قهوتنا على الانترنت
ابحث عن :  
النتائج 1 إلى 8 من 8

الموضوع: علي سلامة

  1. #1
    تاريخ التسجيل
    3 - 11 - 2007
    ساكن في
    رافضك يا زمانى يا مكانى يا أوانى أنا عايز أعيش ف كوكب تا
    المشاركات
    1,225
    النوع : ذكر Egypt الفريق المفضل  : الاهلي

    تمام علي سلامة



    دي مجموعة اشعار للشاعر علي حجازي
    عاجبني اوي الراجل ده
    هو مش شعر هو ممكن تبقي خواطر
    زجل
    بس الراجل ده بيتكلم صح



    ميدان الجيزة


    ضَيعّت شوية سنين كدة ...

    بَحب من بعيد لبعيد...

    والحكاية مقّضيّانى ...

    ومبسوط وراضى وسعيد ...

    أفرح بأى حَاجة ...

    واستنى هدُوم العيد ...

    وبَعدين ضَيعّت شوية سنين ...

    نفسى أبقى أشطر واحد فى الكيميا ...

    مع أنى مش فاهم ميدان الجيزة ...

    والحياة رغم قسوتها ...

    شايفها لذيذة ...

    وضيعت شوية سنين بقى ...

    نفسى أعدَّى اختبارات الكورة ...

    فى النادى الأهلى ...

    واشتغل فى وكالة ناسا ...

    وابقى واحد من العلماء المهمين ...

    وبعدين ضيعّت شوية سنين ...

    منتهى أملى كرسى فاضى ...

    فى أُتُوبيس تلات خَمسات ...

    عين الصيرة أم المصريين ...

    وضيعّت شوية سنين ...

    عايز أفهم الفرق ...

    بين النّكسة والهزيمة ...

    والاحترام وقلة القيمة ...

    وأبقى نجم سيما ...

    م المشهورين ...

    وبعدين ضيعت شوية سنين ...

    واقف عند نظرية المؤامرة ...

    لـا عارف اعيش ف الزمالك ...

    ولا راضى أعيش فى غمرة ...

    ومش عارف لية الحشيش ممنوع ...

    مدام مصرحين بالخمرة ...

    وياترى بقى أتجوز ...

    واحدة بيضة ولا سمرة ...

    ولا اسأل فيها ...

    رجال الفتوى والدين ...

    وضيّعت شوية سنين ...

    مركز ف السّيراميك ...

    والبيبان والشبابيك ...

    وألوان الحيطان ...

    وده بيج وده سن فيل ...

    والموضة الأصفر ...

    وقشر الموزة ...

    وضيعّت شوية سنين ...

    لا انا بحر ولا نيل ...

    حاجة كدة بعيد عنك ...

    ملهاش عُوزة ...

    ولمّا بقيت كام وخمسين ...

    لقيتنى لسّه ...

    بَحَب من بعيد لبعيد ...

    وبرضُه مش فاهم ...

    مِيدان الجيزة



    ---------------------





    الواد ابنى ابو لسان طويل
    قالى
    يعنى سافرت يا بابا واتغربت
    مشوار طويل
    وف الاخر راجع..
    ف شارع متفرع من شارع
    وشقه فى الدور الرابع..
    ودولار نزل طالع...
    وشويا حاجات..
    دكان مستنى التراخيص..
    ومكنسه على خلاط
    وكمبيوتر مش نافع...
    من الاخر معرفتش تتصرف..
    مقدرتش تقول
    لاء
    مش مسافر...
    .....
    منين الكحه دى يا بابا...
    دى عمر..!!
    ولابرد...
    ولا سجاير..!
    .....
    انت عارف يا بابا انا بقالى اد ايه بستناك؟؟

    ايه يا بابا
    انت هاتعيط ....
    ده انا كنت بهزر معاك...
    كنت بهزر معاك
    ----------------------
    ----------------------





    مصر والكاميرون
    سالت كده
    مين الى بيعيط بحرقه هناك ده؟؟
    قالولى
    ده مواطن اتصور وهو بينضرب...

    وقلتلهم ..
    مين بقى
    الامور الى بيضحك هناك ده؟؟؟
    قالولى
    ده واحد كده عمل شويه كوراث
    وهرب....
    قلت لهم ياه ه ه
    شويا كوارث وهرب!!!!

    طب والحته العتمه الى هناك دى كده
    قالولى
    دى حته جديده بتتخرب...

    قلتلهم ..طب ايه الهيصه
    الى فى الساحل الشمالى دى؟؟
    قالولى
    دى البقرة بتتحلب...

    قلت لهم ..
    طيب انتوا قلقلين ليه كده
    قالولى
    اصلنا بنلاعب الكاميرون
    وخايفين نتغلب.....






