مشرف الركن الإسلامي
►█◄يا ترى هتربي ابنك ازاي ؟؟؟؟؟♦♦►█◄
يا ترى هتربي ابنك ازاي ؟؟؟؟؟
بجد بقيت مش عارف ليه حاسس بخوف ان الايام اللي جايه
هينعدم فيها الابداع .. الاخلاق .. القيم .. النظام ... النظافه
انا مش هقول انا مبدع ولا اقول اني يعني ماشي علي الصراط المستقيم ولا ملاك
يعني أنا مش كامل لأن الكمال لله وحده
بس علي الاقل الاساس بتاعنا قوي .. اتعمل صح
من وسائل اعلام ومدرسه وبيئه
لحد ماكبرنا وعرفنا ايه الصح وايه الغلط
ايه اللى نتفرج عليه وايه اللى منتفرجش
يعني متفرجناش من صغرنا على حاجه مش كويسه
ولما كبرنا نعتبرها بعد كده عادي
ياتري ايه رأيك انت في وسائل الاعلام والمدرسه والبيئه ؟
...
انا قعدت مع نفسي كده مرة بتفرج على التليفزيون .. كميه المناظر السيئة اللى بشوفها في كل قناه ..تشيب
كميه الخلاعه اللي في الاعلانااات التافه اللى ملهاش اي لازمه .. بتفسد العقول
فاكرين الكارتون وبرامج اطفال زمان ..
افلام الكارتون كلها فيها اصرار .. عزيمه .. محاربه الاشرار
وبرامج الأطفال تعلم الصح من الغلط
ممكن يبان الكلام ده تافه شويه .. بس معنااه اعمق بكتير من ظاهره .. البرامج دي اثرت فيا واثرت في كل واحد فينا وهو مش حاسس .. لكن زرع جواه بذره خير وذكري جميله
دلوقتي شوف الكارتون عامل ازاي ؟
بيستخف بعقل الطفل ...
يا اما الحوار بين الشخصيات حوار تافهه الطفل نفسه ممكن يتأذي فكريا من الحوار ده
يااما كله عنف وضرب وعصابات وحاجات تخلى الطفل يتربى على العنف والتهور واللا مبالاة
اما برامج الأطفال ..
والأطفال نفسهم مش بيفكروا يتفرجوا عليها وبيحسوا انها مش جذابة لهم ولا مناسبة لتفكيرهم
وتلاقيهم دايما بيرددوا اغاني الكبار اللي هي كلها خلاعة ومياصة
والغريب اني باشوف برامج بتسمي دي مواهب وتلاقي المذيع بيسأل الطفل ويقوله تعرف تغني ايه؟
ولما الولد او البنت يغني اغنية من اغاني المشاهير
تلاقي الكل بيسقفله ويقول لأبوه وأمه طفلك عنده موهبة عظيمة لازم تنميها ؟؟؟
...
فين المواهب والابدااع ده؟
تقليد مغني وشوية حركات بنسميه ابداع ؟؟؟؟
الطالب وهو في خامسه ابتدائي شايل موبيل ... معرفش ليه
لما تشوف تلميذ شايل موبيل .. بتحس بأيه ؟
انا بحس ان البركه انتهت في الزمن ده
انا لما كنت عايز حاجه .. اهلي كانوا بيقولوا ليا .. هات درجه حلوة في الامتحان وانا هجبلك ده
بيبقا فيه جوايا عزيمه وتحدي
دلوقتي .. كل حاجه في ايد الطفل بقت متاحه حتي الموبيل
وطبعا الناس هتقول في بالها .. يعني انت سبت كل حاجه ومسكت في الموبيل :d
ده لوحده بلوه من بلاوي الزمن :d
....
