الزواج فى مصر من أول فرعون الأول لغاية خليك كول يا مان !!

**عفريت أفندى** · 26 - 2 - 2010, 07:28 PM

الزواج فى مصر من اول فرعون الاول لغايه خليك كووول يا مان!

طرق الزواج
مصر الفرعونية

بابا انا عايز اتجوز اختى حت حور
خلاص يا ابنى خليها تنقل حاجتها فى قوضتك.. وابقى هاتلها حجرين صوان هدية..
مبروك يا تاح

مصر فى عصر الرومان

تتجوزينى يا افروديت
اتجوزك يا بانسيلوس
يللا بينا نبنى كوخ ع البحر ونعيش هناك يللا

مصر بعد الفتح الاسلامى

ولدى خالد يا شيخ احمد بيريد يتجوز ابنتك البكر الكريمة.. وبيبنى خيمة.. ويقدم مهر بعير
والله خالد ولدك زين الرجال .. وايش اتمنى غير رجل صالح يكون زوج لبنتى ..

وكما قال رسول الله صلى الله عليه وسلم ' ان جاءكم من ترضون دينه وخلقه فزوجوه ' ....

قيموا الافراح

مصر 1919

انت ح تتجوز بنت الحاج عبد الجليل .. انا كلمته خلاص ووافق .. وضب قوضتك وهات خلخال .. فرحك يوم الخميس اللى جاى
طب مش اشوفها الاول يابا
انت اتجننت يا ولد تشوفها ده ايه .. انت ح تتجوز والا تخبص حاضر يابا

مصر 1960

بقى يا ستى بنتك آمال جالها عريس
ياألف نهار ابيض يا ألف نهار مبروك
جدع طيب وابن حلال موظف فى الحقانية .. وماهيته مش بطالة .. اهو يبنوا حياتهم سوا بعد الجواز.. والا ايه رأيك يا أم العروسة؟
الرأى رأيك يا أبو العروسة .. والله العيال ح يعجزونا يا ابو محمد
فشر .. تدبل الوردة وريحتها فيها يا نرجوستى

مصر فى عصر الانفتاح

اخرسى يا بنت... انا اللى يتجوز بنتى لازم يكون عنده شقة تمليك وعربية وسوبر ماركت
بس يا ماما
ما فيش بس.. انا وابوكى قبل ما يموت فى الحرب كانت بتعدى علينا ايام ما
بنلاقيش ناكل.. انا يا بنتى مش عايزاكى تتعذبى زى ما احنا اتعذبنا.. انتى
ح تتجوزى فتحى ابن خالتك
بس انا مش بحبه يا ماما
الحب ما بيأكلش تونة فى الزمن ده يا فالحة
امرك يا ماما

مصر 1990

البنت: بابا ريكو حييجى يقابلك بكره وهو راجع من المول مع ديدى متتكلمش
معاه فى اى ماديات من فضلك انا بشترى راجل واحنا معانا كتير وبعدين الكلام
فى المهر والعفش والقايمه والفرح ده موضه قديمه وحاجات بلدى ياى
انا اتفقت معاه على كل حاجه والفرح فى كافيه ماريانو فى المعادى على الضيق كده وانا جيت اعزمك انت ومامى
الاب: مبروك يا حبيبتى

مصر 2010

بابى دودى اللى اتعرفت عليه من الشات مشغل الويب كام و عايز يكلمك علشان
يقراء معاك الفتحه اصله ملتزم اوى و مصمم يدخل البيت من ماسنجره قصدى من
بابه
الاب: على خيرة الله يا بنتى ده شكله فعلا ملتزم روحى شغلى الكاميرا و
الميك واناهلبس انا و مامتك ونيجى نقراء الفاتحه مش انتوا اتفقتوا على كل شىء
يا روحى يلا ربنا يتمملكم بخير

وصباح الخير يا مصر

**ابو تريكه** · 26 - 2 - 2010, 07:35 PM

ههههههههههههههههههه

توبيك روعه

بالتوفيق

**آية الرحمن** · 26 - 2 - 2010, 07:37 PM

ههههههههههههههههههههههههه هه

نايس توبيك يا وليد

وصباح الضياع يا مصر

**عفريت أفندى** · 26 - 2 - 2010, 09:34 PM

المشاركة الأصلية كتبت بواسطة ابو تريكه

ههههههههههههههههههه

توبيك روعه

بالتوفيق

تسلم يا عمونا

مرورك هو الأروع

و يارب دايما مبسوط و سعيد

**Moon Light S** · 27 - 2 - 2010, 05:00 PM

ههههههههههههههههههههههههه ههههههههههههههههههههههههه هههههههههههه
نايس توبيك
ربنا يستر الجواز مايتطورش عن كدة تبقى مصيبة ههههههههه

**عفريت أفندى** · 27 - 2 - 2010, 06:51 PM

المشاركة الأصلية كتبت بواسطة الرومانسية

ههههههههههههههههههههههههه هه

نايس توبيك يا وليد

وصباح الضياع يا مصر

تسلمى يا آيه

و ناااااااااااايس مرور و ناااااااااايس مشاركه

تحيااااااااتى

**عفريت أفندى** · 27 - 2 - 2010, 06:52 PM

المشاركة الأصلية كتبت بواسطة Moon Light S

ههههههههههههههههههههههههه ههههههههههههههههههههههههه هههههههههههه
نايس توبيك
ربنا يستر الجواز مايتطورش عن كدة تبقى مصيبة ههههههههه

يا عالم الأيام مخبيه إيه يا مون لايت !

ربنا يستر هههههههه

مشكوره ع المرور و المشاركه

تحيااااااااتى

**♥بـونـبـونـايـه سـكـره♥** · 6 - 3 - 2010, 07:48 PM

ههههههههههههههههههههههههه ههههههههههه
كامده كدااااااااا
ثانكس مرهف بكد ع التوبيك
دمت متميز

**عفريت أفندى** · 7 - 3 - 2010, 05:47 AM

المشاركة الأصلية كتبت بواسطة بونبونايه سكره

ههههههههههههههههههههههههه ههههههههههه
كامده كدااااااااا
ثانكس مرهف بكد ع التوبيك
دمت متميز

تسلمى يا بونبون

و يارب دايما مبسوطه و سعيده

نورتى التوبيك بضحكتك الجميله

تحياااااااااااااتى

**ران** · 7 - 3 - 2010, 04:42 PM

المرحلة الجايه ان شاء الله هتبقى
بابى انا اتجوزت توتو امبارح وجايه اعزمك على السبوع اوعى متجيش انت ومامى OK
حاضر يا حبيبتى والف مبروك ليكى انتى وتوتو
هههههههههههه
هههههههههههههههههههههههه
ههههههههههههههههههههههههه هه
تسلم يا كبير وربنا يرحمنا برحمته
ومساء الندالة يا مصر
تقبل رغيى
هههههههههههه

الموضوع: الزواج فى مصر من أول فرعون الأول لغاية خليك كول يا مان !!

أدوات الموضوع

الزواج فى مصر من أول فرعون الأول لغاية خليك كول يا مان !!

معلومات الموضوع

الأعضاء الذين يشاهدون هذا الموضوع

المواضيع المتشابهه

الرجال حسب وظائفهم يدلعون زوجاتهم

الزواج فى مصر من اول فرعون الاول لغايه خليك كــول يا مــان!!

الكلمات الدلالية لهذا الموضوع

ضوابط المشاركة