    مصر والكاميرون
    سالت كده
    مين الى بيعيط بحرقه هناك ده؟؟
    قالولى
    ده مواطن اتصور وهو بينضرب...

    وقلتلهم ..
    مين بقى
    الامور الى بيضحك هناك ده؟؟؟
    قالولى
    ده واحد كده عمل شويه كوراث
    وهرب....
    قلت لهم ياه ه ه
    شويا كوارث وهرب!!!!

    طب والحته العتمه الى هناك دى كده
    قالولى
    دى حته جديده بتتخرب...

    قلتلهم ..طب ايه الهيصه
    الى فى الساحل الشمالى دى؟؟
    قالولى
    دى البقرة بتتحلب...

    قلت لهم ..
    طيب انتوا قلقلين ليه كده
    قالولى
    اصلنا بنلاعب الكاميرون
    وخايفين نتغلب.....


    كيس البرتقال .. علي سلامة


    ملقيتش في الشتا ونيس
    غير كيس البرتقان
    اخد منه و اقشر
    و اضحك احسن ما كشر
    و اكدب علي روحي و افشر
    وصدق اني بقدر
    افرح زي زمان
    ولما خلص البرتقان
    و راح من المكان الونس
    قربت من التليفون
    جايز يرن الجرس
    لقيتني انا و روحي مش مرتاحين من بعض
    قلت مش مشكلة
    المرة الجاية بقي
    اعمل حسابي في قفص
    مليان برتقان







    خايف ابص من الشباك فجأه ومالاقيش مصر


    خايف اقلق باليل كده زى ماقلق او على وش الصبح انا وظروفى بقى بعد العصر


    وافتح الشباك وابص مالاقيش مصر


    اعوذ بالله من الشيطان الرجيم ياخى فال الله ولا فاللك طب وانت مالك


    يعنى بيتنا اللى بيطل على النيل ده


    هيطل على فراغ دانتا دماغ


    ويبقى بلدنا اسمها التجمع الخامس والمجاوره خمستاشر ؟مش هينفع


    خايف ابص من الشباك مالاقيش مصر


    لمت هدومها وخادت حاجاتها قرفت طفشت تعبت


    لمت هدومها وخدت هرمها على نيلها وطفشت وحلفت ميت يمين ماهى قاعدالنا


    مابينى وبينك برضه احنا زودناها كاننها استعمرنا ورثناها


    هى دى البنت الاموره اللى كانت زى القمر


    فجأه كبرت عجزت وبان عليها الكبر


    خايف ابص من الشباك فجأه ومالاقيش




    سلك عريان...


    أقولك حكاية...

    يمِكن مَتصدقهاش...
    النور قاطع ف شارعنا...

    من سنين ولسّه مجاش...

    عارف ليه...

    آه والعيش والملح...

    زى ما بقولك كده...

    ودوَّرنا كتير مخلَّيناش...

    وملقيناش...

    غير سلك عريان مكشوف...

    واقف ف العتمة مكسوف...

    ساكت آه...

    لكنَّه مبينساش...

    لمَّا الماسورة اتخرمت...

    وربطناها بحتة قماش...

    ولكل جرح بينزف...

    شوية بن...

    ولو البن غالى بلاش...

    إيه ياعم...

    إحنا كل ده ف ميدان التحرير...

    لسَّه متحركناش....

    آه والعيش والملح...



    جاتك القرف
    ----------------

    علي حد علمي
    احنا و اسرائيل حبايب
    و فيه سلام و ما فيش حرب
    طب الظباط و العساكر دول بيعملوا ايه
    في ميدان طلعت حرب

    ده بنت و ولد نازلين يشوفوا بلوزة تليق ع الايشارب
    بيحلموا .. بيغنوا
    و احلي ما فـ غناهم انه طالع من القلب

    من امتي العشق كان بيموت من الخوف
    و منا امتي الحلم كان بيخاف من الضرب

    يا كابتن
    يا باشا

    خليك ابن بلد
    هوه انتا ما عندكش اخوات
    صبيان
    و لابنات

    يعني انتوا كل عيلتكوا ظباط
    يعني انتوا اصحاب اكاديمية الشرطة
    و اصحاب الشوارع
    و الميادين
    و المحلات
    و اصحاب البلد

    طيب
    طب ان هاخرم من التحرير لدار القضاء العالي
    هاكل كشري و اخش سيما
    مالك بقي و مالي

    معايا بطاقة و خلصت الجيش
    بتسمي ده أكل عيش
    ؟
    يبقي عرفتك
    طب عريني بقي
    فتشني
    قطع لي هدومي
    و افحصني
    و خلصني
    لا انت اول و لا اخر واحد

