نصايح للبنات المخنوقة من اخوها

[AMIRA1991]

أى بنت مقهوره وعايزة تنتقم منأخوها ومخنوقة اوى منه

أول حاجة

**لو فى مبارة فى التلفزيون**

لو فى مباراة وأخوكى متحمس أقطعى الحماس ده بسرعة

اقولك ازاى

استنى لحد ما يندمج اوى فى الماتش

وهتعرفى أنه اندمج لما تلاقى عنيه مفتوحين ومفنجلين كده على

الااااخر ومش همه حد يعنى ممكن تجيبى صاروخ تفجريه

جنبه ولا ياخد باله حتى

المهم

هنا قومى بشغلك

روحى جيبى قطعه قماش وبخاخة التنظيف واقفى عند التلفزيون وامسحى الشاشه

واذا قال ابعدى

قوليله أنا مش فاضيالك أنا بنضف وبمسح انت قاعد فاضى صحيح وانا اللى متبهدلة فى البيت ده

وبعدين روحى جيبى المكنسة واكنسى المكان اللى

هو فيه وحاولى كل شوية تكنسى قدام التلفزيون

وتعملى دوشة كتير اوى

وغطى عليه ولا يهمك

ولوقال ابعدى وحسيتى أنه هايحدفك باأى حاجة فى وشك متخافيش

قولى يعنى اسيب البيت كده والضيوف جايين في السكة

وبعد كده اعملى أنك نسيتى الكيكة فى الفرن وتجرى عشان تلحقيها يعنى

ودوسى على رجليه واجرى وماتبصيش وراكى

أمابقى عند النوم*

لما تحسى أنه دخل فى النوم

هاتى اى طفل يقابلك ابن خالتك او اخوكى الصغير

ابن الجيران ان شاللة ابن البواب

ودخليه يلعب فى اوضته فوق راسه

وقوليله الأطفال احباب الله ايه فيه ايه



او تعالى وهو فى سابع نومه وصرخى جنبه بصوت عالى

وبكل برود قولى (عايزين نخرج)



ولوشفتيه مش رايق ومالوش خلق

اوعى تخافى هى دى فرصتك بقولك اوعى تخافى

بس خلى بالك من حركاته

وحضرى مفتاح اوضتك علشان هاتحتاجيه

وبعدين لما يجى يطلع من الحمام بعد مياخد شاور اضحكى على شكله وعلى شعره المنكوش

وعلى هدومه

واذا قال بقولك ايه ابعدى علشان أنا مش رايق دلوقتى

هنا فرصتك الحقيقية زودى العيار حبتين

ولو حسيتى انه هيتحول

اجرى وهاتى مفتاح اوضتك واقفلى على نفسك بسرعة ده بقى دراكولا وممكن ياكلك من اللى عملتيه فيه



وقت المعركة

ولو طلعت فكرة فى دماغك وحبيتى انك تقومى

بمعركة انتى وهو

لازم تجهزى نفسك من كل ناحية

1/اللبس: لازم تلبسى تريننج علشان يسهل الجرى

2/ تلبسى كوتش اديدس عشان الجرى

واليوم ده ياريت تكونى حاطة حنة على راسك

علشان مايقدرش يلمس شعرك

3/ مفتاح الاوضة اوعى تنسى لأن الإحتياط واجب



اذا بدأت المعركة اوعى تبينى انك خايفةوأول ما ايده تطول

اوعى تستسلمى واديله

طراااااااااااااااااخ

بالبوكس فى عينه الشمال مش اليمين خلى بالك من الفرق علشان مايشفش ادامة

وحطى رجلك ادامة وهو مش شايف كده عشان يقع على وشه وهو بيجرى يلحقك
وعلى طووووووووول

على اوضتك اللى مجهزة مفتاحها قبل كده

بس نصيحة اقعدى يومين لايشوفك ولا تشوفيه

لأنه عاوز ينتقم لكرامته .

تلف الحاجات اللى بيحبها *

هاتى معجون السنان بتاعه واغسلى بيه سنانك كله ويجى يقولك انتى لية اخدتى المعجون يارخمة انتى وخلصتيه وعايز يخبطك باأى حاجة من ادامه بلاش تخلى حاجة فى البيت احسن ليكى عشان ميلاقيش حاجة يخبطك بيها
قوليله ببرود يعنى انت بتستخسر فى اختك حبيبتك معجون

ادخلى على الكمبيوتر بتاعة ونزلى افلام رعب وصور مرعبة وامسحيله حاجاته اللى على الجهاز بس بلاش الافلام الهندى اما مش لو بيخاف عادى بالنسبة له ووممكن هو اللى يرعبك بالليل وانتى نايمة وتروحى فيها بلاش الفكرة دى لاتروحى فيها

[ابو تريكه]

لما تحسى أنه دخل فى النوم

هاتى اى طفل يقابلك ابن خالتك او اخوكى الصغير

ابن الجيران ان شاللة ابن البواب

ودخليه يلعب فى اوضته فوق راسه

وقوليله الأطفال احباب الله ايه فيه ايه



او تعالى وهو فى سابع نومه وصرخى جنبه بصوت عالى

وبكل برود قولى (عايزين نخرج)



اذا بدأت المعركة اوعى تبينى انك خايفةوأول ما ايده تطول

اوعى تستسلمى واديله

طراااااااااااااااااخ

بالبوكس فى عينه الشمال مش اليمين خلى بالك من الفرق علشان مايشفش ادامة

وحطى رجلك ادامة وهو مش شايف كده عشان يقع على وشه وهو بيجرى يلحقك
وعلى طووووووووول










انت متعرفيناش بقى ع كده

يبقى انتى بتلعبى ف عداد عمرك

هههههههههههههههههه

اوعو يا بنات تسمعوا كلامها

[AMIRA1991]

هههههههههههههههههه شكرا لمرورك الجميل ده ياحوده دايما منور بس انا اصلا ماليش اخوات اولاد فقلت اقدم النصيحة بس مش اكتر هههههههt017..jpg

[_EVE_]

ههههههههههههههه
تسلمى يا اميرة يا قمر
نصائح مفيـــــــــــــــــــدة جدا

[♥بـونـبـونـايـه سـكـره♥]

ههههههههههههههههههههههههه ههههههههههههههههههه
يووووووووووووووووووه جربت كل ته و اكتر كمان بس مش بيحوق يا اوختى
و ف الاخر انا ال بتضرب ههههههههههههههههههههه
تسلمى ياثكر ع التوبيك الكامد ته بكد