ابليس عاوز يسيب مصر

**هشام اللول1** · 27 - 2 - 2010, 09:56 AM

على باب سفارة كندا.. لمحت ابليس و ف ايده استماره

بقول له على فين.. قاللي بص .. يا هجره يا اعاره..

يا عم زهقت.. كفرت .. الاقيش معاك سيجاره..

انا انتهيت خلاص .. لا نافع وسواس ولا خناس

ولا ليا عيش وسط الناس..

دي عالم مجرمين.. عندكوا فائض ف الفساد..

في كل البلاد..

ومش محتاجين شياطين .. مليش عيش ف دي البلاد..

....

بقالي سنين عاطل .

و انتوا بتعرفوا تقلبوا الحق باطل..

و تسلكوا القاتل .. و تمشوا ف جنازة المقتول..

ومفيش مشاكل..

يا عم ده انا بقيت أوسوس بالمقلوب..

و أقول للحرامي .. كفايه بقى .. توووووب..

انت ايه . لوحدك هاتعمل كل الذنوب..

و أنا ابليس أشتغل واعظ .. ولا كمساري ف اتوبيس..

يا عم ده انا زمان

كنت استنى حد ينسى يسمي وهو بياكل لقمته..

دلوقتي كل اكلكم ملوث .. و بصراحه الواحد خايف على صحته..

ده مفيش ضمير اساساً عشان اموته..

و كل واحد بمزاجه .. خربانه ذمته..

يا عم ده كل حاجه اتسرقت..

وكده الاجيال الجديده م الحراميه اتظلمت..

يا راجل ده من كتر ما لطشت معايا..

خرجت ف مظاهره مع الناس اللي بتقول كفايه..

و برضه ......... مفيش فايده

**~ NORA ~** · 27 - 2 - 2010, 06:34 PM

شكرا على مواضيعك الرائعة وياريت تستمر في التقدم والنجاح وتعرض مواضيع كمان

**هشام اللول1** · 27 - 2 - 2010, 06:39 PM

المشاركة الأصلية كتبت بواسطة أهلاوية وأفتخر

شكرا على مواضيعك الرائعة وياريت تستمر في التقدم والنجاح وتعرض مواضيع كمان

شكرا لمرورك اختي الكريمه......
ودمتي في حفظ الله

**emadshemy** · 1 - 3 - 2010, 07:43 PM

ممتاز يا عم هشام ** خد دي من اخوك عماد
ابليس عايز يسيب مصر ويطفش قالوا له ليه قال كل الكبار علمتهم السرقة والخطف والتهب واكل حقوق الشعب ولما صارت معهم فلوس كتير كل واحد نكر خيري وكتب لوحة خلف مكتبه *** والله خير الرازقين**

**هشام اللول1** · 2 - 3 - 2010, 09:52 AM

المشاركة الأصلية كتبت بواسطة emadshemy

ممتاز يا عم هشام ** خد دي من اخوك عماد
ابليس عايز يسيب مصر ويطفش قالوا له ليه قال كل الكبار علمتهم السرقة والخطف والتهب واكل حقوق الشعب ولما صارت معهم فلوس كتير كل واحد نكر خيري وكتب لوحة خلف مكتبه *** والله خير الرازقين**

هههههههههههه
جميل منك ياعماد
هما دول الحكام والكبار
شكرا لمرورك الجميل

**محمد** · 4 - 3 - 2010, 08:59 AM

بصراحة الموضوع جامد ويستاهل التعليق

**عفريتـــة هانم** · 4 - 3 - 2010, 10:14 AM

والله عنــدك حق يا هشام مبقاش ليــة مكان صح
الناس مبقتش محتجاة
تسلم ايــدك على الموضوع الجميل
ويارب دايما فى تألق مستمر

**هشام اللول1** · 4 - 3 - 2010, 11:43 PM

المشاركة الأصلية كتبت بواسطة محمد

بصراحة الموضوع جامد ويستاهل التعليق

شكرا يامحمد لمرورك
نورت ياباشا

**هشام اللول1** · 4 - 3 - 2010, 11:49 PM

المشاركة الأصلية كتبت بواسطة عايشة لنفسى

والله عنــدك حق يا هشام مبقاش ليــة مكان صح
الناس مبقتش محتجاة
تسلم ايــدك على الموضوع الجميل
ويارب دايما فى تألق مستمر

تسلمي لمرورك يااختي الكريمه
فعلا ابليس الجن مبقاش ليه مكان معان
عقبال ابالسه البشر ما يغادرو البلد
نورتي الموضوع

**BOOOsy** · 30 - 5 - 2010, 05:48 PM

روووووووعه بجد توبيك جميل اووووووووى
تسلم الايادى وهو ده حال شعبنا

الموضوع: ابليس عاوز يسيب مصر

أدوات الموضوع

ابليس عاوز يسيب مصر

شكرررررررررا الله يعطيك العافية

معلومات الموضوع

الأعضاء الذين يشاهدون هذا الموضوع

الكلمات الدلالية لهذا الموضوع

ضوابط المشاركة