الضرايب والجمارك المصريه سرقه لزيادة سعر السياره

[m.7arb]

بسم الله الرحمن الرحيم
السلام عليكم و رحمة الله و بركاتة

أقوى جروب للسيارات المصريه لحمايه المستهلك ضد السرقه على الفيس بوك



أحنا الدوله الوحيدة إلى سعر العربيات فيها غالى جدا مقارنه بالدول الأخرى
و كل دة بسبب أشياء تعبر عن التخلف فى سياسه و إدارة الدوله مع العلم أن فيه دول أقتصادها أعلى مننا بمليون مرة و عندها العربيات رخيصة و دول مالهاش أقتصاد و تعتبر من دول العالم العاشر كمان و عندها نفس السعر و كمان فى العالم كله السيارات عبارة عن رفاهيه لصاحبها دلوقتى فى مصر حلم أمتلاك السيارة أصبح كابوس لازم نقوم منه


لكن للأسف نغمة أرتفاع السيارات المصريه فى تزايد و للأسف بسبب أشياء أن دلت فتدل على السرقة و النهب الذى سكت عنه الشعب مثل
الجمارك - ضريبة المبيعات - ضريبه ربح المستورد - ضريبة ربح التاجر - وضرايب غيرها كتير جدا منها أنك مصرى و عايز سياره


حتى شروط دخول السيارات غير طبيعى لا يشترط أمان السيارة أو غيره ففى كتير عربيات مدخلتش أوروبا أو ألمانيا أو دول كتير بسبب فشلها فى تخطى مرحله الأمان للسيارة و لكن نلاحظ إنها تنتشر فى مصر بطريقة بشعه غير طبيعيه و للأسف دا بسبب أن المسؤلين هيكونوا مستفيدين من دخول شئ زى كدة فى البلد و كأن كلمة فلوس بالنسبه للمسؤلين هيا طوق النجاه لأنه لما يسيب المنصب بتاعة مش هيعرف يسرق تانى


على سبيل المثال التويوتا كرولا خارج مصر و من مصنعها بسعر 12,000 دولار و ذلك يعنى 66,000 جنيه مصـرى لكن بالنسبه لسعرها فى مصر نلاحظ أنه فى حدود 145,000 جنيه مصرى يعنى بمعنى أصح أكتر من سعرها مرة و زيادة

و السيارة تاتا نانو الهنديه أرخص سيارة فى العالم بمبلغ 2500 دولار تكتسح أوروبا و تكتسح دول كثيرة بسبب سعرها و بسبب مظهرها الخارجى وتخطيها أمتحانات الامان و فى مصر لم تدخل لأن سيكون سعرها أضعاف تمنها الطبيعى بسعر 40,000 جنيه و لذلك أعطيت الحكومة المصريه فرصة للسارقين مثل نانو إيجيبت فى أنتاج سيارة بمنتهى الغباء تدعى نانو إيجيبت و تعتبر طريقة للنصب على الشعب بشكل سيارة و فى الأخر بسعر 25,000 جنيه و لن تستاهل منهم سوى ألف جنيه واحد فقط لأنها ليس بها مارشدير يعنى إلى عايز يركنها يبقى يشيلها من مكانها و يحطها فى المكان إلى عايز يحطها فيه


طبعا موضوع فرامل شركة تويوتا و موت عدد من الأشخاص و شركة فورد الهجينه و الوسادات الهوائية لشركة فورد قللت سعر السيارات الحديثة كمان فى العالم كله و بالرغم من ذلك نفس الجمارك بتاعتنا و نفس السرقة بتاعة المسؤلين هيا هيا و كأنها عقيدة راسخة فى أذهانهم
دا غير بعد كدة قرف الصرف على السيارة و القرف بتاع الطرق بتاعة الأسفلت و أمناء الشرطة فى المرور إلى بيعملوا أى مشكلة مع صاحب العربيه عشان ياخد فلوس يعنى مرتشى فى مصر و غيرهم و غيرهم


