المشاركة الأصلية كتبت بواسطة الرومانسية
رد مع اقتباسونكمل موضوعنا اللى هو
ـــــــــــــــــــــــــ ـــــالجزمهــــــــــــــ ــــــــــ
وبردو دايما كنا نشوف زمان اى واحدة من بنات البلد لو حد عاكسها او ضايقها او قل أدبه فى الشارع تقوم تقلع الشبشب أبو وردة حمرا اللى فى رجليها وفين يوجعك لحد ما الواد يحرم ينزل من بيتهم أصلا ... وده طبعا أيام ما كان فى بنات بتتضايق من المعاكسات وكدة
انما الوقتى اه من البنات بيموتو فى المعاكسات يبئو نزلين الشارع عشان كده
بس نعمل ايه بقا للتطور ... التطور لازم يدخل ويشمل اى وظيفة ، حتى الوظيفة الهامشية للجزم - اللى بتستخدم فى حالات بعينها وفى بيئات بعينها كمان - اجتمعت نقابة الجزم واول حاجة عملتها النقابة انها رفضت ان الوظيفة دى تبقى هامشية ... اتحولت وبقت أساسية ... اساسية جدا كمان يمكن أهم من الوظيفة التقليدية العادية بتاعة الرجلين دى .. وفكروا كمان ليه ما نكبرش قاعدة المستهلكين بتوعنا ... يعنى بدل ما حد يضربلوا حرامى او واحدة تضربلها واحد بيعاكس ... ليه ماندخلش على فئة أكبر وأهم وأشمل وأعم
يعنى فيها ايه لو نائب محترم فى مجلس الشعب رفع الجزمة فى وش زميله فى قلب المجلس مثلا؟ ... ولا فيها ايه لو مدرب رياضي محترم يرفع الجزمة فى قلب الملعب وفى وش كل المشاهدين والمشجعين؟... ولا فيها ايه لما ممثل محترم وله جمهوره يطلع فى برنامج ويضرب الضيف اللى جمبه بالجزمة بردو؟ ... ولا أى مسؤل تليفزيونى ورئيس قنوات ليها شأنها يهدد صحفى برفع الجزمة عليه لانه انتقده فى مقال ما فى جريدة ما؟ ... ولا بدل ما الإخوان المسلمين ما كان شعارهم المصحف فى اى مظاهرة ضد إسرائيل ، ليه ما يجددوش ويستخدموا الجزمة ويرفعوها مثلا؟
وخلينا مع بعض مكملين تانى
ـــــــــــــــــــــــــ ـــــــــــهيرو ـــــــــــــــــــــــــ ـــــــــــــــ
قهوتنا على الانترنت
