مشرفة المنتدى السياسي
سلملى على البتنجان................
لو كلمت حد فى الشارع واقوله ليه احنا عندنا انتخابات ونقدر ننتخب رئيسنا بس احنا نروح ونختار يردوا عليه ويقولوا اه
والنبى لا تسلمى لينا على البتنجان
بتنجان ايه ياعم بقولك انتخابات وسياسه تقولى بتنجان
استغربت ومشيت وسألت نفسى ايه اللى جاب السياسه للبذنجان قولت افتش واعرف شوفوا عرفت ايه
قمت بالتنقيب عن الباذنجان كنبات ونوع من الخضار له خصوصية مميزة فهو له مرونة كبيرة في كثرة إستخدامه محشي.. مخلل.. مسقعة.. سلطة.. صنية وبالباشميل ومكدوس.... وكذلك مربي ..!
لقد جمع الباذنجان كل قائمة الطعام فاتح شهية وسلطات وطبق نشويات وطبق رئيسي وحلو ... حتي العصير كان للباذنجان نصيب منه .... فتناول عصير الباذنجان يقلل من كمية الكوليسترول المترسبة في الشريان الأورطي ويرخي عضلات جدران الشرايين في القلب
وهو أيضاً من اشكاله غريب ومحير فهناك منه الاسود والابيض والرومي منه منتفخ ممتليء أشبه بالكرة والعروس رفيع كأنه في حالة رجيم ... ؟
حاولت فهم ما علاقة الباذنجان بالسياسة فوجدت علاقة وطيدة ..!
الباذنجان يتم طبيخه والسياسة يتم طبخها ...!
الباذنجان يتم طهيه في المطبخ والسياسة لها مطبخ ..؟
الباذنجان يتم عمله سلطة والسياسه تمنح السلطة والنفوذ...!
الباذنجان فيه حديد والسياسة فيها حديد عز ...!
الباذنجان يتغيرلونه للأسود عندما يتم تقشيره وتركه فتره في الهواء والسياسة تجعل حياة السياسي يتغير لونها للأسود أيضاً عندما تتخلي عنه وترفع عنه حمايتها وتتركه في العراء ...
الباذنجان لونه أسود والقليل منه أبيض والسياسة كذلك تتلون طبقا للحالة الكثير منها أيامه سوداءعدا أيام قليلة بيضاء ..
ولايعني ذلك عدم وجود اختلاف بينهما فالباذنجان مفيد والسياسة ضارة
الباذنجان يقلل الانيميا والسياسة تسبب الأنيميا لبعض الشعوب ..!
الباذنجان أثاره تظهر علي من يأكله فقط أما السياسة فتظهر علي الجميع من القريب والبعيد ..
والتراث الشعبي العربي يعتبر رؤية الباذنجان في المنام دليلا على الرزق بعد التعب. ورؤية ثلاث حبات باذنجان في المنام، علامة على السعادة ايضا...!
في حين رؤية أي سياسي في الحلم دليل شؤم ونذير بوقوع مصيبة ...
بعدما عقدت هذه المقارنة بدأت أفهم أخيراً لماذا يقول المواطن البسيط المصري هذه العبارات ..
فهو عندما يجد حرائق غامضة تلتهم أماكن هامة في بلاده يوماً بعد يوم وعندما يجد الأسعار ترتفع دون مبرر وعندما يجد الفساد يستشري في كافة مناحي الحياةلا يستطيع أن يعبر عن المتسبب إما خوفاً أو عدم معرفة ..
فيقول كله في الباذنجان ..محيلاً السبب إلى هذه الثمرة العجيبة التي تجمع التناقض والتكامل كله...
فلن تفرق كثيراً حريق ... تزوير ... فساد ... تعذيب ...
تعددت وسائل الذل والقهر والنتيجة واحده مثلها مثل المحشي والمسقعة وبابا الغنوج كله في النهاية باذنجان ...!!!
وفى الأخر فهمت وبقيت اقول انا كمان سلملى على البتنجان
<a href="http://up.masrawycafe.net/"...66.jpg" /></a>البحث على جميع مواضيع العضو ايسل
مشرف المنتدى السياسي
هههههههههههههههههههه
ايه المواضيع الجميله دي يا ايسل
كل بتنجان بتنجان
طب فين الكوسه
علي العموم استنا منك الجزء التاني من الموضوع
وهو (يا بلد كل كوسه)
لو لحقتي كتبتيه
ولو ملحقتيش يبقي
سلاميلي علي البتنجان
ولو لحقتي يبقي بالكوسه
يلا بقي ما احنا قاعدين في الغيط
تسلم ايدك ايسل
ومواضيعك الجميله دي ودمتي متميزه
وربنا يبارك فيكي ويحفظك
لا اله الا أنت سبحانك أني كنت من الظالمين
اللهم ارحم
شهداء ثورة 25 يناير
البحث على جميع مواضيع العضو هشام اللول1
نجم مصراوي
الله .. الله .. الله
الموضوع طعمة جميل اوي
بس والله يا جماعة احنا حالنا احسن من السنين اللي فاتت بكتير ، واحسن من دول تانية بكتير ، اما عن السياسة فهي لعبة طبخ وتسبيك ودا في العالم كله مش عندنا احنا بس .
