مصراوي مفيش منه
حوار ببن حفيدة و جدها عام 2080
الحفيدة : جدو تامر إزيك .. حلو البدي اللي انت لابسه ده . بس ده
موضة قديمة قوي يا جدو
الجد : يا بنتي أنا راجل دقة قديمة وبالبس زي ما جيلنا اتعود وحسب
التقاليد القديمة بتاعتنا
الحفيدة : أيوه بس مش حاسس إنك مخنوق وانت لابسه؟
الجد : أبداً ده هو ده اللبس المحتشم اللي مفروض الكل يلبسه
ويحافظ عليه .. فين أيام زمان لما كنا نلبس البدي اللي مبين البطن
والظهربس، مع البنطلون السترتش الجلد والجوانتي الجلد... كانت حاجة
آخر روشنة
الحفيدة : ياه يا جدو .. ده انتوا كان ليكم تقاليد غريبة خالص
الجد : وهو انتي فاكرة إن أيامكم دي أيام؟ يا بنتي أيامكو دي ما
يعلم بيها إلا ربنا .. فين أيام سنة 2002م ، هو الواحد فينا كان
يستجري يشرب سيجارة البانجو ولا يسحب له سطر بودرة قدام أبوه؟ طب ده
الدنيا كانت تتقلب ساعتها وما تتعدلش .. أمال إيه .. كان فيه حاجة
اسمها أخلاق
الحفيدة : معقول يا جدو؟ للدرجة دي؟؟
الجد : أمال انتي فاكرة إيه .. وبعدين كانت الست من دول ما تلبسش
اللبس الخليع بتاع اليومين دول .. يعني الجيبة كان لا يقل طولها عن
شبر ونص .. وكانوا الستات يلبسوا فوقيها بلوزة باستمرار ..مش زي دلوقتي
الحفيدة : يا خبر .. وإيه كمان ياجدو
الجد: ح أقول لك إيه ولا إيه .. يعني خدي عندك مثلاً .. زمان كنا
نسمع الطرب الأصيل لمطربين حقيقيين زي مصطفى قمر ، وعمرو دياب ،
وكانت الأغنية مدتها أكثر من دقيقتين متواصلين من الطرب الأصيل
والسريعة الروشة اللي تعمر النافوخ بصحيح كانوا مطربين روشين طحن
وكله كوم والست كوم تاني
الحفيدة: ومين الست دي يا جدو
الجد: في حد مايعرفش الست...نانسي عجرم طبعا
الحفيدة : وبعدين
الجد : وبعدين كنا نسمع على حاجة اسمها اسطوانات ليزر ، ودي صحيح
انقرضت ، بس
كان ليها طعم عن دلوقتي ، يا سلام لما كنا نحطها في الووكمان ونعلقه
في حزام البنطلون ونمشي في الشارع كده ،، كانت أيام جميلة
الحفيدة : حكاويك ممتعة قوي يا جدو .. ثانية واحدة بس لما أصحي
سوسو صاحبي
لأنه بايت معايا في الأودة من امبارح ..
)بعد عدة دقائق) هيه يا جدو .. وبعدين
الجد : أحلى أيام بقى كانت أيام الدراسة ، الفصل كان على أيامنا
رايق وعدد التلاميذ فيه ما يزيدش عن ستين سبعين تلميذ ، وكنا ساعتها
بنعرف نفهم الدرس كويس مش زي دلوقتي ، وكانت الشوارع أيامها فاضية
لأن مصر كلها كان تعدادها 70 مليون مش أكثر ، تخيلي بقى الروقان
اللي كنا فيه؟
الحفيدة : 70 مليون بس؟
الجد : أمال إيه .. علشان كده كانت كل حاجة رخيصة ، يعني مثلاً
كيلو اللحمة يوم ما يضربه الدم كان يبقى بخمسة وعشرين جنيه أو بخمسة
وتلاتين جنيه ، وكان أتخن جوز جزمة بمتين وخمسين جنيه ، وكان الواحد
يقدر يشتري شقة تمليك بـ 350 الف جنيه بس .. وكان الدولار بستة جنيه
بس تخيلي بقى؟
الحفيدة : ما هو علشان كده كان الجواز على أيامكم كان سهل خالص
الجد : أمال .. ده احنا الواحد مننا كان بمجرد ما يوصل سن 35 سنة
يبتدي يفكر في الجواز على طول ، وما كانش عندنا الأفكار الغريبة
اللي بتعملوها دلوقتي زي إن البنت تعد مع الولد كام سنه قبل الجواز
علشان يتعرفوا على بعض أكثر زيك انتي وسوسو صاحبك ، أنا شخصياً شايف
إن ده وضع مش لطيف ، ده احنا يا بنتي على أيامنا كان لا يمكن البنت
تتأخر بره البيت عن الساعة أربعة صباحاً ، طب ده باباها كان ممكن
ساعتها يخاصمها
الحفيدة : ده انتوا كنتوا متزمتين خالص ياجدو!!