    عارف
    انا مرة القطر عدي و داسني
    و ما متش

    عشق الحياة ماهوش ترف
    عرفت ايه معني الشرف

    جاتك القرق
    جاتك القرف



    منقول

  2. #2

    افتراضي

    تسلم ايدك يا جميل على الكلام الجامد ده
    الحيــــاه مسرحية أعجبتنا أم لــم تعجبنا
    فقد دفعنا ثـــــمـــــن التذكرة




    TiMoR





    البحث على جميع مواضيع العضو TiMo0oR

  3. #3
    تاريخ التسجيل
    8 - 11 - 2007
    ساكن في
    العالم المفقود
    العمر
    35
    المشاركات
    427
    النوع : ذكر Egypt

    افتراضي

    مشكور على الجهد الجامد ده

  4. #4
    تاريخ التسجيل
    8 - 11 - 2007
    ساكن في
    divel world
    العمر
    36
    المشاركات
    119
    Egypt

    افتراضي

    نقل مميز منك

    وفعلا الراجل دة كلامه جامد و واقعى





    a7lam ma3ak kan nefsy akamelha bas el7agat el7elwa mabtekmalsh

    البحث على جميع مواضيع العضو دلوعة بورسعيد

  5. #5
    تاريخ التسجيل
    9 - 11 - 2007
    ساكن في
    ღ♥ღ الأسكندرية ღ♥ღ
    العمر
    39
    المشاركات
    2,459
    النوع : ذكر Egypt

    افتراضي

    مشكورمشكورمشكورمشكورمشكور مشكورمشكورمشكورمشكورمشكور
    مشكورمشكورمشكورمشكورمشكور مشكورمشكورمشكورمشكورمشكور مشكور
    مشكورمشكورمشكورمشكورمشكور مشكورمشكورمشكورمشكورمشكور مشكورمشكور
    مشكورمشكورمشكورمشكورمشكور مشكورمشكورمشكورمشكورمشكور مشكورمشكورمشكور
    مشكورمشكورمشكورمشكورمشكور مشكورمشكورمشكورمشكورمشكور مشكورمشكورمشكورمشكور
    مشكورمشكورمشكورمشكورمشكور مشكورمشكورمشكورمشكورمشكور مشكورمشكورمشكورمشكور
    مشكورمشكورمشكورمشكورمشكور مشكورمشكورمشكورمشكورمشكور مشكورمشكورمشكورمشكور
    مشكورمشكورمشكورمشكورمشكور مشكورمشكورمشكورمشكورمشكور مشكورمشكورمشكورمشكور
    مشكورمشكورمشكورمشكورمشكور مشكورمشكورمشكورمشكورمشكور مشكورمشكورمشكور
    مشكورمشكورمشكورمشكورمشكور مشكورمشكورمشكورمشكورمشكور مشكورمشكور
    مشكورمشكورمشكورمشكورمشكور مشكورمشكورمشكورمشكورمشكور مشكور
    مشكورمشكورمشكورمشكورمشكور مشكورمشكورمشكورمشكورمشكور
    مشكورمشكورمشكورمشكورمشكور مشكورمشكورمشكورمشكور
    مشكورمشكورمشكورمشكورمشكور مشكورمشكورمشكور

  6. #6
    تاريخ التسجيل
    8 - 11 - 2007
    ساكن في
    فى عالم غريب بالنسبالى
    المشاركات
    7,708
    النوع : ذكر Egypt

    افتراضي

    ايه الحلاوة ديه يا استاذ سراج

    جامد والله يا مان

  7. #7
    تاريخ التسجيل
    16 - 11 - 2007
    ساكن في
    دنيا فانية
    المشاركات
    24,705
    النوع : انثيJordan

    افتراضي رد: علي سلامة

    انتقاء مميز سراج
    اشكرك جدا على هذه الاضافه
    بارك الله فيك

    ومبسوط وراضى وسعيد ...

    أفرح بأى حَاجة ...

    واستنى هدُوم العيد ...

    وبَعدين ضَيعّت شوية سنين ...

  8. #8
    تاريخ التسجيل
    20 - 11 - 2007
    ساكن في
    الفيوم
    العمر
    40
    المشاركات
    3,063
    مقالات المدونة
    2
    النوع : ذكر Egypt

    افتراضي رد: علي سلامة

    الله عليك ياسراج جبته منين الراجل دة
    دة تحفة
    وكمان عجبنى القطر اللى عدى عليه وماماتش
    دنيا غرورة ياذدحمد

 

 

معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 1 (0 من الأعضاء و 1 زائر)

الكلمات الدلالية لهذا الموضوع

ضوابط المشاركة

  • مش هتقدر تضيف مواضيع جديده
  • مش هتقدر ترد على المواضيع
  • مش هتقدر ترفع ملفات
  • مش هتقدر تعدل مشاركاتك
  •  
جميع الحقوق محفوظة لمنتديات مصراوي كافيه 2010 ©