وآسف لو رأيي مخالف
اللهم نجنا من الكرب العظيم
بين زحام الوجوة في حياة كل انسان منا ، عادة يوجد وجه لشخص ما ... أبدا لا ينساهالبحث على جميع مواضيع العضو براكودا
مشرفة المنتدى السياسي
ياهشام لسه هتستنى جزء عن الكوسه ما احنا عارفين من زمان ان احنا اول بلد زارعه ومصنعه ومصدره للكوسه هو فى بلد زينا فى الكون ده احنا اللى اخترعنا الكوسه صلى على النبى ياعم
تسلملى هشام لمرورك المميز دائما
<a href="http://up.masrawycafe.net/"...66.jpg" /></a>البحث على جميع مواضيع العضو ايسل
مشرفة المنتدى السياسي
الاختلاف فى الرأى لا يفسد للود قضيه براكودابس والله يا جماعة احنا حالنا احسن من السنين اللي فاتت بكتير ، واحسن من دول تانية بكتير ، اما عن السياسة فهي لعبة طبخ وتسبيك ودا في العالم كله مش عندنا احنا بس .
وآسف لو رأيي مخالف
ولكن اريد ان اوصل لك وجهة نظرى احنا احسن من غيرنا صح عارف ليه علشان احنا مصر ام الدنيا
هنفضل طول عمرنا بخير بس نفسى متبصش لينا احنا بص على الغلابه بجد اللى بيكلوا مره واحده فى اليوم واللى بيناموا بالليل وحاسين بالبرد
واحنا مدفيين واللى صقف المكان اللى ساكنين فيه بيغرقهم لو فيه مطر صدقنى براكودا دول موجودين فى مصر ام الدنيا يبقى فين العدل ويبقى ازاى نقول احنا بخير وفى ناس يتتألم بس ده اللى حبيت اوصله لك وايضا اتمنا ان تتقبل وجهة نظرى وشكرا لمرورك الكريم
<a href="http://up.masrawycafe.net/"...66.jpg" /></a>البحث على جميع مواضيع العضو ايسل
نجم مصراوي
وجهة نظرك محترمة جدا وعلى عيني وراسي
بس برضة في اغلب بلاد العالم هناك طبقات فقيرة بس الفرق ان احنا مستوى الفقر عندنا زيادة شوية
وفي نقطة تاني ، ان احنا عندنا تفاوت كبير بين طبقات المجتمع ، بنلاقي طبقة مليارديرات كبيرة ، وفي نفس الوقت طبقة فقراء اكتر , اما الطبقة المتوسطة فأنا مش عارف اكتر ولا اقل من الاثنين .
فلو الدولة قدرت تحد من التفاوت ده حالنا حيتحسن اكتر واكتر .
تقبلي مروري
اللهم نجنا من الكرب العظيم
بين زحام الوجوة في حياة كل انسان منا ، عادة يوجد وجه لشخص ما ... أبدا لا ينساهالبحث على جميع مواضيع العضو براكودا
مشرفة المنتدى السياسي
معاك حق بركودا فى كتير فقرا فى كل البلاد
بس عارف ان ليهم راتب وعلاج على نفقة الدوله
وبالنسبه للطبقه المتوسطه ولا كتير ولا قليل
دى اتلغت من مصر يا عم الحاج بقيت موضه قديمه احنا كل الى بنطلبه العدل مصر مش عزبه
للاغنياء فقط يتحكموا فيها وفينا
ومرورك مقبول ونورتنى بركودا
<a href="http://up.masrawycafe.net/"...66.jpg" /></a>البحث على جميع مواضيع العضو ايسل
عضو مميز بالقسم السياسي
هههههههههههههههه
موضوع مطبوخ و متسبك تسبيكه ولا أجدع شيف يقدر يسبكها
و صراحه الموضوع كله عاجبنى بس أكتر حتة عجبتنى
الباذنجان فيه حديد والسياسة فيها حديد عز ...!
و كمان أحييكى على إختيارك للون الخط تصورى إنك كاتبه بلون الباذنجان !
يا ترى ده كان صدفه ولا مقصووووووود انك تكتبى باللون الباذنجاااااااانى ؟
ههههههههههههه
تسلمى يا ايسل
و تسلم مواضيعك اللى من الفرن لترابيزة السفره مبااااااااشره
تحيااااااااااااتى
ثورة 25 يناير
التغيير
الحريه
العدالة الإجتماعيه
إلى كل من يحب مبارك أبشروا قال رسول الله صلى الله عليه و سلم :
يحشر المرء مع من أحب
يا ناس حد شااااااف توقيعى ؟
walid وليد
البحث على جميع مواضيع العضو عفريت أفندى
مصراوي
في عهد السادات
كان رغيف العيش بقرش
فرفعت الحكومة ثمنه الي
قرشين فقام الشعب
: عندما كان شعب:
بمظاهرات مات فيها
الكثير ولم تنتهي تلك
المظاهرات الا عندما
عاد الرغيف بقرش كما
كان
كان هذا الشعب يمتلك
الضمير والايمان
مات الضمير
وضعف الايمان
فاصبحنا
شعب البدنجان
مشرفة المنتدى السياسي
و كمان أحييكى على إختيارك للون الخط تصورى إنك كاتبه بلون الباذنجان !
يا ترى ده كان صدفه ولا مقصووووووود انك تكتبى باللون الباذنجاااااااانى ؟
ياحكيم هو انا زيك لا مكنتش اقصد انت لفت نظرىبس حلو قوة الملاحظه دى منك نستفيد
نورتنى ياحكيم ويارب دايما منورنى
<a href="http://up.masrawycafe.net/"...66.jpg" /></a>البحث على جميع مواضيع العضو ايسل
الذين يشاهدون الموضوع الآن: 1 (0 من الأعضاء و 1 زائر)
ضوابط المشاركة
رد مع اقتباس