الجد : يا بنتي إحنا اتربينا على الأخلاق والفضيلة والعادات
والتقاليد .. يعني كان الواحد مننا زمان لما يدخل الأسانسير ويلاقي
جاره في الأسانسير ممكن يفكر يصبح عليه ، ومش بعيد كان يسأله عن
أحواله ... وكانوا أهل الفن محتشمين جداً وكانوا دايماً يطلعوا
بالمايوهات البيكيني ، والمذيعات كانوا يقعدوا جنب الضيف مش على
ركبته زي دلوقتي... هيـ يـ يـ يـ ـه الله يرحم دي أيام
الحفيدة : رايح فين يا جدو
الجد : أصلي كنت موصي الجزار على اتنين كيلو لحمة وأعطيته ثلاثة
آلاف جنيه عربون وعايز أروح أطمن إذا كانت اللحمة وصلت ولا لأ
الجد : أمال انتي فاكرة إيه .. وبعدين كانت الست من دول ما تلبسش
اللبس الخليع بتاع اليومين دول .. يعني الجيبة كان لا يقل طولها عن
شبر ونص .. وكانوا الستات يلبسوا فوقيها بلوزة باستمرار ..مش زي دلوقتي
ههههههههههههههههههه
هيحصل وصدقينى
ومما زادنى فخراً و تيهاً *** وكدت بأخمصى أطأ الثريا
دخولى تحت قولك يا عبادى ** و أن صيرت أحمداً لى نبياً
البحث على جميع مواضيع العضو ابو تريكه
ههههههههههههههههههههههههه ه
لالالالاالا جااااااااااااامدة اوووووى
تسلم ايدك يا قمر
بس ليه بنفكر ان الحكاية هتزيد
يمكن تقل ويحصل تغير والله
ليه متتخيليش ان كل البنات يبقوا منقبين
بلاش كل دى علشان صعبة اوووووى
معظمهم
والباقى لبسين ازدال ومفيش حاجة اسمها بنطلون دى ولا بادى
والرجالة يبقوا محترمين ومفيش حاجة اسمها معكسات
وكمان لبسهم يبقى شيك وكل حاجة بس مش الى مسقت البنطلون والى لابس تى شيرت خلاص هينفجر منه والرسومات الى عليه وكده
مش هنقول يلبسوا الجلبيات البيضة ويربوا دقنهم والحجات دى مع ان والله ممكن تحصل
والافلام الجديدة الى دلوقتى دى بالله عليكى دى افلام تتزاع على التلفزيون وكتر خيرهم كتبين للكبار فقط
لا والله طب كويس والله
يعنى حاجات غريبة
الله اعلم اذا كانت هتتغير للاحلى ولا للاوحش
ربنا يستر
مرسي يا قمر التوبيك الجمممميل ده
ضحكتينى والله
دمتى بحفظ الرحمن
تقبلى مرورى
مصراوي
ياريت يرجع الزمن القديم ويرجع حب الناس لبعض،ونرجع للتقاليدوالعادات الجميلة،ولخير زمان نقبل ايدي امهاتناوابائنا.راحت فين النخوة والحزم.كفاية حرام............وشكرا.
لان ببساطه دى من علامات يوم القيامه
الناس بتهجر القرأن والاسلام
والكاسيات العاريات
وقله الايمان
وغيرها
وربنا يرحم الجميع
ومما زادنى فخراً و تيهاً *** وكدت بأخمصى أطأ الثريا
دخولى تحت قولك يا عبادى ** و أن صيرت أحمداً لى نبياً
البحث على جميع مواضيع العضو ابو تريكه
مصراوي مفيش منه
بصراحة ياحودة انت وجوجو نورتونى وعجبنى ردكم اوى وانكم مااخدتهوش للضحك بس والله اعلم ايه اللى هيحصل تانى مرة بجد نورتونى69631200144214cz2k
.jpgt017..jpg
المشرفه المميزه لقسم مصراوي يتحدى الملل و قسم الترحيب المناسبات
ههههههههههههههههههههههههه ههههههههههههههههههههههههه هههههه
كامده كدا يا اميره ياعثل
نجم مصراوي
هههههههه الله يرحم أيام زمان
الحمد الله اننا في والزمن الجميل
الذين يشاهدون الموضوع الآن: 1 (0 من الأعضاء و 1 زائر)
ضوابط المشاركة
رد مع اقتباس