فهل شعبنا هيسكت فترة طويلة ..... !!؟؟؟
فهل أحنا أتعودنا على كدة ..... !!؟؟؟



فى النهايه أحب أبشر كل فاسد فى الدوله
سوف تتسع كروشكم للفساد أكثر و أكثر
لكن أحذروا أن تنفجر بقدرة الله القهار

منقول

[احمد حسين]

و السيارة تاتا نانو الهنديه أرخص سيارة فى العالم بمبلغ 2500 دولار تكتسح أوروبا و تكتسح دول كثيرة بسبب سعرها و بسبب مظهرها الخارجى وتخطيها أمتحانات الامان و فى مصر لم تدخل لأن سيكون سعرها أضعاف تمنها الطبيعى بسعر 40,000 جنيه و لذلك أعطيت الحكومة المصريه فرصة للسارقين مثل نانو إيجيبت فى أنتاج سيارة بمنتهى الغباء تدعى نانو إيجيبت و تعتبر طريقة للنصب على الشعب بشكل سيارة و فى الأخر بسعر 25,000 جنيه و لن تستاهل منهم سوى ألف جنيه واحد فقط لأنها ليس بها مارشدير يعنى إلى عايز يركنها يبقى يشيلها من مكانها و يحطها فى المكان إلى عايز يحطها فيه


موضوع في غاية الاهمية

ودا مجرد نوع من الاف الانواع

في غلاء الاسعار

تقبل مروري اتقديري لمجهودك

دمت بود

[m.7arb]

دا حتى جمرك العربيات الأوروبيه نزل 10% وبرضو الوكلاء بيؤلو مش هتحس بالفرق الا بععد 4 او 5 سنين من التخفيض
سرقه عالنى
دا نسبه ربح الوكيل فى العربيه على ما اظن 30%

[احمد حسين]

دا حتى جمرك العربيات الأوروبيه نزل 10% وبرضو الوكلاء بيؤلو مش هتحس بالفرق الا بععد 4 او 5 سنين من التخفيض
سرقه عالنى
دا نسبه ربح الوكيل فى العربيه على ما اظن 30%

حسبي الله ونعم الوكيل

والله انا مش عارف ارد اقولك ايه بس

دا في النتقطة دي فيها تسالات كتير

الفلوس دي بتروح فين ؟؟؟؟؟؟؟؟؟؟

اسيبك انت وباقي الاعضاء تخمنوا بتروح فين ؟

احنا عيزين نتكلم مش بس عن السيارات لا عن كم الغلاء في مصر

انا فتحت الموضوع ليكم

[m.7arb]

ايه يا جماعه محدش هيشركنا ولا ايه

ياناشس احنا بأدينا نغير حال البلد

لو مش احنا هنغير حالنا مين يغيره

[m.7arb]

ياجماعه ياريت تشاركونا ع الفيس بوك احنا بحمد الله بئينا 400 عضو فى 3 ايام
دا رابط الجروب
http://www.*************/topic.php?ui...50091757945377
ودا رابط المناقشه
http://www.*************/group.php?gi...77&topic=13221

[hero]

تمام موضوع جميل وللنقاشض
انا معاك ان كمية الحراميه فى مصر
رهيبه جدا
بس بجد واللهى
بس انته بتكلم على اسعار السيارات فى مصر
بص للطروق
عندنا كده عمله ازاى
هل هى تستحمل كميه من السيارات لما افتح مجال الجمروك فى مصر
اذا الطروق الوقتى مش مستحملها الموجودين
بعدين انا هاقولك مدى حب المصرين للسيارات وعندهم حق ان احنا نحب السيارات لان بره مفيش حد بيمشى من غير سياره
احنا كا طروق مفيش
بعدين بص لما نازل سعر مستبيشي لانسر واتعمل بالتقسيط او منتهى بالتمليك الناس فى مصر اتهبلة عليه
لانها نازلت من 120الف الى 94الف دى طبعا اللى هى o*tتخيل بئه لما الجمرك تنازل من عما اعتقد الوقتى بيخدو نسبه 45فى الميه لما تنازل هانقول زى دول الخليج 12فى الميه الدنيا فى مصر هاتعمل ازاى
وطبعا انا معاك فى موضوع السرقه انما اسعار السيارات تنازل فى مصر ده هايكون صعب بالنسبه للطروق
معلش طولت عليك وموضوع مهم جدا وجميل
وبشكرك على ما طرحت
وسلمت يداك تقبل تحياتى اليك

