•°¤*(¯`°(s)( (نشرة اخبار بونبونايه سكره) )(s)°´¯)*¤°•

**♥بـونـبـونـايـه سـكـره♥** · 6 - 3 - 2010, 09:37 PM

السلام عليكم ورحمة الهل وبركااااااااته

معاكوا المذيعه : بونبونايه سكره

فى نشره اخبار الثلاثون

و فى اول الاخبار

المفتش كورمبو كسل اوي وبقى يجيب فوازير اعبط من الاول بعد ما جاله سحس بومب يساعده لانه حس بنفسه لما لقى اللي معاه اغبى من السمك
اشمعنى السمك؟
لانه وبرغم ان الناس بتصطاده من آلاف السنين مش اتعلم ولسه لحد دلوقت برضه بياكل الطعم
مش بقولكم غبــــــــــــــــي

نور ومهند اخدوا كل الشهرة بتاعه المسلسلات التركيه اللي غزت مصر فجأه واشتهروا اكتر من ريدج وكلارك لما جم مصر وعملوا اعلان ماربيلا بتاع الشعر وانا باحب منصور اوبل
يمكن علشان من الرواد
مع ان المسلسل اللي شغال دلوقت عامل صداع ف بيتنا وبيستنوه اكتر مابيستنوني لما ارجع من السفر
اصل اللي فهمته ان انور بيك بينافس كرم بيك برضه على حب شهرزاد بيكه
اللي يغيظ بقى ان الواد كينان ابنها مش فارقه معاه امه تتجوز مين
- مبدأ انها تتجوز اصلا تاني الكلام فيه عندنا يطير فيها رقاب -
المهم امه تبقى مبسوطة وكمان الست الدادة بتاعته شاغلاله كل وقته
بس الواحد خايف الواد يلقط منها طريقه الكلام ويبقى خواجه ويكلم الرجاله والستات بصيغه المذكر
بس زي ماعنوان المسلسل بيقول كله بيروح
ويبقى الحب

قرد موبينيل بعد ماسافر اعارة لجمهورية شونبونجو رفض العودة مصر تاني
ماهو برضه عنده حق الراجل بيعاملوه معاملة الملوك وممسكينه وزارة تعليم هناك مش ف مصر اللي حبسينوه ف قفص وبيجيبوا العيال يرموة بقشر السوداني بعد ماياكلوه هما

سيد ابو حفيظة بتاع نشرة الخامسة والعشرون شخصيه مصريه صميمة
مش سهل ان لم يكن مستحيل نلاقي حد ليه الهيئة المميزة دي الا لو كان مصري ابن مصري
وابن مصر ايـــــــه؟
برافو
ابن مصر عامل كاريه وغاسل ايديه
بس السؤال اللي بيشغل بال الناس كلها
فين البطيخة اللي ف الايد اليمين والجورنال اللي ف الايد الشمال
ولا هو بيشتغلنا وعامل فيها مصري
عايزين تعرفوا الاجابة؟

تابعونـــــــــــا

سمعتوا اظرف خبر : والله امي ندهيتلي بفرحه مش حسيتها ف صوتها من ايام ما الاهلي رفض احتراف ابوتريكة وقالتلي اقرا الخبر ده والله انا كنت واثقه انهم هاينصفوكوا
وخللوا بالكوا من الجمع للمجهول ده ابص الاقي
لكل اعسر لا تحزن فقد اثبتت الدراسات انك انسان طبيعي " الاهرام"
الحمد لله انا طلعت انسان اساسا

بينما يغني تامر حسني بأغنيته المتصدرة مبيعات شارعي شهاب وتقاطع محيي الدين ابو العز ونادي الصيد
" افتكرلي اي حاجة كانت حلوة مني"
مش لقيت اي حاجة تخليني أحقق أمنيته
سامحني ماشفتش منك يوم حلو
الهي ما يرجعها أيام
ويالا غور بقى

اما وانا باستمع واستمتع باغنية العملاق الهادي الراسي موسيقار الاجيال " قالولي هان الود عليه " مش صدقتهم وهما بيأكدولي الخبر وبيقنعوني التفت لمستقبلي اللي بيضيع فقلتلهم كفايه حرام عليكوا مش تشوهوا الصورة الحلوة دي
وأرد عليهم نفس رده بتلقائية
اطمنوا
"هو افتكرني عشان ينساني ؟

وده معاد جايزة البوست
لكل واحد وصل لحد هنا احب اقوله انت بطل احسن من صابر ايوب بتاع اتصالات

وعلشان كده لازم اكافئك علشان تيجي تاني

والنبي تبقى تيجي الله يكرمك

يقعدلك ف عينك وبلوجك وعافيتك
شوية كتب هايعجبوكوا جدا
وعد

انتهت نشرتنا

و الى اللقاء ليوم اخر

**المبدع** · 7 - 3 - 2010, 12:17 AM

شكرا على الاخبار

**بنتك يا عراق** · 7 - 3 - 2010, 08:15 AM

روعة النشرة شكرا

**عفريت أفندى** · 7 - 3 - 2010, 08:33 AM

كلام كبير

كلام خطير

كلام ولا ف الأحلام

كلام يا سلام يا سلام

و الله ضحكت جاااااااامد موت ع التوبيك الجامد موت ده

تسلمى يا بونبون

تحيااااااااتى

**محمد** · 7 - 3 - 2010, 09:49 AM

بصراحة مش عارف من غير النشرة الواحد كان عرف الاخبار ازاي
بس بجد حاجة مميزة وجميلة جدا

**آية الرحمن** · 7 - 3 - 2010, 09:55 AM

ههههههههههههههههههههههههه ههههههه
دائما زى العسل والسكر ويا قمر
ودايما بتبسيطينا وضحكينا وابقى اقبلك لو
عرفتى تقرى الكلمة الى فاتت
نايس توبيك
تقبلى مرورى

**~~ابن البحر~~** · 17 - 3 - 2010, 04:10 PM

لا ابدا والله مش نفسي غير انك تكوني جمبي هههههههههههه

**HoBa HoBa** · 19 - 3 - 2010, 02:13 AM

هههههههههه
حلوة يا بونبوناية منك

**♥بـونـبـونـايـه سـكـره♥** · 19 - 3 - 2010, 01:45 PM

المشاركة الأصلية كتبت بواسطة المبدع

شكرا على الاخبار

هههههههههههههههههه
ثانكس ليك انت مرهف لمرورك نورتنى بكد

**♥بـونـبـونـايـه سـكـره♥** · 19 - 3 - 2010, 01:45 PM

المشاركة الأصلية كتبت بواسطة هدىGB

روعة النشرة شكرا

تسلمى ياهدى لمرورك
نورتيننى ياقمر

الموضوع: •°¤(¯`°(s)( (نشرة اخبار بونبونايه سكره) )(s)°´¯)¤°•

أدوات الموضوع