يا مصر انا بحلم

**هشام اللول1** · 4 - 3 - 2010, 05:59 PM

يا مصر أنا باحلم

يا مصر هواكي في دمي ومنك لوني
من حبي يا حلوة هبوحلك بشجوني
باشتاقلك ف البعد تمللي وباحلم بايامك

دي صورتك فالقلب يا مصر وفعيوني
ع الشط كبرت مابين رملك وسماكي
من بَحَري لأسوان كان يحلىَ الجو معاكي
يصحىَ نهارك بأدان وتخبَّط على بابه الأفران
أصواتك ف الفكر تعشش ولا أملك أنساكي

الكروان ف الشاطبي يغني بلحن حزين
ع الجيزة يطير ويحط ف عين السلليين
لا يمنعه حاجز م الطيران ويحلَّق ف سحابك
ويَمامك مشدود للأرض ويكتم

الحب يا بلدي وأشواقي متمنعنيش
بالْهمّ أصارحك واكشفلك ولاخبيش
أحوالك ما تسُرّ ولادك، عُزّالك ليه حابسين
أحلامك في الذل وأحبابك بالكلابيش

يا مصر انا باحلم بالفجر بيطلع من تاني
ومساجدك تتعمّر بالْهَدي الرباني
يرجع من بلدي يشعشع نور الإسلام
وع الدنيا يهل هلال العدل بقرآني

وفي سر جوه يا مصر ف قلبي مخبيه
حلم جميل من شدة خوفي عليه بداريه
وحشوني الأهل وأحبابي وان قلت انا راجع تاني
إياكي تفشي يا مصر اللي تأمنتي عليه