هتربي ابنك ازاي في زمن النت ؟
زمن الدش ؟
زمن الاعلانات؟
زمن السيبرات ؟ بعد انتشاره في كل حته
زمن الموبيلات والسيتي ستارزات :d
ياريت تحكي انت اتربيت ازاي وايه الحاجات اللي انت اتعودت عليها ورسخت فيك
من افلام كارتون
تعاملات في المدرسه
هدايا من اهلك نتيجه عمل انت عملته مش هديه من باب للطاق يعني :d
قول رايك في الزمن ده
احكي زي منا حكيت
ومتنساش تقولي هتربي ابنك ازاي وتمنعه من اي حاجه تضره ازاي بردو؟
:d
عضوه مميزه
بارك الله فيك
أحييك على الموضوع
فهذه الكوارث فى كل بيت الآن
احنا بنربى
وللأسف كل دول بيربوا معانا
باختصار حرد على واحده فقط
وانشاء الله ادخل تانى
الكرتون ده بلاء بلاء بلاء
ما بيعلم غير العنف والنط على كراسى الانتريه
ولما تنده
الرد بعد ساعه
لان كل حواسه متبنجه معاه
حذفت كل قنوات الكرتون وتركت واحده فقط
وقريبا حشيلها
وللعلم بيكونوا أهدى بكتير
والوقت بيكون كافى للرسم
أو اللعب
اختك طله
مشرفه ركن الترحيب والمناسبات
مشاء الله موضوع بجد هياخد الذكرها للايام الا الواحد يتمنى انوا كان يفضل فيه
بصراحة انا الحمد لله حسه انى انسانه اتربيت صح يعنى كان زمان
كل حاجه ليه طعم كان الكارتون الا هو لتسلية كان دائما فيه هدف فيه شىء لازم نتعلمه مع نهاية كل حلقة
اكيد كان فى حاجه اسمه الصح والغلط وكمان كان قليل التليفزيون وفتحه يعنى مع ان كان فيه حاجات وبرامج رائعة
انا مش فكره اسماء بس بجد كان فى اشياء رائعة وبحس ان كل فترة التغير بياخدنا لتحت مش لفوق مش عارف مع انا المفروض نكون لفوق
انا هربى اولادى ان شاء الله على قد مااقدر زى ما اتربيت هحاول ازرع فيهم ان الصح صح والغلط غلط ولازم يكون عارفين كده
يعنى ممكن الابداع يكون فى رسم فى انهم يعملوا شىء يفيد مثلا لو امكانيات ويصنعوا حاجات ليهم اديهم مساحة للاختراع مع متابعتى
وبجد حاجات كتير باذن الله وبجد شكرا ليك على المساحة الا اديتها ليا ويارب نقدر نوصل لاننا محتاجين ان الجيال القدام يكون احسن منا بس
فى كل شىء مش فى شىء واحد بس يكون اقوى منا فى الايمان ويكون ليهم شان بس الخوف من العوامل المحيطة بيهم ربنا يستر ويحفظ الجميع
طولت عليك بس بجد موضوع اكثر من رائع جزاك الله خيرا
مصراوي على حق
بصراحة كلامك صح كان نفسى فى السؤال دا من زمان متهيالى اننا جيل المستقبل
اللى هو اصلا ضايع مبقاش فى مستقبل كويس لحد بس هنعمل ايه ادينا عايشين
انا لسه صغيرة اه بس فى حاجات كان نفسى اتربى عليها كان نفسى اتربى على ان
حد يسمعنى لما اتكلم حد يفهمنى ايه الصح وايه الغلط مش حد بيعاقب وبس
دى اكتر حاجة ناويه انى اعملها مع عيالى ان شاء الله
مشرف الركن الإسلامي
شرفتيني أختي طله ربي يحفظك يارب العالمينالمشاركة الأصلية كتبت بواسطة طلة القمر
بارك الله فيك
أحييك على الموضوع
فهذه الكوارث فى كل بيت الآن
احنا بنربى
وللأسف كل دول بيربوا معانا
باختصار حرد على واحده فقط
وانشاء الله ادخل تانى
الكرتون ده بلاء بلاء بلاء
ما بيعلم غير العنف والنط على كراسى الانتريه
ولما تنده
الرد بعد ساعه
لان كل حواسه متبنجه معاه
حذفت كل قنوات الكرتون وتركت واحده فقط
وقريبا حشيلها
وللعلم بيكونوا أهدى بكتير
والوقت بيكون كافى للرسم
أو اللعب
اختك طله
مشرف الركن الإسلامي
ربي يبارك فيكي أختي الكريمه ريم
أسأل الله أن يفرحك بأبنائك وأن يكونوا عونا لكي وسندا في دخول الجنه اللهم آمين يارب العالمين
مشرف الركن الإسلامي
ربي يكرمك دائما وأبدا يارب العالمين
جزاكي ربي الجنه
موقوف
اكيد انت مش عايز رد بكلام
لان تربيتى باينة من توقيعى ..
طبعاا مفيش احسن من كدة تانى
وادعيلى ربنا يخلى الواد اللى فى التوقيع بتاعى دة ويكبر ويبقى احسن حد فى الدنيا
مشرف الركن الإسلامي
ربنا يهدينا جميعا يا أخي الكريم
مؤسسي مصراوي كافيه
احنا فى زمن الاطفال ليسوا باطفال
الواحد ينزل يمشى فى الشارع ويشوف المناظر طفل لسه فى ابتدائى او اعدادى
والاقيه مااشى مع دى ويضحك مع دى وغير الاطفال مع بعضهم والالفاظ اللى بتخرج منهم
وكل واحد شايل فساد فى ايده وبيستعملوا فى كل شىء حرام
يبقى طفل زى ده لسه مايعرفش حاجه عن الدنيا ووصل للشىء ده
مال لما يكبر هيعمل ايه ؟
يعنى الحمد لله على تربيه اهلى لياا
والواحد حااطط فى دمااغه اشياء كثير اتعلمهاا انه يقدر يفيد بيها ولاده
وطول ما الواحد بيرى اشياء كويسه يقدر يفيد بها ولاده بحطهاا فى دمااغى
لكى تعيينى على ذلك واتمنى ان اكون قد هذه المسئوليه
حتى لا يسئلنى ربى عن رعيتى وما فعلت بهاا
ارجو الهدايه لى ولكم ولسائر المسلمين
الذين يشاهدون الموضوع الآن: 1 (0 من الأعضاء و 1 زائر)
ضوابط المشاركة
رد مع اقتباس