[m.7arb]

الحل إنك تحل أزمة المرور وتفكر فى بدائل ووسائل لتخفيف الأزمة مش إنك تحرم الناس من شراء عربيات


إنت بتفكر فى القاهرة وبس .. لكن باقى الشعب فى باقى المحافظات اللى نفسه يبقى عنده عربية ترحمه هو وأسرته من قرف السواقين وقلة ذوقهم .. دول تحرمهم ليه علشان أزمة فى القاهرة ناتجة عن سوء التخطيط وفشل فى إدارة الأزمة؟؟
أخيرا.. معنى كلامك ده إن إحنا نقول مثلا نظرا لارتفاع نسبة الإصابة بسكر الدم فى المصريين وزيادة عدد المصابين بمرض السكر إن إحنا نغلى السكر وكل الحاجات اللى طعمها حلو علشان الناس تبطل تشترى وتقل الإصابة بالسكر!!
وعجبى ..!!

[m.7arb]

تمام موضوع جميل وللنقاشض
انا معاك ان كمية الحراميه فى مصر
رهيبه جدا
بس بجد واللهى
بس انته بتكلم على اسعار السيارات فى مصر
بص للطروق
عندنا كده عمله ازاى
هل هى تستحمل كميه من السيارات لما افتح مجال الجمروك فى مصر
اذا الطروق الوقتى مش مستحملها الموجودين
بعدين انا هاقولك مدى حب المصرين للسيارات وعندهم حق ان احنا نحب السيارات لان بره مفيش حد بيمشى من غير سياره
احنا كا طروق مفيش
بعدين بص لما نازل سعر مستبيشي لانسر واتعمل بالتقسيط او منتهى بالتمليك الناس فى مصر اتهبلة عليه
لانها نازلت من 120الف الى 94الف دى طبعا اللى هى o*tتخيل بئه لما الجمرك تنازل من عما اعتقد الوقتى بيخدو نسبه 45فى الميه لما تنازل هانقول زى دول الخليج 12فى الميه الدنيا فى مصر هاتعمل ازاى
وطبعا انا معاك فى موضوع السرقه انما اسعار السيارات تنازل فى مصر ده هايكون صعب بالنسبه للطروق
معلش طولت عليك وموضوع مهم جدا وجميل
وبشكرك على ما طرحت
وسلمت يداك تقبل تحياتى اليك

طيب لو الحكومة بتفهم صح بقى طيب ماهى تعمل برج كبير كدة و تخليه جراج و يكون مكون مثلا من 20 دور أو 15 دور زى الدول الأجنبيه و تاخد فلوس على دخول العربيات باليوميه لو عايزة بجد تستثمر بقى فيه مليون طريقة أبسطها يصحوا عسكرى المرور إلى بيكون نايم على نفسه و كل حاجة هتتظبط

[m.7arb]

فعلا فيه دول كتيرة من سكاتها أتحولت لمجاعات و دول عالم تالت و للأسف أحنا منهم دولة عالم تالت من سكاتنا
و فيه دول عشان قالت لأ و أعترضت على حالها بقيت من أكبر الدول فى العالم زى الصين و دلوقتى أحنا متعقدين منها مش عشان جودة الخامات بس عشان أنتشارها الفظيع و شوف دلوقتى دولة الصين بقيت عامله أزاى دولة صناعية 100% بتستهلك صناعتها و بتصدر مليارات غيرها رغم أن شوف عدد سكانها أد أية
للأسف الساكت عن الحق شيطان أخرص أنا ليه أركب عربيه متكلفة مثلا على سبيل المثال 10 ألاف جنية و أركبها بـ15 ألف جنيه ؟ هيا بلطجة ولا أتاوة زى مابيقولوا