتي بمرور الوقت بس فيه ناس بتغير طبعها بس بعد ايه
طلوع الروح ووممكن بعد ما تلاقيه خد عليكي وفهمك يروح منك
نبتديها صح علشان نعيشها صح نفكر وبعد كدا نختار بقلبنا
الشخص اللي يفهمك واللي يقدرك في الطباع والفهم وكله
هتلاقي الحياه احلي بكتير
اسف علي الاطاله بس حبيت اوضح مش اكتر
والله علي ما اقول شهيد